وف محراب الأوليا

وف محراب الأوليا
...............................................
بين البشروالحجر...........دم ماشى ف الوريد
الف فجر ...والف عيد
شريان حياه مليان بروح
وقت الألم يشفى الجروح
وقت الفرح مخلوق فيه روح..............
وقت السنين مابتظلمه
يشكى لمين
بيبات حزين
بينام ودمعه ع الخدود
مالهوش حدود
لما يزور الأوليا
لما بيحضن ف الحسين
لما يبات ف السيده
والروح هناك ...جنب المقام
الجسم نام ..والروح بتسرح فى المكان
وغلام صغيربيطعمه لجل الرضا
لجل الوصال
لجل ينول حب النبى
لجل يحس انه طاير ف السما
جنب الخليل
ويبات صحيح يصبح عليل
لما يخون سرالمقام
لما يقول عن ال شافه ف المنام
وليه يقول؟
الحاجه دى مش اختصاص طبع البشر
الحاجه دى هى ال فارقه ف الطباع
بين الحجر وبين البشر
الخضرعلم الكليم
والخضر عمره ماكان نبى ولا رسول
الخضر محبوب ف المقام
سر الوصال ماطلعوش
والرب ليه عنه يحوش
جوه المقام .....الجسم علق فى السما
الروح بتحبى فى رحاب الأوليا
مين الولى؟
لو أعرفه أجرى وأبوس أوام اديه
وف خدمته .....عمرى كله ملك ليه
بس يكون صاحبى ف يوم
الكل هربان من الصحاب
والاب تايه عن مراته والولاد
الا الولى...عمال يدور عل زار
عل شعلل جسمه نار
عل فرق ع الغلابه ميت رغيف
عل كنس الحصيره
على سكر ف المقام
من غير مايشرب الخمور
عل وقف ف الطابور
عمال بيمدح ف الرسول
والجسم ثابت ف المكان
والروح تدور
عماله تلعب فى رحاب المصطفى
عاشقه الرسول
مداح بيمدح ف النبى
عمال يقول
جتلك ياطه استعطفك ترفع غطاءالعمى عن العيون
تلمس بايدك جتتى وأمدح واقول
سيدناا لنبى سيدنا النبى
ونفسى ازورك يارسول
والناس تقول ........جاهل بيذكر ف الحسين
ماله الحسين؟
لاخوف عليهم كلهم ..الرب قال
وكلامه يمشى ع الجميع من غير جدال
وانا ف رحاب حضن الحسين
الجسم زار السيده
والعين هناك عند النفيسه .معاها كل الأفئده
لو تهمتى انى غبى
هفضل غبى
مادام بحب الأوليا
وهمى أمدح النبى
فرحان بجد
ان ف هواك يامحمدى
اكبر غبى
الخضرعلم الكليم
والخضر عمره ماكان نبى
والخضرعمره ماكان نبى.........................
............................................
شاعر الاحساس

حبيبى عاددل عوض سند
اردت فعلا اوضح ان ال البيت اولياء صاحين لايضرون ولاينفعون
ولكن لابد من احترامهم وهم ليسلديهم اى طريق او وسيله
كما يظن البعض

لكن هناك كرامات ذكرها الله

كما الخضر