ما بين الشط والتاني

ما بين الشط والتاني
طيور الحلم وخداني
معاها الرحلة والذكرى
وبين الفكره والفكره
تكون الدنيا ألواني

صحيح الموج مغلبني
وحالف انه مـ يسبني
أعدي بحلمي للواقع
لكن جوايا مش راكع
جمال الكون بيملاني
عزيمة تهد أشجاني

دا بين الرحلة و المجهول
جبال راسية و وهم يطول
ومين يعرف حـ يحصل ايه
ومين شكله يدل عليه ؟
دا مين طيب ومين شرير
ومين مظلوم ومين جاني ؟!

و بين العتمة والأنوار
حقايق في القلوب أسرار
دا ناس عايشة يا ناس في يقين
وناس تايه ما بين شطين
وناس جاية وناس رايحين
وبينهم مركبي فاني
دا بينهم مركبي فاني

الاخ الشاعر الجميل

محمد كمال

انت شاعر جيد جدا ونص يستحق الاشاده

فانت تجيد الوزن والمضمون فى نصوصك

وهذا مايميزك عن الآخرين .

مودتى وتحيتى ...

» على.............البحر
» على الشط
» ع الشط شاطر حسن
» مولودة على رمل الشط