طلعت روحى

لما انا فقت
بصيت كده حواليا لقيت الدنيا ضباب
لما عرفت
ما لقيت حاجه ف قلبى ب تفتح للنور باب
شفت ف قلبى ضلام متكدس كده اكوام
و لقيت روحى ف زاويه ماليها عفار و تراب
بس الحق
لما نفخت العفره ب ريق التوبه انزاح
هم تقيل كان فوق القلب و لعلع شىء
بان لى اصالته لما قرصته تحت الناب
طلعت روحى
رغم سنين الغربه و رغم بحور الغى
لسه كاتمه ايمانها و حالمه باجمل ضى
صابره و بتدعيلى اتوفق للاسباب
سبحان الله
قد ما نغوى كتير و نضل كتير و ندور
شىء جوانا بيفضل ماسك طرف النور
لجل يعود بينا لله ما نعيش اغراب
طلعت روحى
طلعت روحى دهب ع الفطره ما جنزرهاش
حب الدنيا.. اللى تعبها ما ريحهاش
و اللى خدعنى بوهم كبير و لقيته سراب
اه يا خساره
الف خساره و الف ندامه على الايام
عمرى اتعد سنين و اتعاش لحظات يا حرام
و اللى باقى لى الباقى اما الماضى سراب
شاكر ربى
شاكر ربى و حامده حامده على التوفيق
لاكن ع اللى اتسرسب منى ف قلبى حريق
نفسى و نفسى و نفسى و فين؟ العمر اهو شاب
و لا شيطانى
لما لاقانى شيطانى باميل ع التوبه و اريد
جمع ليا كل مريد جبار و عنيد
نازلين فيا دك و طالبين الاستسلام
مش هاستسلم
مش هاستسلم ابدا ابدا مش راح اعود
انا صدقت يكون لى ايمان و يكون لى وجود
ابواب عمرى اتقفلوا ما فاضل..... غير كام باب
توبت يا ربى
توبت يا ربى و ناوى يا ربى اعيش انسان
ناوى اكون اهل لتكريمك مهمن كان
ناوى اكون بالحق خليفه للرحمن
بس ساعدنى
ارمى ف قلبى يا رب يقين و صلابة حق
علم قلبى يقول لضلال الضالين لأ
لو يتفرتك غير للحق ما يدى حساب
رافت المصرى
لا اله الا انت سبحانك انى كنت من الظالمين

جزاكم الله خيزا اخى الشاعز العزيز استاذ زضا
الف شكز لتواصلكم اخى الحبيب ثبتنى الله واياكم على الحق وعفا عنى وعنكم وعن كل المسلمين

م/عطية شواش كتب:

[center]

ربنا يتوب عليك وعلينا اللهم امين

تحياتــــــــــــــــــــــي[/
center]

استاذنا ك الشكز وكل التقديز لتواصلكم الجميل

عادل عوض سند كتب:

اخى الحبيب الشاعر

رأفت المصرى

نص جميل وما اجمل العودة الى الله سبحانه وتعالى

باب التوبة لايُغلق ابداّ والله ارحم الراحمين .

اسجل اعجابى وخالص تقديرى ..

الاخ العزيز استاذ عادل
كل الشكز استاذنا لكم تواصلكم الطيب
تقديزى واحتزامى

أحمد الشرقاوى كتب:

لما نفخت العفره ب ريق التوبه انزاح

كلمات جميلة جداً
أستاذى الغالى
رأفت المصرى
صور رائعة كثيرة اعجبتنى
أحييك عليها بصدق

دمت بكل خير
أبهى تحياتى

ا احمد
شزفنى مزوزك
كل التحايا لك

بسمة الورد كتب:

ماشاء الله
كلمات راقية المعانى
فما اجمل الكلمات بالدعاء
والانابه الى البارى
الشاعر القدير رافت المصرى

تقبل الله منكم الدعاء
وجعل ما قدمت فى ميزان حسناتك اللهم امين

كل الشكز ا بسمه للمزوز و التعقيب
احتزامى

الله الله عليك يا عمنا الأستاذ رأفت المصري

زفرات تائب أسأل الله أن يتقبلها ويتوب على كل المسلمين فهو أهل لذلك
كلمات كانت بمثابة برقية عاجلة رقيقة من تائب إلى كل إنسان حاد عن طريق النجاة

قصيدة تصلح أن تكون أنشودة دينية جميلة

تقبل مرورى يا استاذي الفاضل

بارك الله فيك وفي قلمك الشاعر رأفت المصري

نص رفيع المستوى كما عودتنا

تحياتى

رضا فايد كتب:

الله الله عليك اخي الحبيب/رافت المصري
مااجملها من كلمات خطها قلمك ونبض بها قلبك الصادق..وروحك الطيبه..بدعاء وانابة الي الله..تقبل الله منك وجعل هذا العمل في ميزان حسانتك..دمت بخير اخي

كل شكزى اخى استاذ زضا
جزاكم الله خيزا

[quote=
هم تقيل كان فوق القلب و لعلع شىء
بان لى اصالته لما قرصته تحت الناب
طلعت روحى
رغم سنين الغربه و رغم بحور الغى
لسه كاتمه ايمانها و حالمه باجمل ضى
صابره و بتدعيلى اتوفق للاسباب
سبحان الله
قد ما نغوى كتير و نضل كتير و ندور
شىء جوانا بيفضل ماسك طرف النور
لجل يعود بينا لله ما نعيش اغراب
طلعت روحى
طلعت روحى دهب ع الفطره ما جنزرهاش
حب الدنيا.. اللى تعبها ما ريحهاش
[/quote]

الله عليك يا عمنا
افتكر كل اللى اندهشوا من اختيار
الشعب للحرية والعدالة والنور
لو مروا من هنا كانوا هيفهموا
وهتزول دهشتهم
اسف لانى شطحت بس انا
حسيت المقطع ده على لسان مصر
ع العموم
ودى وتحياتى واعجابى