وكأنُه بيصطاد عصافير

روحت رابعه وكل يوم
بشوف حاجات ليها العجب

شوفت ست كبيره واقفه
وسط بركان الغضَب

صوتها كان منبوح وعالي
أقوى م النار واللهب

يَسقُط السيسي اللى حلل
دم أغلى من الدهب
..
الجنود ورا منها واقفه
والمسافه ما كاتشي ياما

والرصاص اللي ف سلاحهم
أسمُه منزوع الشهامه

أي جسم يعارضُه ياخدُه
من حياتُه ... لـ القيامه

وكأنُه بيصطاد عصافير
أو إنُه اتمعشق ف يمامه
..
فجأه شوفت جُندي جاى
من بعيد يجري عليها

روحت دافعُه بكل عزمي
أيوه ووقفنا نداريها

قال يا أُمي ... سيبني دي أمي
يا اما مش عايز يسيبني

جريت الست الكبيره
وشَدِت الجُندي بـ إيديها
..
رضا عثمــان

اخى العزيز الشاعر الجميل المتميز جدا جدا
الاستاذ رضا عثمان

قصيدتك صورة ابداعية رائعة نيحييك فعلا على صياغتها ولكنها اادمت قلوبنا ان كانت حدثت بالفعل .

ودمت شاعرنا الجميل بكل خير ومحبة وسعادة ودام ابداعك الرائع .

عمل جميل أخي
في انتظار جديدك

هذة الروعة ليست غريبة عليك

ولكنك هنا أروع من الروعة حيث طريقة فريدة في السرد ونقل الحدث مع المحافظة علي الصور والتعبيرات المدهشة

صورة مثل ( دم أغلي من الدهب ) ( اسمه منزوع الشهامة ) ادت المعني المطلوب تماما

أخي رضا عثمان أحييك علي عملك الوطني المخلص

لك خالص التقدير

القصيدة للتثبيت لروعة النص ورقي الفكر

أخي المبدع الكبير أ.فوزي الشربينى
اولا بشكر حضرتك على مرورك الراقي والطيب
ثانيا هذه القصه حدثت بالفعل عدا هذه الشطره
...روحت دافعُه بكل عزمي ...
دمت بكل الحب والود

أ.عماد عبدالحكيم
اشكرك جدا على مرورك الراقي والطيب
دمت بود

اخي الشاعر الكبير أ.محمود جمعه
اشكرك جدا على مرورك الراقي والطيب
دمت بكل الود

أخى رضا تعيش وتروح رابع وخامسة كمان
ههههههه
القصيدة جميلة وتوضح أن لا فرق بين من فى رابعة والجنود
فهذا شعب واحد
أحييك على الفكرة
ولكن الوزن كسر منك فى قولك ( وكأنُه بيصطاد عصافير
أو إنُه اتمعشق ف يمامه )
خالص ودي

جميل يا رضا .
ولكن فاتك شيء .
ان الحندى الذى يقف ليحمى الوطن هو { مصرى }
ولايمكن ان نصفه كما وصفته .
فوطنيتنا وحبنا لمصر والخوف على مصيرها من مسقبل اسود
كان وراء وقوفهم ضد اعداء الوطن ولن يصلك مفهومى إلا بعد ان تتكشف الحقائق وعن قريب إن شاء الله .
احمد الله ان فى مصر مازل رجالاّ يحافظون عليها وعلى كيانها وكرامتها التى اُهدرت فى تلك الفترة السوداء من تاريخها .
مودتى وتحيتى ..

اخى انا مش عارفه اقولك ايه بس لو انت شايف ان اللى فى رابعه مظلومين وان الجيش بيضرب فيهم وان الشرطه بتموت الابرياء من وجهه نظرك طيب ممكن اعرف ايه رايك انت فى اللى عمله راسهم فى الشعب المصرى كله شيعه ومسحيين ومسلمين اخوان او مش اخوان ولك فاضل الشكر

رائع أنت أيها الشاعر الجميل ..
فكرة رائعة تمس القلوب ،
وصياغة تشى بشاعر موهوب ..
والأمر كما ذكرت وكما نعرف جميعاً
أن الصراع بين الكبار على السلطة والكراسى والدنيا الزائلة ،
والصراع بين البسطاء على الدم والرحمة وصلة الأرحام ولقمة العيش الشريفة
وليتهم يفهمون ...
تحياتى وتقديرى وخالص مودتى لشخصكم الكريم
أخوكم
الطبيب الشاعر/ د.محمد رزق

الشاعر الطيب / رضا عثمان
تصدق قشعرت
القصيده جميله
دمت ودامت المحبه

الشاعر المبدع رضا عثمان

دامت روعتك

الله عليك

كلام جميل وكلام معقول بس اللي في رابعة مصريين والجندي مصري فكلنا سواء ودمت يا شاعرنا ودامت قصائدك

» عصافير الجنة " مع تحية عطرة للشهيدة سلوى حجازي"
» تلات عصافير
» عصافير الغيطان
» مقتل عصافير الظهيرة
» عصافير الغوطة تموت نائمة