بقيت ميت

انا اتشرف الصراحة بأنى اكون اول واحد يرد على هذه القصيدة الرائعة
بأمانة القصيدة شاملة وعامة ولخصتى الموت فى بعض الكلمات الصغيرة ولكن كم هي كبيرة لمن يعلمها

ربنا يرزقنا يارب ويرزق جميع الناس حسن الخاتمة


تقبلى مرورى يا اميرة واعجابى الشديد بهذه القصيدة

ياااااااه يااميرة

الله عليكى بجد كلامك وجع جدا سلم نبض قلمك واحساسك شاعرتنا الجميله

اعجز وربى عن التعبير

احسنتى الكلام والمقال

تقبلى حبى ومودتى واعجابى بقلمك حبيبتى

اميره بلا وطن كتب:

يانبض الحزن ياساكن فى أهدابى
أموت والآخره تخطفنى من احبابى
وكنت الأمس بجوارهم
وسرّى يدوب فى أسرارهم
وقعده ف قهوة مع شيشه
وتسليه مع اصحابى
نقضّى الليل سهارى ياليل
ولمّا أغيب بيفتكرونى فى غيابى
وفكرت الحياه خالده وبدرى الموت
ماجاش على بالى ولا لحظه غياب الصوت
وتقل لسانى من مرضى ومن خوفى
وناس حواليا تتحسر على ظروفى
وقلب من الفراق مكبوت
وزوارى وأهلى وناسى يواسونى
ويمشوا ويرجعوا تانى بنفس الشكل يزورونى
وكله يقول هتحسن وتبقى تمام
وانا حاسس بإن الموت بيندهلى وكله كلام
وبعد ماكنت على رجلى باروح واجى وباتحرك
صبح كلى كيان مشلول
بكون محتاج أقول حاجه مايقدرشى لسانى يقول
وناس تبكى بقلب حزين
وناس تنزف دموع العين
وانا تعبان ونبض القلب يلاعبنى
فى مره يزيد ومره يقل يرعبنى
خلاص حسيت بإنى بموت مفيش مهرب
ياريت الكل كان جرّب
ماكانش الحال دا هو الحال
ماكانش العم ياكل حق إبن أخوه ويبغى الخال
لا كان الظلم بقى طايل
ولا الأحزان على المخاليق بتتمايل
لا قلبك ده يبات ظالم ولا من حد يوم شايل
تعالوا وشوفوا قلبى وخوفه من ربه
هل الأحباب أو الأصحاب يشيلوا الذنب من ذنبه
هل الدنيا هتسمحلى أعيش تانى
أكفّر جزء من ذنبى..أطهّر مجرى شريانى
عذاب الروح بيوجعنى وآه يانى
وتسمحلى دى بس ازاى وانا عايش على المحلول
صبح كلى كيان مشلول
مفيش غيرإيدى بتشاور وعينى تبص
وناس رايحه وناس جايه عشان تترص
وكترت ليه حواديتهم
مايمشوا ويحكوا دا ف بيتهم
وناس بتقول لناس تانيه هيبقى تمام
وانا حاسس بإن الموت بيندهلى وكله كلام
لحد خلاص ما جانى لاقدروا دول يحوشوه
ولاقدرت غير الصرخه من الأحباب تعذبنى
وحرقة قلب أطفالى تدوبنى
وكله عليا يتشاهد
وخليك يابنى بقى جامد
وإدعى لابوك تكون أسعد ليالى العمر دى الليله
وبالتليفون فى غمضة عين يجمعوا كل دى العيله
وانا خايف هقابل ربى بذنوبى
ماقالوا كتير يانفسى وكرروا توبى
خلاص لا المال صبح نافع ولا الدنيا ولا الأولاد
على المحمل يشيلونى
فى وسط الناس يعدّونى مابين صفين سواد فى سواد
وانا مذهول
وابنى بيرمى برا الباب حقن وعبوة المحلول
ماسحبتشى.. رفضها خلاص بقى الشريان
خدونى وسابوا ورا منى فى قلب البيت جبل أحزان
شوية وكله راح ينسى وهبقى وحيد
ياعالِم إيه هيحصلّى فى لبس جديد
وإيه ينفعنى غير عملى وإيه يشفعلى غير قرآن
خلاص جسمى معاه إسمى صبح مدفون وادى الإنسان

الله الله الله
تعظيم سلام والف تحية لهذا القلم الرائع
نعم اذا كانت الموهبة واكتملت الأدوات
جاء الخطاب الشعرى يحمل كل هذا الكم من الصدق
والعمق فى التجربة وبلاغة التعبير
وبعيدا عن المباشرة الفجة وافتعال التجربة
والتكلف والفذلكة او الغموض والتعالى على زهن المتلقى
جاء الخطاب الشعرى ببساطة اللغة وسلامة الإيقاع
وجمال الصور الواحدة تلوى الأخرى دون ترهل او اسهاب
يحمل من الحكم والموعظة الحسنة
وجبة دسمة سهلة الهضم اشبعت ذائقتى الشعرية
واستحوزت على عقلى ووجدانى فى آن واحد
ورحت اترأرجح على شطرات النص مستمتعا مندهشا
الشاعرة الجميل
اميرة
لايسعنى الا ان اسجل اعجابى بموهبتك الخصبة الجميلة وامتلاكك لأدواتك
وتسخير هذه الأدوات بشكل جيد لخدمة النص
كنتى موفقة جدا فى تناول الفكرة وطرحها بحرفية وذكاء رائع
لك تحياتى القلبية
احمد راضى

(وكله يقول هتحسن وتبقى تمام)
اظن انك تردين ان تقولى (هتتحسن )

معذرة مش عارف اتعامل مع ادوات المنتدى من تعديل وخلافة
لك تحياتى
ودمتى بخير
احمد راضى

الاخت الشاعره الجميله اميره
قصيده جميله جدا اطلتى فيها النفس
وربنا يرزقنا جميعا حسن الخاتمه
ودي وتقديري

الله
فهل تكفى لأعجابي ؟!