مولودة على رمل الشط

كنت ف مرة مسافر وحدى

ألف بلاد وبلاد وأعدى

تخطفنى ف مرة الصورة

ولا النسمة تخلينى اهدى

وف رحلة دوارة ملاحة

قابلت عيون عاشت سواحة

منهم عين شيخ لف وطاف

قالى تعالى افرشلك ساحة

قلتله ساحة ايه ياسيدنا

قالى دى ساحة جمالها ياخدنا

وليها حكاية منى اسمعها

واحكيها عنى لكل الدنيا

هى حكاية عشق كبيرة

بطلتها للحب أسيرة

اتولدت على رمل الشط

وكبرت على طينه أميرة

ف عيون الشمس اهى دايرة

بتغنى غناوى الخضرة

بتضوى جبال الخوف

من قلب نجوم الصحرا

وحبيبها نداها ف يوم

قالها يلى تعالى نقوم

نصحى البسمة ف دنيا جميلة

ويشهد لينا عمر الكون

ان النور والله كفاحنا

وحصاد الجدعنة دة سلاحنا

وشموع الفجر النادى

نورت الدنيا بصباحنا

عرفت ياإبنى أنا بحكى ف مين

ومنين جبنا سمارنا منين

وف مشوار العمر بحاله

قاعدة بتسقى الحيرة حنين

أيوة ياجدى حكالى الليل

وقالى دى هى عروس النيل

خفة دمها شهد ف نهر

وتاج الحسن دة قلب نخيل

فاكر ياجدى الحلوة دى لما

كانت أم وخالة وعمة

يوسف من طرحها بيوزع

حب بيروى الأرض العطشى

من طينها العايش نتعلم

ادام الدنيا ونتكلم

هى الحضن الشادى اصالة

بيها العالم كله بيحلم

وحياة ربى فى علاه

وسحر الشوق ونداه

لو قالوا الدنيا ف كفة

وانتى لوحدك فى التانية

لجريت بالقلب عليك

واتغطى برمش عنيك

واقول ازاى تختاروا

دى الحلوة فى سحرها قالوا

خطفت قلب العشاق

والكل صبح مشتاق

فى القرآن اتذكرت مصر

الها محمد رمز النصر

ع الألأيام القاسية دى ناعسة

تفرش لينا آيات الصبر



كلماتى بلادى اقبليها منى
***********
هنا

تحية من الفلب لكلماتك الراقية



وحبيبها نداها ف يوم

قالها يلى تعالى نقوم

نصحى البسمة ف دنيا جميلة

ويشهد لينا عمر الكون

ان النور والله كفاحنا


محبتي و احترامي

نص وطني من الدرجة الاولي

كلمات جميلة فى نص بديع

ابدعتي

صارت كلماتى فى طريق الإبدع بمروركم عليها ، وقراتكم لها .
كلماتكم الراقية الرقيقة جعلت الكلام يأبى أن ينطق
تقبلوا منى خالص شكرى وتقديرى

السلام عليكم ورحمة الله وبركاته
الأخت الكريمة الشاعرة / شمس الصبر
عمل جميل
في انتظار جديدك

جميله شاعرتنا شمس الصبر
ولى شرف المرور الال على احد نصوصك
شاعر الاحساس
عبدالتواب ا لرفاعى