بقيت كافر

بقيت كافر
 
عشان بلساني بفضحكم

بقيت كافر

عشان في قصايدي بصارحكم



بقيت كافر



بقيت كافر

عشان بإيديا اتمردت

بقيت كافر

عشان في كلامي اتجرات



بقيت كافر



بقيت كافر

عشان طلبت اكون انسان

بقيت كافر

عشان بهتف في كل ميدان




بقيت كافر




بقيت كافر

عشان حلمي اعيش بكرامة

بقيت كافر

عشان رافض ظلم واهانة



بقيت كافر




عذرا يا من تكفرون الناس

لقد اهنتم الجواهر والماس



منيش كافر



منيش كافر

دأنا الثاير في كل ميدان

منيش كافر

دأنا اللي صعبت ع الغلبان

منيش كافر

ومش حنضم للاخوان

فضحتوا .. مين ..؟؟؟
انتوا فضحتوا نفسكم .. وكرهتوا حكم الدين ..
وخليتوا مصر القوية .. متقسمة .. نصين ..
انت مش كافر .. بس لو كنت فاكر ..
اللي يكره حكم الله ..
أولئك هم الكافرين .

طارق منيب كتب:

حدثنا أبو بكر بن أبي شيبة حدثنا محمد بن بشر وعبد الله بن نمير قالا حدثنا عبيد الله بن عمر عن نافع عن ابن عمر أن النبي صلى الله عليه وسلم قال إذا كفر الرجل أخاه فقد باء بها أحدهما

اللي يكفرك وانت مسلم يبقى هو اللي كافر

والإخوان لم يكفروا

وأدعوك لقراءة كتاب

دعاة لا قضاة للتأكد من ذلك

مودتي ياأخي المسلم

شكرا لمرور حضرتك استاذ طارق
وعلي فكرة انا لم احدد اشخاص او جماعة بعينها
الذين يكفرون هم اعلم بانفسهم مش انا اللي حعرفهم

طارق منيب كتب:

نسيت أعلق على الشعر



تقدم كبير وملحوظ جداً


وإلى الأمام دائماً

شكرا استاذ طارق
والله انا بتعلم من حضرتك
من اول ما دخلت في المنتدي وانا كل يوم بتعلم حاجة جديدة

طالب حسن كتب:

فضحتوا .. مين ..؟؟؟
انتوا فضحتوا نفسكم .. وكرهتوا حكم الدين ..
وخليتوا مصر القوية .. متقسمة .. نصين ..
انت مش كافر .. بس لو كنت فاكر ..
اللي يكره حكم الله ..
أولئك هم الكافرين .

اولا شكرا علي مرور حضرتك
ثانيا هو اللي الحكم اللي بيكفر الناس
ويقتل اي حد مش حقولك ثوار
هو ده حكم الله
وبعدين شوف مين اللي بيقسم مصر
ليبرالي وعلماني وفلول واخوان احنا برضوا اللي بعمل كل ده
عجبا لناس يكذبون ويصدقون كذبتهم
صدقوا انهم بتوع الدين وبتوع ربنا
حكم الله عشان لو مش عارف هو حكم عادل
مش تلاقي ناس بتاكل من الزباله وتسيبها
اتعلموا من حكم سيدنا عمر بن الخطاب
وبعدين ابقوا تعالوا احكمونا

عادل عوض سند كتب:

                      الابن الشاعر الجميل
بهاء الدين محمد
الله ينور . والله انا فرحان جدا جدا .
بهذا التقدم الرائع الذى وصلت اليه فى فترة وجيزه .
استمر . وانا ازعم انك فى خلال ايام قليله سوف تصل للكمال .
هذا بالنسبة الى الشعر والنص .
اما المضمون .
والى الساده الذى تابعوا التمثيليه الهزليه بتاعة الاستاد ..
ارايتم من الذى كفر الناس واخذوا يؤمنون بعد الدعاء عليهم
ورئيسهم ولا كانه يحكم مصر . بل يحكم جماعه .
ويؤمن على دعائهم وهو صامت على هذا الهجوم على شعبه
آسف المقصود على اعدائه .
الله ينور يا بهاء واحييك على نصك .
مودتى وتحيتى ...                                                          

