ايوه انا كافر

ايوه انا كافر
مكفرش كيف واللى ربانى عاشق لطه
ايوه انا كافر
مكفرش كيف
وف ودنى سورة الصمد
بين صحوى ونومى
يتردد صداها ..
ايوه انا كافر
كفران جحود
كنت نبته ف عدم
وبحق كن ف يكون
صار اللى زى وجود
لاعمرى أمنت
بمسيح كداب
ولا ركعت لصنم
فكيف ماكفرش بيكم
ياللى خليتوا دينه تجاره
مش دمى اللى ف ايديكم
بيعتوا الشهيد لأجل الأماره
اللحيه طول مترين
وزبيبه عامله علامه
والكرش تقولشى جبالين
وقلوب قاسيه حجاره
رافعين اسلامى شعار
وتقولوا هنطبق حدوده
مش أولى تستر العار
وتسد للفقر جوعه
ولا هو كلام وخلاص
والضحك ع الناس غايه
مش برضه الدين أخلاص
ورحمه ملوه هدايه
ايوه انا كافر
بس دمى معصوم
مايحله ألا اللى نشانى
وان كان على الموت دا مقسوم
قادرمن بعده يبعثنى تانى
ايوه انا كافر
بكل من قراله كتاب
وفاكر نفسه علامه
مبلغ علمه ابن عبد الوهاب
ولا عمره قرا " طوق الحمامه"
اخرتكو ابن عبد الوهاب
وانا أولى الليث بن سعد
اسلامكو لحيه وجلباب
وعندى عدل مالوش حد

اخي الحبيب تحية طيبة وبعد

الله وحده الذي يعلم ما فى القلوب فلا تتهم الناس بالباطل وتعمم

ولا تحقر من مظهر من مظاهر الاسلام وان كانت لحية وجلباب

والامام محمد بن عبد الوهاب مجدد الدين فى زمانه ولو هناك احد الم بعلمه

فقط بالقطع يكون علامة هذا لا شك فيه

وكلامك عن طوق الحمامة فمؤلفه ابن حزم الاندلسي وهو ايضا حافظ وفقيه ومجدد

ولو اولك الليث بن سعد فهذا جميل قال الإمام الشافعي: «الليث أفقه من مالك، إلا

أن أصحابه لم يقوموا به». ولكن لا اظن ان الليث بن سعد كان يتهم الناس زور

ادعيت الايمان فى اول النص وكفرت غيرك ثم كفرت بكفرهم واتهمتهم بان

اسلامهم ظاهري وان الاسلام منهم براء وكذا فى اخر نصك ثم نعت نفسك بالعدل

التام الذي ليس له حد ان كان هذا هو الابداع فدام الابداع

هذا رايي بكل صراحة كقارئ وارجو ان يتسع صدرك لكلامي

شكرا

أحسنت يا أستاذ عربى لكن عندى تحفظ كبير على كلمة (مسيح كداب) .. إنت أكيد ما تقصدهاش بالمعنى ده لكنك وضعتها فى سياق غير مناسب فأصبحت الكلمه أحادية الدلاله .. وهى ان السيد المسيح كاذب وهذا غير مقبول بالمره .. ياريت تغيرها أو تغير السياق اللى الجمله اتحطت فيه .. انا أسف لتطفلى عليك ولكن ده نقطه مهمه

اخى احمد رجب لن ارد سوى على (وكذا فى اخر نصك ثم نعت نفسك بالعدل

التام الذي ليس له حد) لم يحدث هذا الكلام البيت يقول (اسلامكو لحيه وجلباب
وعندى عدل مالوش حد) وعندى عائده على الأسلام اى معناها هكذا الأسلام عندى عدل مالوش حد
دمتم

عربى كمال كتب:

اخى احمد رجب لن ارد سوى على (وكذا فى اخر نصك ثم نعت نفسك بالعدل

التام الذي ليس له حد) لم يحدث هذا الكلام البيت يقول (اسلامكو لحيه وجلباب
وعندى عدل مالوش حد) وعندى عائده على الأسلام اى معناها هكذا الأسلام عندى عدل مالوش حد
دمتم

شكرا على التوضيح وصل المعني

وسؤالي هل عدل الاسلام الذي تعرفه يسمح لاحد ان يتهم احد بالباطل

وان يعمم هذا الاتهام ، وان يحقر مظهر من مظاهر الاسلام حتي لو

كان فى راي بعض الناس انه من قشور الاسلام

ملحوظة : ليس فى الاسلام قشور ولب فى الاسلام اصول وفروع

دام الود