عصافير الجنة " مع تحية عطرة للشهيدة سلوى حجازي"

عصافير الجنة

"مع تحية عطرة للشهيدة سلوى حجازي"

حبيبتي ماما سلوى
الرحمة دعوة ليكي
تنزل بنور عليكي
فأنا واحد مـ العصافير

عصافير من الجنة
طيرتيهم بايدكي
وأعشاشهم كات أراضيكي
وعاشوا حلم كبير

كلمتينا عـ الفضيلة
وإن الصدق وسيلة
وعن القيم الجميلة
وزرعت فينا كتير

وفصلتينا عن واقعنا
ولما كبرنا ضعنا
ولقينا الدنيا غيرنا
والحر صبح أسير

عمري مااعتب عليكي
حوشي دمعة عينيكي
بادعي طبعاً إليكي
برحمة الرحيم

عمر الندم مايطولنا
ولا الضمير يخونا
مهما الأوباش قالولنا
أخرس فانت الفقير

فاحنا غنانا نفوسنا
ورضا الخالق كنوزنا
وعيالنا أهم في بوزنا
هما الحلم الكبير

والستر أهو مصاحبنا
والرزق كمان طايلنا
والجنة ياريت تساعنا
إحنا ومامة العصافير
‏.........................‏

‏ ‏ملحوظة: أحب أن أعرف الشباب إن سلوى حجازي كانت مذيعة ومقدمة لبرنامج أطفال أسمه عصافير الجنة في أواخر الستينات.. يعرفه أبناء جيلي والأجيال الذي سبقته جيداً.. ماتت في طائرة مدنية للخطوط الجوية الليبية بالغدر الإسرائيلي المعهود في فبراير 1973 .. رحمها الله.. ورحمنا جميعاً أحياء وأموات..

حلو يا خالو وجميل والله بتفكرنا بالجاجات الحلوة ناس علمت فينا كتير مش دلو قتى مفيش حاجة بتعلم خالص تعيش وتفكرنا يا خالو بالجميل كله بس حاول تتعايش مع الزمن الصعب ده لأنك طيب أوى وأحنا فى زمن متعب أوى
تحياتى لجمال كلماتك

Very Happy

خلى بالك استاذ طارق

انا لحظت حاجه هنا

رشا بنت اختك الصغنتوته بتنصحك

وتقول لك خلى بالك

تعرف يا استاذ طارق

دا بيرجعنى وبيفكرنى لحاجه حلوه قوى

يمكن بتحصلنا فى حياتنا كتير

هى انك تلاقى ابن لك بيعرض رأى أو نظريه

وتبقى مليون الميه صح

فى حين احنا الكبار ممكن جدا

يبقى مش شايفين الحقيقه زيهم

والتجارب بتثبت فعلا ان رأيهم صح

ودا معناه مش مهم السن المهم الفكر الجيد

سواء من الكبير او الصغير

معلش سرحت انا فى تعليق رشا

ولكن لا يمنعنى من انى اقول لك الله ينور

على موضوعك الجميل اللى

ايضا بيطرق موضوعات كثيرة ولكن

هكذا تعودنا منك الجمال والابداع والجديد

دمت بكل حب وجمال

اخى الحبيب طروقه

حدث من سته وتلاتين سنه . تفتكر كام واحد فاكر سلوى حجازى ؟

انت رجعتنا لجدورنا والقيم التى غرست فينا من زمن .

النهارده كل ده ضاع . ومش فاضل إلا التوهه التى فرضتها

علينا الحكومات المتعاقبه حتى لا نعى ما يجرى حولنا .

اشكرك على هذه الكلمات التى اعادتنى للزمن الجميل .

تقبل مرورى مع خالص تقديرى ..

الشاعر الرائع جدا طارق منيب
قصيده جميله دائما استاذى
تطرح ماهو جديد وبجد انا بنتظر
قصايد حضرتك علشان بتكون
ذات فكر ومضمون رائع
او بتكون عن معلومه تاريخيه
او قصه اوحكمه
بجد بستفيد كتير جدا من اعمالك
دمت لنا بكل خير وسعاده
تقبل ودى وتقديرى

رشا فؤاد كتب:: حلو يا خالو وجميل والله بتفكرنا بالجاجات الحلوة ناس علمت فينا كتير مش دلو قتى مفيش حاجة بتعلم خالص تعيش وتفكرنا يا خالو بالجميل كله بس حاول تتعايش مع الزمن الصعب ده لأنك طيب أوى وأحنا فى زمن متعب أوى
تحياتى لجمال كلماتك

