وجهة نظر

موضوع: وجهة نظر الأحد أغسطس 04, 2013 7:34 pm

مسحول على أرضك _ وف عرضك_فين العنوان؟
ليه ظنك ديما_ف معارضك_فاشل وجبان !
والجاهل يكسب_والفاهم يطلع خسران !!!
وحكاية إن احنا ح نقبل_الماضي حديث !
قصه ومعروضة_على الشاشة_أخرجها خبيث
أفلام وف أول خطواتها_تلبيس ابليس
لهجتنا_وطبعا_تعتيمك_فبلاش أوهام
عبد الله ف يوم ينفع اسمه_لمدام اللهام !!!
( اللهمت الصمت على كبرا أصبحت غلام )
وبرغم الحب_اللى ماليكي_ماتت أحلام !!!
الحلم الأول_كان ليكي_الثورة تقوم
قومناها بحبك_بأديكي_على مين ح نلوم
ح نلوم عالدنيا اللى عليكي_يا نلوم حلوم
(حلوم )دا كان ابنه معاك_انتي_ف حرب الخوجات
وهو مات قدامك_وقبلتي
ف حرب الخولات !:-P
ولا خانك يوم_ولا ليه خنتي .! وهو ابن ومات
وبرغم الحزن اللى ماليكي ، ومالك حلفان
لا دموعك نزلت على بيتي ، والبيت عطشان !
لا حلبتي كتابك ورويتي_علمان_اخوان !
أهرام ف تاريخك_وكتابك من غير موضوع
وقفلتي كتابك_ونسيتي_اطفال بتجوع
أفكارك لسا بترسمنا_بضلال ورجوع
أنا زيك_جهزت هدومي_فكرت هروب
لو مش ح نلومك_ح تلومي _ (أحمد ) ف قلوب
عمرانه بحبك_عمرانه_بحب المحبوب
ح نصلي_ولا أروح ساكت ، نفسي اسمع صوت
داحبيبنا (محمد) _قال ناخد_من مصر جنود
والجيش المصري ، لو ماتت_أحلامنا _ يعيش
لو اقولك مصري ح يكرههم_متصدقنيش
دا قتل احلامنا_بأوهامهم_وبنهتف جيش
وح نهتف ثاني_لميت بكرا ، وح تبقى نشيد
إقتل أوهامك_بالفكرة_ودا فجر جديد
الثورة قوية ، ومش شاطرة _ والحلم بليد
ح نعيد من تاني_وح نقولها_لكل الأحباب
احميني يا جيشى على حدودها_ مش أمر ، عتاب
مش قابلك عم_تكون جوزها ! مش يعني معاب
دا انا أخرص ، لو اقولك مرة _ خاين وعميل
دا انا اقطع_ايدي لو انمدت_على جندي زميل
مستقبل بكرا _ف أصلابنا _ إقرأ ترتيل
( وان جندنا لهم المنصورون )
والنصر دا مش معنى مغانم_لو حتى شهيد
مكتوبلك_تكسب ف الجنة _ذاكر يا بليد
نزرع أفكار _نقبل سنة_ليه تبقى عنيد
بالفكرة النافعة_ح ننفعها ، دا سفينة نوح
كانت أشجار _وبيقطعها_بطلوع الروح
وصلت بأمان_وبنذكرها_على فين ما نروح
اما التيتانك_المتفلسف_ربان_خيبان
لو نهدا ف مرة_منخربشي ، ندعي الرحمن
إضرب_الظالم_بالظالم _ واكشف اكاذيب
الفتنة بتطلع_بسلالم_وبطعم غريب
والجاني_ف وطنى يبات سالم _ والظلم رهيب
إفتح دولابك_يا مواطن_ح تلاقي نقاب
الصمت_العاجز _الساكن_والعجز عقاب
واما بتتكلم_بتراهن_على دول ارهاب
مبلاش إعلام_زوزو وعنتر _وام الكعابيش
ولا مصر بتقتل_ف الإخوان_ولا قتلوا الجيش
الطرف الثالث_لسا ما بان_ومازال بيعيش
بيعيش_ف هدومي_وف هدومك_وبينطق بيك
وبيسرق_من كومي_وكومك_ولا فكر فيك
واديا_يا صاحبي_ما محتاجة _ غير بس اديك
مقتلتش حلمك _ ولا حاجة _ ولا دمك حل
وان كنت يا صاحبي_ ح تقتلني_مش ح قتل خل
لو جاهل_انت تفهمني_ودا طبعا حل
بالحب ح نزرع _ف الصحرة_أعناب ونخيل
ولا فرعون_ولا فيه سحرة ، متقولش عميل
اسرق افكارك_من بكرا_اهديها لجيل
مؤمن وبيحفظ قرأنه ، حافظ انجيل
مش لاقي ف بكرا _ شروق خالص _ ولا لاقي نهار
من بلدك فاهم_مش حافظ_طارح أفكار
الفكرة جميلة_ونكتبها_يالا يا شطار
الأم اختارت_لك عمك_والعم امين
لو خايف ، من حبك لامك _اصبر أو عين
والعم عليه_يرسم حلمك_ف رموش العين
لو ضل ، بإيدنا ح نعدلها_نبقى مساعدين
مش نقطع ايده_ونحكمها_ونقول فاهمين
من حقك عارض_ودا حقك_وليوم الدين
ودي وجهة نظري_ولو رافض ، كلنا رافضين ... }
،
،
،
،

،
،
وبلاش نتنازع_ على_دينها_كلنا عارفين
من حقي اللومك _ واللومها_ ودا حق الدين
وجهة نظر/
ضياء الإدريسي

موضوع: رد: وجهة نظر السبت أغسطس 10, 2013 10:19 am

اخى الشاعر الجميل
ضياء الادريسى
وما اجمل ماختمت به :
وبلاش نتنازع_ على_دينها_كلنا عارفين
مصر مؤمنه ومسلمه من قبل ومن بعد الاخوان .
ولن يضيع الاسلام كما وهموا المخدوعين برابعه وميدان النهضه .
احييك على حرفك .
مودتى وتحيتى ...

موضوع: رد: وجهة نظر الأحد أغسطس 11, 2013 3:15 am

الشاعر / ضياء الادريسي
عمل ممتع
في انتظار جديدك أخي

» وجهة نظر
» وجهة نظر
» وجهة نظر
» وجهة نظر
» القرءان دستورنا (وجهة نظر)