الوطن........

موضوع: الوطن........ الثلاثاء يوليو 03, 2012 6:05 pm

الوطن

الوطن أرض وبحر ومبانى
والا أهلى وولدى وخلانى
المكان اللى إحتوانى
وزى ماأخد منى أعطانى
وإدانى حريتى وآمانى
ورفع من قيمتى وشانى
ولا الوطن شئ تانى
نظام ملعون وأنانى
سرق عمرى وبكانى
ضرنى وحطم كيانى
وشمت فيا العدو
القاصى و الدانى

الوطن سكينته
ف القلب وجعانى
لاجل شوية لصوص
باعنى ورمانى
مش كلام مرصوص
على شوية أغانى
حا يخلوه محفوظ
فى قلبى ووجدانى
لوفى الحقيقة نغوص
مش حاأعوم تانى
حاأغرق منك خلاص
فى همى وأحزانى
لابد من القصاص
ومحاسبة الجانى

لا لا بس السماعة عندى بتقول حاجه تانى

هي اللي هزت الكيان وبكت العيوت يا دكتور

على العموم النظام السابق دا ما سبش اخضر ولا يابس الا ما لوثه منه لله
دنا حتى امي بتدعي عليه ليلا ونهارا

صباح الفل

الوطن رجع تانى لنا اخى دكتور مراد

والحمد لله نستطيع ان نقيم العدل ونحاكم من ظلمنا .

احييك على حرفك الجميل .

مودتى وتحيتى ...

الشاعر الكبير
وزميلى العزيز
ماهر حامد

أجمل تحية

انا مش محبط بل على العكس
انا سعيد لما
توصلنا إليه حتى الآن
ولكنى أتمنى الإسراع
بمحاسبة كل الفاسدين
رجال دولة أو رجال أعمال
أوإعلاميين منافقين
وإرجاع كل ماتكسبوه من حرام
وتسبب فى فقداننا
لإحساسنا بوطننا
حتى كدنا أن نكرهه

أطيب التمنيات لك

أستاذى الشاعر
عادل عوض

تحية طيبة

معك حق فى موضوع عودة الوطن
ولكننى أتعجل المحاسبة
لأننى أشعر فى إستمرار وجودهم
شوشرة ومزيد من المشاكل والفتن
ومزيد من تخريب الإقتصاد
وعمليات تهريب الأموال

أطيب وأجمل الأمانى

ههههههههههههههههه

الوطن عايز جراحه
حتي لو تيجي بأباحه
لو تشيل منه المثانه
بس تبعد ع الامانه
كل غرزك مستباحه

منور طبيب الوطن تحياتي

موضوع: رد: الوطن........ الخميس يوليو 05, 2012 10:00 pm

أستاذى الكبير
عطية شواش
تحية
إعزاز وتقدير

بمنتهى الصراحة
الجراحة راحة
تخلينا فى المضمون
دى بلدنا مستباحة
لكل شيطان ملعون
ننظف منهم الساحة
بأى شكل يكون
ونأخد إستراحة
ويبقى جبنا جون

شكرا لمرورك الكريم
وعدتنا بزيارة للأ سكندرية
ونحن فى إنتظار هذا الشرف

أطيب التمنيات

» قلب الوطن
» الوطن
» الوطن
» تاه الوطن
» حضن الوطن