ارجع

سهرت أنا طول الليل
بفكر ألاقى غيرك بديل
بس لقيت أن مستحيل
يكون بعدك شئ جميل

أنا عمرى ما كنت أقبل
أكون حيران دايق الذل
أهو عقلى تفكيره أتشل
مش لاقى ف بعدك حل

ف غيابك شوفت الويل
تعبت ومبقاش فيا حيل
ببعد و لسه قلبى بيميل
و لهفتى ليك اكبر دليل

بعدك اكيد ان الحياة ملل
و مش أحلى لأ دى أقل
وهجاوبك وأقول لو تسأل
مش هبعد و مهما يحصل

مش كفاية اللى جرالى
حرمت مش هبعد تانى
كنت بتعذب كدة وبعانى
أسألى عنى قمر الليالى

حقيقة واحدة بس ف بعدك
انى مش عارف اعيش بعدك
وانت بتتمادى اوى ف عندك
ارجع مش عارف اعيش بعدك









اسف جدا على التأخير بس بجد مشغول على الاخر
زى مابيقولوا كد اطلع من نقرة لحفرة وهكذا
على العموم الحال دلوقتى احسن بكتير بعد ما
سمعت خبر جميل وهو انى نجحت فى الدراسة
وبأذن الله مش هغيب تانى واكون متواجد معكم بأستمرار
خصوصا انى حاسس ان انا مستوايا فى النازل بس انا عملت
حاجات ياما واحدة واحدة كدة هتشوفوها وتحكموا
شكرا
محمد رمضان

الاستاذة ايمان عبد الله
لكى جزيل الشكر على مرورك الرائع
اشكرك حسن متابعتك
واشكرك على رأيك
محمد

الاب الرائع
عادل عوض سند
انا بنتظر التعليقات دى من وقت للتانى
بشكرك على التحفيز المستمر والدائم
اتمنى الوصول لدرجة تنول اعجابك
بس دة طبعا مش هيحصل الا بتوجيهات
الاساتذة الكبار وعشان كدة بطلب منك
نصيحة على كل تعليق ليا
اكيييييييد هتنفعنى جامد

محمدرمضان

اخى الجميل محمد رمضان الله الله عليك وعلى مواضيعك الجامده
بس انا شايف يا محمد انك لو دققت فى الكلام كله هتلاقى نفسك انك حططتها غلط فى قسم الخواطر
انا شايف فيها حاجة تانية انها لو راجعنا قرائتها من تانى هتلاقيها احلا قصيدة والله
يامحمد وانا عارف اكتر واحد ان عندك حاجات جميلة بس انت تقلان علينا وعايز تطلعها واحدة واحدة
دمت بكل خير وحب
اخوك
احمد سعد
تيمو

الله عليك يا احمد وانت بتجامل صاحبك
حبيبى واخويا ورفيق دربى
احمد سعد
والله واحشنى اوى
وعايز اقولك ان انت اللى مستواك بسم الله
ما شاء الله ارتفع جامد
ربنا يجعلك فى تقدم مستمر
اخوك
محمد رمضان