روحى المسحوبه منى

ياعمرى وروحى وسنينى

حقيقى كتير وحشتينى

ياحبة عينى يا ننى

ياروحى المسحوبه منى

بنادى عليكى وباادور

وأقوم من نومى وأتهور

وأروح على قبرك أندهلك

وأقول ياغاليه ضمينى

كتير كتير وحشتينى

وحشنى عبيرك الصافى

وحضنك الوفى الدافى

وشوق العيله واللمه

وضحك عنيكى والضمه

وكلمة بنتى نور عينى

وقلبك لما يحوينى

بجد كتير وحشتينى

الشاعرة عزة الزرقاني

كلمات من القلب لأغلي حبيبة

دام الإبداع

وماغير الام تكتب لها تلك الكلمات ؟؟

الاخت الشاعره

عزه الزرقانى

تسلم ايدك على تلك القصيده .

كلمات خرجت من القلب فوصلت الى القلب مباشرة .

تحياتى وتقديرى ...

الشاعرة الرقيقة
عزة الزرقانى

تحية طيبة

كتبت فأبدعت

وبالنسبة لشخصية
حساسة مثلك
كان هذا هو المنتظر
وأكيد الراحلة كانت تحمل
نفس المشاعر الرقيقة
رحم الله أمهاتنا العظيمات
وأمدنا بالقدرة على عدم
نسيان الدعاء لهم
فهذا أقصى مانملكه الآن

أطيب الأمنيات

الله على كلمات الوفاء الصافى من قلمك

احسنت شاعرتنا الجميله عزة الزرقانى

مودتى غاليتى

جميله استاذه .... تحياتي

تثبت بواسطتي

من اجمل ما كتبت المتألقة عزة

الى امها الحبيبة مشاعر وكلمات جميلة

دمت بخير ايتها الرائعة

احساس صادق

وصل القلوب

بطريقتك الرائعة

ايتها الشاعرة المبدعة

دمتي راقية كعادتك

كفايه الاحساس فى الكلمات استاذه عزه الى وصلتلى اثناء قراءتها وبالفعل مفيش اجمل من الام عشان نكتبلها

تسلم ايديكى يا ا/عزه

تحياتى

عمل جميل جداً كالعادة

وكل سنة وأنت طيبة بمناسبة اقتراب عيد الأم

محمد عبد الواحد كتب:: الشاعرة عزة الزرقاني

كلمات من القلب لأغلي حبيبة

دام الإبداع

تسلم الشاعر الجميل عبد الواحد

تحيتى لك

يييييييييييياه ايه الاحساس العالى ده والله الدمعه فرت من عينى
هيه دى عزه الزرقانى للى ما يعرفوش

وكلمة بنتى نور عينى

حسيتها قوى دى
بجد الله عليك
والله يرحمها
تسلمى يارب
تحياتى

بجد استاذة
شعر غنائى رائع
دمت بحفظ الرحمن

» ساكنة فى روحى
» روحى محتلة
» بعاتب روحى
» مطارق روحى
» روحى فداك