احداث الوطن

اوضاعك يا بلدى مش عجبانى
واحوالك دايما مش مستقره
انتى يا يا بلدى نسيتى ثورتك
ال فيها شعارك بانك تكونى حره
وال خان يا بلدى
ده من جوه وال بره
وال ده قسمه ونصيب
وايامك سوده ومره

انا حاسس يا بلدى
انك مش قادره تتقدمى
حتى ولو خطوه لقدام
كان طريقك مزحوم
ومليان الغاز والغام

حتى رزقك مش ليكى
ودايما بيتصدر ولو للاعداء
بيتصدر لغيرك وانتى اوله بيه
يا بلد حالك كل يوم
عمال يتاخــــــــر
كان المرض جالك
وانتى ف اخر ايامك
وال بيرعى مش حاسس
نايم وعمال يشخر

يا بلد دموعك كتيره
وقلبك دايما بيتحير
يا بلد فضيها سيره
ما انتى يا بلد ليكى
الف وش عمال يتغير

حزينه فرحانه جميله
وحشه حلوه وانا
متمرمط ف ده حال
صحيح بحبك وبقول
ف حبك ميت موال

يا بلد ليه يوم
وانا فيه راحل
لتصحى من النوم
وزى معلمتينى
اتعب واتمرمط ودوق المر
اصل مفيش حاجه ابدا
بتاجى بالساهل

يا بلد الكلام عليكى
بقى يكتر
انتى صحيح عشيقه
للشر والكدب
اصل انا ع ده كلام
لسماعه والله ما اقدر

يا بلد اوضاعك امتا حتتحسن
ف يوم وال اتنين وال سنين
وامتا يتحد كل ال فيكى
علشان يعدلوا حالك
بدل ما انا مش عارف حالك ده
رايح ع فين

يا بلد لو ع الكلام
الكلام سهل وبسيط
ما انا قادر اصحى وانام
او اشرب من بحر غويط

حالك يا بلدى من كتر
ال فيه بقى مكفيه
مبقاش ده حال
وفين اخواتك ورجالك
مش شايف حد منهم
وال انتى مخلفتيش يا بلد
من الاول ومجبتيش عيال

بلدى ببكى عليكى
وع فراقك وبعادك
دايما بنادى عليكى
امتا تعيش حياتك
عادى زى باقى البلاد
وال ده بقت حاجه حرام
وتعيشى ف زل وفساد

يابلدى لتصلحى حالك
وتحسسينى انك بجد
خايفه علينا
لنعد كلنا برحالك
بدل ما الدموع ف عنينا

صحيح مش حنقدر ننساكى
بسهوله ولو انتى نسيتى
احنا ما نقدر ننسا
وال انتى ابتديتى

حترجعى يا بلدى
وتنورى مكانك ودارك
رفضتى او ابيتى
حترجعى يا بلدى
مهما كان ده بيتك وبيتى
بنناه بحب مع بعض
مش حنقدر نفارقه
مهما كان علينا الضغط
وال كان فيه حد سارقه
حترجعى فيه يا بلدى
وحقولك سعتها بحبك
وده يوم لازم ياجى
اليوم ده قرب خلاص
قرب خلاص ساعته
قرب خلاص ساعته
الشاعر
محمد على