تلات عصافير

]أسيرك ليه صبح منسي
صبح منبوذ من أيامك
ودوستي عليه ف أحلامك
برغم أنه مالوش غيرك
صبح دخان ف تفكيرك
يطير ويدوب ف دنياكي
سحابه تمر ف سماكي
يقوم جواها يتشعلق
عشان خايف ف يوم يغرق
ويبقى ضحية القسوة
غرامك كان زمان عشي
وليه بتقولي قوم أمشي
ماتحلمشي
ماتفرحشي
وأنادي عنيكي ماتميلشي
ماترمشي
خلاص بعتيني ع الأخر
رافضني بقوه أحساسك
ساقيني المر من كاسك
مع أني بحبك موت
وباسهر أعد أنفاسك
يرد النبض جوايا
أنا أسف على الحواديت
على كل اللي أنا قولته
على قلبي اللي داب فيكي
وضاع عمره فدا عنيكي
ولو ع العمر ألفين عمر
بكله ياغاليه ح أفديكي
يرد الدم ف عروقي
يقوللك صحصحي و فوقي
أنا عشت لهواكي أسير
أنا كنت ف سماكي بطير
و جوه ف حضن ليل عشقك
دويت أحزان تلات عصافير
دويت الأولى من مرك
دويت التانيه من صبري
لقيت التالته رمياني
ف مواويلك
أمد ايديا بالأحضان
أشوف شمسك بتصلبني
مابين هرمك وبين نيلك
أشوف الدمعه فوق خدك
أصلي الفجر وأدعيلك
تجيلك بسمتك تاني
توريني شروق ليلك
ياريتني ف قلبي م الأول
قدرت أدبح عصافيرك
لكن مرك صبح ليا
وصبر القلب حنيه
رميتي الدمع ف عنيا
ياجرحاني و سايباني
خلاص دلوقتي نسياني
ح أقوللك بس أيه تاني
أنادي و أقول بلاش تقسي
يضيع مني صدى حسي
ولا تردي
وبتصدي
وكان ردي
سؤال راح أقوله من يأسي
أسيرك ليه ف زنزانتك
صبح ف شريعتك المنسي
...........................
كلمات فرعون شباب الأسكندرية
جمال الدليل

................................[i][i]

اقتباس :

جمال الدليل

أسيرك ليه صبح منسى

صبح منبوذ من ايامك

ودوستى عليه ف أحلامك

ما كل هذه المرارة الموجعـــــــة ؟ ما كل هذا الألم ؟ ...

أشوف شمسك بتصلبنى
ما بين هرمك ، وبين نيلك
أشوف الدمعة على خـــــــدك
أصلى الفجــــر وأدعــــى لك

إيه الصـــــــــور الرائعة دى يا فرعون إيه الجمال الشعورى ده .. يابنى مافيش فايدة

لا شفاء من حـــــــــب هـــــــــذا الوطن

وداد قالت :

باموت فيكى
وباعشق ملـــــــــــح
أراضيكى ...
باحبك حُب فاق الحــَد
وعِــــــــشقى يهِز طوب
الأرض ..
لكين مش عارفة أراضيكى!
ياســــــمرة .. يا حُــــــــرة
يا عاشــــــــقة
يا ضامة الدنيا دى بحالها
وأنا ..لأ


وداد الهــــــــــــــــوارى


[b][center]

أبله وداد
واحشني وجودك على صفحتي قوووووووي
أشكرك على أهتمامك
والرؤية الخاصه اللي بتبصي بيها للقصايد
من الطبيعي النظره القيمه
تكون لشاعرة قديره وواعيه ذيك
أد أيه مرورك أسعد أخويكي الصغير
وانا فرحان قوي أن أول تعليق كان منك
أخوكي الصغير بدون فرعونيته
جمال الدليل

أشكر مرورك الرائع
أسثاذ محمد عبد الحفيظ
وصدق مشاعرك
وحسن تذوقك
لاتحرمني من تعليقاتك الجميله

فرعون شباب أسكندرية
جمال الدليل

أنا تلميذك ياعم عادل
وماحدش بيكتب ف وجع الوطن
ذيك ياعمي
وأنا لو كتبت قصيده عجبتك
فأنا تلميذك
وأنت مرابيني من أيام ما كنت
نص متر ف متر

جمال الدليل

أنا شرف ليا يجي توارد الأفكار مع شاعر أستاذ كبير ذيك
وبعدين أنا مش ح أنزل القصيده دي الديوان الجاي
وأنا مش ح أنشرها غير لما تنزل ديواثك
وأتا اللي ح أغير أسم القصيده



أخوك الصغير
جمال الدليل

الاخ الحبيب الشاعر جمال
اولا لك محبتى واعجابى بكل ماتكتب من الشعر
واتمنى لك مستقبل باهى ومشرق لانك انسان رائع وهذا لمسته من ردودك
وابداعك وكل خطواتك على الطريق السليم بامر الله ويعجبنى نفسك الطويل
وطلوعك سلم الشعر بشكل منطقى هو رائع بالفعل واشعر انك تذكرنى بى ان سمحت لى
انت تملك ادوات الشعر والكتابه وتصعد الى التميز بشكل هادىء وليس متسرع
ايضا حسك بالهم الجمعى واضح جدا
ولى مرور اخر عليك باذن الله
سعدت بك جداااااا
محبتى
محمد