اولا شكرا لمرور حضرتك الراقي
ثانيا انا كل يوم بتعلم من حضرتكم
في هذا المنتدي الذي يضم شعراء كبار
ثالثا في ناس استاذ عادل بتدافع عن
الرئيس وكانه ملاك من السماء
الرئيس لايخطئ وله انجازات
وانه متدين وبيصلي
طيب وانا مالي بقة بكل ده
بيصلي ومش بيغلط
انا عايز اوجه كلمه واحدة
للي بيصقفوا علي طول
اتقوا الله فلن ينفعكم الرئيس مرسي يوم القيامة

الاخ بهاء الدين

تحياتي لحرفك الجميل والمضمون والمعني

فعلا احنا زهقنا

اقرا قصيدتي الثورة والغربان

تحياتي

سلوى سيد عبدالعزيز كتب:

الاخ بهاء الدين

تحياتي لحرفك الجميل والمضمون والمعني

فعلا احنا زهقنا

اقرا قصيدتي الثورة والغربان

تحياتي

تشرفت بمرور حضرتك الاخت العزيزة سلوي
شكرا لرقة حرفك
انا فعلا قرات قصيدتك وعجبتني جدا
فعلا حكيتي كل ما يدور حولنا
دام ابداعك

محمد البهنساوي كتب:

الأبن الغالي / بهاء الدين محمد
أسعدني أنك تصعد درجات الإبداع بخطى سريعة
واسعدني مضمون ما جاء بنصك الواضح والمستقيم ولست مع الذين يزعمون بأن من ليس مع الجماعة فهو يحارب شرع
الله ويرفض أن نحكم بالإسلام .... يا عزيزي دعهم في غيهم يعمهون ألم يسمعوا دعاء الشيخ الزراعي / محمد عبد المقصود
أمد الله في عمره _كي يحمل أوزارا اخرى _والذي كفّر كل من يخرج يوم 6/30 ولا يساند الرئيس
يا ليتنا نتفرغ للأدب وبأدب
خالص تحياتي / محمد البهنساوي  

اولا اشكر حضرتك علي مرورك الطيب
ثانيا : انا بتعلم من حضرتكم لذلك اصعد درجات الابداع سريعا

محمود بسيوني كتب:

مين بس كفرك يا استاذ بهاء  طيب ياعم انا موش بكفرك شفت انت بتعمم إزاى بقا ظلمت الناس كلها يا عم بهاء
عمتاً أرى شاعر يكبر يوم بعد يوم  أعجبني جدا شعرك مع أختلافي معك فى المضمون

اولا اشكرك علي مرورك الطيب
ثانيا والله انا بخص الناس اللي كفرونا في الصالة المغطاه والرئيس مكنش ليه رد اي رد فعل علي اللي بيححصل
ده الناس اللي طلعت تكفر بتوع تمرد انا لم اقصد ان اعمم ابدا
ولكن كلامي موجه للذين يلقون بلاتهامات والتكفير دون علم
وشكرا مرة ثانية علي تعليقك الراقي

الابن العزيز الغالى الشاعر الجميل والمتميز جدا
الاستاذ بهاء الدين محمد

تحياتى وتقديرى وشكرا على امتاعنا بتلك القصيدة الجميلة فى صياغتها وايقاعاتها المتميزة
ولكن ان اذنت لى ان اتحفظ على المضمون فلا يصح ابدا لاحد مهما كان مركزه ا و اخلاصه
فى دينه ان يكفر اى انسان فان الله وحده سبحانه وتعالى هو اعلم بالكافرين والمنافقين .

ودمت بكل خير ومحبة وسعادة .

فوزي الشربيني كتب:

الابن العزيز الغالى الشاعر الجميل والمتميز جدا
الاستاذ بهاء الدين محمد

تحياتى وتقديرى وشكرا على امتاعنا بتلك القصيدة الجميلة فى صياغتها وايقاعاتها المتميزة
ولكن ان اذنت لى  ان اتحفظ على المضمون  فلا يصح ابدا لاحد مهما كان مركزه ا و اخلاصه
فى دينه ان يكفر اى انسان  فان الله وحده سبحانه وتعالى هو اعلم بالكافرين والمنافقين .

ودمت بكل خير ومحبة وسعادة .

شكرا لمرورك الكريم استاذ فوزي
بس انا عايز اقول لحضرتك ان في ناس كفرتنا
والرئيس كان متكيف اوي من الدعاء علينا
طول ما احنا بنكفر المعارضة عمر ما حال البلد حينصلح ابدا

لمزيد من التقدم يا صديقي على طريق الشعر

عاطف عبدالعزيز الحناوي كتب:

لمزيد من التقدم يا صديقي على طريق الشعر

شكرا للمرورك الكريم