أبنتي العزيزة رشا
سعيد جداً بمرورك ووحشاني بعد طول غياب.. أما المشكلة التي ذكرتيها فقد لخصها لي أحد أصدقائي.. وقال لي مشكلتك أنك قديم.. ووضح لي أكثر لما قال شخصيتك زي شخصية الرجل المصري في الستينيات.. ياريت ترجع.. دعواتك...
خالك طارق

الشاعرة عزة الزرقانى كتب:: خلى بالك استاذ طارق

انا لحظت حاجه هنا

رشا بنت اختك الصغنتوته بتنصحك

وتقول لك خلى بالك

تعرف يا استاذ طارق

دا بيرجعنى وبيفكرنى لحاجه حلوه قوى

يمكن بتحصلنا فى حياتنا كتير

هى انك تلاقى ابن لك بيعرض رأى أو نظريه

وتبقى مليون الميه صح

فى حين احنا الكبار ممكن جدا

يبقى مش شايفين الحقيقه زيهم

والتجارب بتثبت فعلا ان رأيهم صح

ودا معناه مش مهم السن المهم الفكر الجيد

سواء من الكبير او الصغير

معلش سرحت انا فى تعليق رشا

ولكن لا يمنعنى من انى اقول لك الله ينور

على موضوعك الجميل اللى

ايضا بيطرق موضوعات كثيرة ولكن

هكذا تعودنا منك الجمال والابداع والجديد

دمت بكل حب وجمال

أختي العزيزة الأستاذة/ عزة
السلام عليكم
أعترف بأن في الزمن دة كل مالواحد صغر سنه بتكون خبرته أكبر.. ليه.. لإن إحنا لحقنا الدنيا وهي لسة بخيرها وبعدين اتلوثت.. أما هما فمالحقوش.. على فكرة كنت أمزح مع أمي رحمها الله وأنا باشاهد الأفلام القديمة لعبد الوهاب وأقولها الناس بتوع زمان كانوا عُبط.. وللأسف بقيت أنا برضه من الناس بتوع زمان..دنيا
خالص مودتي وتقديري..
أخوك
طارق منيب

أميرة البدرى كتب:: الشاعر الرائع جدا طارق منيب
قصيده جميله دائما استاذى
تطرح ماهو جديد وبجد انا بنتظر
قصايد حضرتك علشان بتكون
ذات فكر ومضمون رائع
او بتكون عن معلومه تاريخيه
او قصه اوحكمه
بجد بستفيد كتير جدا من اعمالك
دمت لنا بكل خير وسعاده
تقبل ودى وتقديرى

[

b]الشاعرة القديرة الأستاذة / أميرةالبدري
أولاً بلاش بكش لأني شاعر متواضع جداً بالنسبة لك.. والمفروض أنا اللي استفيد مش أنت..
ثانياً مرورك وتعليقاتك بتسعدني جداً.. ولكن حاسبي عليه لاخد قلم في نفسي واتغر.. أدعي بالرحمة لـ ماما سلوى حجازي (بالنسبة لك أنت تيتا)..
طارق منيب[/b]

عادل عوض سند كتب:: اخى الحبيب طروقه

حدث من سته وتلاتين سنه . تفتكر كام واحد فاكر سلوى حجازى ؟

انت رجعتنا لجدورنا والقيم التى غرست فينا من زمن .

النهارده كل ده ضاع . ومش فاضل إلا التوهه التى فرضتها

علينا الحكومات المتعاقبه حتى لا نعى ما يجرى حولنا .

اشكرك على هذه الكلمات التى اعادتنى للزمن الجميل .

تقبل مرورى مع خالص تقديرى ..

