نفسى ارجع مصر

أنا نفسى أ رجع مصر
..........................
سلامى لسيدنا وابن الكرام
ولاخته الكريمه مليون سلام
سلامى لصحبه فى يوم القيامه
فى جنه عظيمه ومليون سلام
سلامى اليهم بشوقى ومحبه
حبايب قلوبناوأغلى الأحبه
سيدنا الحسين وستى أم هاشم
وقلعة صلاح وترب الغفير
والازهرحبيبى شرا ع الاحبه
سلامى لمبنى بناه الجدود
لجندى يموت هناك ع الحدود
لسد أصيل غير كل السدود
بيحمى البلاد ويرعى الوجود
سلامى للمه ف اخر شارعنا
ونفرش حصيره وجبنه قريش
وناكل ونشبع ونضحك نعيش
سلامى لامى وبوسولى ايدها
وابويا واحشنى وغيره ماليش
والي ساكنه وشاغله كيانى
مراتى حبيبتى الي قالبه حالى
سلامى اليها ونفسى اشوفها
واحلف لاعمرى فارقنى طيفها
ولابنى وبنتى وكل الصحاب.................
سلامى لمصر ........سلامى اليها لكل الشوارع
لكل الحوارى وكل المدن
لكل القطرا وكل السفن
لمصر الحضاره الي مش فاكرها
وطيبة طباعها الي فى واحده غيرها
لمصرالاصيله بنت الاصول
لمصر ال سافرت
لمصر ال ماتت
لمصرال لسه ساكنه فى الخيال
وقولولها رساله من ابنك اصيل
تايه ودايخ بقاله سنين
مش لاقى سكه يعود للمدينه
ولا لاقى شط وبرومينا
ونفسه الايادى تتشبك فى لحظه
ونركب سوافى نفس السفينه
وقولولها نفسى اعود تانى ليها
ورسالتى اليها
.......نفسى أرجع مصر
......................................
شاعر الاحساس
عبدالتواب الرفاعى