الوطن

الوطن فرحه ترفرف ع الحبايب فى اللقا
لهفه تواعدك بالامانى المشرقه
سلسال حنان عبيره فايح فى المكان
وادان ما بطل شر عدل و زقزقه
الوطن صحبه و ركوة شاى وقعدة مصطبه
وعيون تقابلك الف اهلا مرحبا
و نصيحه تطلع م القلوب الطيبه طيبه
.. تملا عروقك شقشقه
الوطن بنتى و بنتك راحو جم م المدرسه
ما سمعوا الا كل كلمه كويسه
ما شافوا الا كل حاجه كويسه
وشباب همومه ربه قبل المرزقه
الوطن
فاروق و خده ع التراب و سط الخلا
من غير حرس اكمنو حل المسأله
تاجر يبيع العيب فى توبه اولا
مش فهلوا
وتلبيس عمم او دقدقه
الوطن شيىء اسمى من انه مساحه او حدود
ناس لفظهم من بوقهم طالع ورود
الوطن انك تحس انك كيان موجود و صوتك مش ف حبل المشنقه

أخي الشاعر الحبيب رأفت المصري
انت من الناس اللي لفظهم من بقهم طالع ورود
انت الوطن
بس ربنا يستر عليك وعلى صوتك
هههههههههه
الشاعر الرائع المبدع رأفت المصري
أشكرك على إبداعك
طبت ودمت بكل الخير

الله على الكلام السلس الجميل المعانى فى حب الوطن

تسلم شاعرنا \ رافت المصرى

تقبل كل احترامى لما قدمت وتقدم

حسام خليل كتب:

أخي الشاعر الحبيب رأفت المصري
انت من الناس اللي لفظهم من بقهم طالع ورود
الله يكرمك يا عم حسام
انت الوطن
بس ربنا يستر عليك وعلى صوتك
سيبها على الله يا صاحبى
هههههههههه
الشاعر الرائع المبدع رأفت المصري
أشكرك على إبداعك
طبت ودمت بكل الخير

الله يبارك فيك و ف مرورك الطيب اخى العزيز

بسمة الورد كتب:

الله على الكلام السلس الجميل المعانى فى حب الوطن

تسلم شاعرنا \ رافت المصرى

تقبل كل احترامى لما قدمت وتقدم

الاخت بسمه
كل تقديرى لكم

أميرة البدرى كتب:

فاروق و خده ع التراب و سط الخلا
من غير حرس اكمنو حل المسأله
تاجر يبيع العيب فى توبه اولا
مش فهلوا
وتلبيس عمم او دقدقه
الوطن شيىء اسمى من انه مساحه او حدود
ناس لفظهم من بوقهم طالع ورود
الوطن انك تحس انك كيان موجود و صوتك مش ف حبل المشنقه



الشاعر الرائع جدا جدا

الاستاذ رأفت المصرى

الله الله عليك وعلى روعه تعبيرات وعلى جمال كلماتك

من اجمل ما كتب فى الوطن

من جمال وروعه القصيده قمت بقرأتها اكثر من مره

أشكرك على امتاعنا بهذه الجرعه الوطنيه الجميله

دمت بكل خير وسعاده

الاخت الشاعره استاده اميره
الف شكر لكلماتك المشجعه و ثناءك على كلماتى المتواضعه و التى احمد الله انها نالت اعجاب شاعره متمكنه مثلك لتقرأها اكثر من مره
كل تقديرى لكم اختى العزيزه و احترامى

عادل عوض سند كتب:

الوطن انك تحس انك كيان موجود و صوتك مش ف حبل المشنقه

الشاعر الجميل

رأفت المصرى

الله على الصوره والجمل الرائعه التى تضمنتها

قصيدتك . ولكنى ارى انها لم تكتمل بعد .

ارفع لك القبعه على جمال مفرداتك الهائله .

كل التحية والتقدير ...

عمنا استاد عادل
جميل ان لمفردات و الجمل اعجبتك و جميل انك تقول رايك بصراحه ان التجربه لم تكتمل بعد
بس انا مختلف مهاك تماما
لانى شايف انه ما ينفعش اضيف حرف واحد على النص خصوصا انى اختصرت النص كله فى البيت الاخير
الوطن انك تحس انك كيان
موجود و صوتك مش ف حبل المشنقه
بمعنى انه اينما شعرت بانسانيتك فانت فى وطنك و ده اللى انا عاوز اقوله من النص كله
ولا ايه رايك؟

الله الله الله يا رأفت المصري الاصيل
سلمت وسلمت يمينك ..لك كل التهنئة على ابداعك الرائع ..دمت مبدعا

محمود جمعة كتب:

الله الله الله يا رأفت المصري الاصيل
سلمت وسلمت يمينك ..لك كل التهنئة على ابداعك الرائع
دمت مبدعا

..

دام مرورك الجميل اخى العزيز استاد محمود
بوركت

د /صلاح طاهر كتب:

شكرا

على هذا الجمال والأكتمال

والأبداع الخالص

تقديرى

خالص تحياتى


استاذنا

رأفت المصـــــــــرى

الشكر و التقدير لمروركم الميل د صلاح
تحياتى

الشاعر الأستاذ رأفت المصرى
احييك على القصيدة الجميلة
" حكمت فعدلت فنمت يا عمر "
الفاروق كان بينام تحت شجرة بدون حرس
لانه كان عادل و بالتالى موش خايف من حد
لا كان محتاج يلبس درع و لا محتاج عربية مصفحة

الوطن اللى فيه ظلم ما يبقاش وطن

حنان ابراهيم حافظ كتب:

الشاعر الأستاذ رأفت المصرى
احييك على القصيدة الجميلة
" حكمت فعدلت فنمت يا عمر "
الفاروق كان بينام تحت شجرة بدون حرس
لانه كان عادل و بالتالى موش خايف من حد
لا كان محتاج يلبس درع و لا محتاج عربية مصفحة

الوطن اللى فيه ظلم ما يبقاش وطن

الشكر و التقدير لكم اختى العزيزه للتفاعل الطيب
احترامى