أخي الحبيب عدولة
السلام عليكم
القصيدة موجهة للراحلة سلوى حجازي.. ولكني لم أقصد سلوى حجازي بالتحديد.. بل أردت أن أقارن بين زمن وزمن.. ورغم أنك أخويا الكبير الذي يكبرني بعقد إلا عام.. ولكن عشنا ظروف مشابهة لحد كبير..
عشنا إلا خمسة.. وسكة السلامة.. وحسن ومرقص وكوهين
وهم عاشوا عرفروتو.. وحزمني يا...
عشنا أم كلثوم وعبد الوهاب..و...و
وهم عاشوا ( مطرب لكل مواطن)....
عشنا دوق الدندورمة.. وهي توضح قيم جميلة...وإن المادة مش كل شئ..
وهم عاشوا .. الحظ لعبها صح...
عشنا ميرامار وهو يوضح شرائح المجتمع في وقار.. وهم عاشوا عمارة يعقوبيان وهو يقسم المجتمع المصري تبعاً للاتجاهات الجنسية.. عاهرة .. شاذ.. زان.. إلخ..
عشنا الرشوة جريمة.. وهم عاشوا الرشوة حسنة..
عشنا مكانتك الاجتماعية بتعليمك ومركزك.. وهم عاشوها بفلوسك
عشنا أبلة فضيلة.. وهم عاشوا برامج الرذيلة...
تصدق أنا منتظر جيل كمان وحتكون كل القيم والأخلاق نكتة..
ألم نعش زمن كان المجتمع فيه يربي النشئ أكثر من أبويه.. وهم يعيشون زمن المجتمع فيه ممكن أن يدمر النشئ إذا لم يحرص أبويه عليه..
أم نعش قناتان تليفزيونيتان ممتعتان.. وهم عاشوا مئات القنوات وي الآخر ماتلقيش حاجة تتفرج عليها..
ألم نعش نور على نور .. وهم عاشوا زمن الشيخ دبور...
ماما سلوى جزء من الزمن الجميل.. بالقيم والمبادئ والأخلاق..
صدقني لم أكن متديناً حتى أواخر العشرينات من عمري.. وعندما تدينت لم أجد أي صعوبة لسبب بسيط جداً هو أني استبدلت كلمة عيب بـ حرام.. وكلمة صح بـ حلال..
تصدق في طفولتي رحت رحلة لاسكندرية..مع مركز شباب الساحل.. ولما رجعنا اتحقق مع الراجل اللي ماسكها واتفضح واتغسل قدامنا عشان كان بياكل أكثر منا.. ولو الرحلة دي موجودة دلوقت حياكل الأكل كله فلوس.. ومش حتطلع الرحلة غير عـ الورق..
أذكر في طفولتي رجل أتسرق مرتبه في أول الشهر.. فالجيران كلهم عملوا جمعية طويلة المدى وقبضوهاله الأول .. مع العلم أنا مش منطقة شعبية.. فمنطقة الخلفاوي بشبرا يسكنها الطبقة فوق المتوسطة..
اتربينا على قيم جميلة .. ربنا يثبتنا علينا.. ونقدر نديها لولادنا في زمنهم العجيب..
لا تبكي معي على اللي فات.. كفاية أنا
أخوك
طارق منيب
[/color]

الأستاذ الفاضل :- طارق منيب

تحية الود والتقديرلإحساسك الجميل وتذكريك لنا بهذه الأعلامية الجميلة

ولى تعليق بسيط

فالفن أستاذنا دائماً يكون وليد عصرة فالعصر الجميل فنه جميل

والعكس .. فالفن الأن مع تحفظى الشديد لما يحدث من كوارس

بإسم الفن .

لكن هى نماذج موجودة سواء كانت داخل الفن أو خارجة .

تقبل مرورى وتعليقى

كل الود والأمنيات الجميلة .

Very Happy

إيمان الروبى كتب:: الأستاذ الفاضل :- طارق منيب

تحية الود والتقديرلإحساسك الجميل وتذكريك لنا بهذه الأعلامية الجميلة

ولى تعليق بسيط

فالفن أستاذنا دائماً يكون وليد عصرة فالعصر الجميل فنه جميل

والعكس .. فالفن الأن مع تحفظى الشديد لما يحدث من كوارس

بإسم الفن .

لكن هى نماذج موجودة سواء كانت داخل الفن أو خارجة .

تقبل مرورى وتعليقى

كل الود والأمنيات الجميلة .

الأخت العزيزة الأستاذة/ إيمان
السلام عليكم ورحمة الله وبركاته
تحية عطرة .. وباسعد جداً بمرورك الجميل..
واتفق معك في أن الفن الجميل كان يعكس عصر جميل.. وإن الفن دائماً يعكس مايعيشه المجتمع..
ولكن يبقى للفن دوراً في توجيه المجتمع للأفضل..
وحاديكي مثل..
أم كلثوم في أغنية الأطلال في عام 66 حذرها الكثيرون وقالوا لها الغناء باللغة العربية الفصحى راحت عليه.. فردت وقالت واجبنا أن نعيده..
يوسف شاهين ( مع تحفظي عليه عشان فكره الإلحادي) تحمل خسائر كثيرة في صراع في الوادي.. وباب الحديد.. والناصر صلاح الدين .. ليفرض فنه.. ولا ينقاد للتيار..
ولكن الآن المادة أغرت الجميع .. والجميع له العذر لسبب بسيط أيامهم المليونير كان غني.. والباقي مستورين.. دلوقت المليونير يادوبك عايش.. والباقي بيبحثوا عن الستر ده لو لقوه.. الله المستعان
خالص مودتي وتقديري
أخوك
طارق منيب

» مسيرة سميرة " مع تحية عطرة للشهيدة سميرة موسى"
» الــخـــتـــان
» بـحبـــــــــــــــــك يــا مـــصـــــــــر
» محــتاج لإيـــــــــه
» الجنة تحت أقدام الأمهات (تراب الجنة )