بعاتب روحى

لو ممكن كنت عايزة أعرف راي حضراتكم فى القصيدة دى

بعاتب روحى من جوه ,,
و بعشق فيها بالقوة ,,
و أخاف لوّ يوم تتوه منى
و تبعد عنى مضطرة !!
بعاتب روحى مش بكلام ,,
بنظرة عين و ضحكاية,,
و روحى عارفها نسّاية
بتنسانى و تنسى الناس
و تغرق فى بحور احساس
بتاخدنى ,, تودّينى
و تحلف بيّا و بدينى
و فى عتابها تعبت خلاص
يا روح عطشان ع الآخر
أمانة عليكى تروينى
معادش الفرح بالساهل
متتساهليش و تنسينى
معادش العمر فى الأول
أحايل فيه ,, تحايلنى
فخليكى كده عاشقة
لو أضعف يوم ,, تقوّينى
و خليكى كده صابرة
على الأحزان و ضمينى
ده أنا محتاج أكون عايش
و حضنك بس يحيينى ..

آيــة حــافــظ

جميلة كلماتك جدا استاذة اية
هذه القصيدة اثرت في جدا
دام ابداعك وننتظر منك مزيد من القصايد للاستمتاع بها

نص جميل جدا ....

تحية من القلب لك يا صاحبة هذا الإبداع الراقي..

موسيقى رائعة و منتظمة من بحر الوافر الجميل ( مفاعلتن .. و التي تتداخل مع تفعيلة الهزج الجميلة مفاعيلن ) و صور شعرية بسيطة و جيدة و ألفاظ عذبة ... تصلح للغناء .

جميلة كلماتك جدا استاذة اية
هذه القصيدة اثرت في جدا
دام ابداعك وننتظر منك مزيد من القصايد للاستمتاع بها

شكرا ربنا يبارك فى حضرتك
اسعدنى جدااا رأى حضرتك

نص جميل جدا ....

تحية من القلب لك يا صاحبة هذا الإبداع الراقي..

موسيقى رائعة و منتظمة من بحر الوافر الجميل ( مفاعلتن .. و التي تتداخل مع تفعيلة الهزج الجميلة مفاعيلن ) و صور شعرية بسيطة و جيدة و ألفاظ عذبة ... تصلح للغناء .

متشكرة جداااااااا لكلمات حضرتك الرائعة
ومتشكرة مرة تانية لانك عرفتنى البحر اللى مكتوبة عليه لانى معرفش بصراحة و مش دارسة و لا قارية فكانت معلومة جميلة بالنسبالى ,,, شكررررا

الله الله
رائع هذا الموضوع

الله الله
رائع هذا الموضوع

تسلمى يا حبيبة قلبى ,, ده من ذوقك

آية الرائعة
مرحبا بك فى بيتك و منتداك
و أهلا بنبضك الجميل

مرورك أسعدني كثيرا يا أستاذنا ...

رعاك الله

فخليكى كده عاشقة
لو أضعف يوم ,, تقوّينى
و خليكى كده صابرة
على الأحزان و ضمينى
ده أنا محتاج أكون عايش
و حضنك بس يحيينى ..

كلمات جميلة هادئة ودافئة وبديعة

دام الابداع