كلمة شعب

( كلمة شعب )
**********
الشعب قال كلمته
معدش فيها رجوع
المرسى وبحكمته
ماشى فى طريق ممنوع
وقف وقال كلمته
وجماعته فارده ضلوع
بكره تقوم ثورته
ونقول عليه مخلوع
****
الشعب قال كلمته
معدش فيها رجوع
****
احفظ مكانك بقي
واوعى تتهور
دالقاضى فى المحكمه
ع الحق بيدور
سوق العدالة جبر .. والحق فيه مسموع
***
الشعب قال كلمته
معدش فيها رجوع
****
يامرسى قدامك بالمهله فات سنتين
العيله فيها إنقتل .. بدل البطل بطلين
حق اللي مات يا بطل ..ما تقولى راح علي فيين
إبنه الرضيع إتولد .. عمرة يادوب اسبوع
****
الشعب قال كلمته
معدش فيها رجوع
****
اسمع كلام النبي واوعى تتسرع
الحكمه فيه والنبي ودينا متشرع
بالعبره قدامك ف السجن متجرع
احذر وخد بالك .. الشعب ليه موجوع
شايل في أحمالك هاتموته بالجوع
****
الشعب قال كلمته
معدش فيها رجوع
****
اعرف كده مهمتك .. واوعى تنام قلقان
الشعب لمهمتك صانك مع الاخوان
لو خنت فيه سكتك..هاتكون خبر من( كان)
واخرتها ع الشاطر .. هاتقولي دا مذاكر
طاب ليه ما جاب مجموع
*****
الشعب قال كلمته
معدش فيها رجوع
****
إياك لا تنسي اللى جابك ومنجحك صوتى
والكرسي ده بقعدتك .. عشان تجيب قوتى
إوعاك كده بقوتك .. تحكم على موتى
ان كنت حــــــقانى .. الشعب ليك أتباع
ولوأنت أخوانـــــي .. تبقى البعيد متبوع
****
الشعب قا ل كلمته
معدش فيها رجوع

النظم ولا اروع والموسيقي داخله ممتعه حقا

تساؤلات فعلا تحتاج الى اجابة

ابدعت

شاعرنا الفاضل احمد رجب
تحيه طيبه لحضرتك
اشكرك على مرورك الكريم
الذى يسعدنى الكثير
تحياتى وتقديرى لحضرتك
دمت بخير وسعاده

اخى الكريم الشاعر محمد عبدالواحد
تحيه طيبه لحضرتك
اشكرك على مرورك الراقى ياعم محمد
دائما رائع فى كلماتك الطيبه التى تدل على الحب والصفا
ادعوا الله ان يوحد صفا ويحفظ بلدنا الحبيبه
اخى الفاضل محمد
تحياتى وتقديرى لحضرتك
دمت بخير وسعاده

شاعرنا الفاضل واستاذنا الكريم عادل عوض
تحيه طيبه لحضرتك
اشكرك على مرورك الراقى الذى لايختلف عليه اثنيين فى الشعب المصرى
نعم استاذى الكريم عادل عوض * مرسى الرئيس الاول للاخوان والرئيس الثانى للشعب المسكين الذى انتخبه
وصدق كلامه ووعوده ونهضته الواهمه
والمشكله ان المرضى النفسانيين يدافعون عنه بااسم الدين والدين منهم برئ
لان الشعب المصرى الان لم يجد رغيف العيش ولا لبن الاطفال
وتخرج علينا جماعته بقوت الشعب من الزيت والسكر ويمنون به عليه
اذا كانوا فعلا يعرفون الله ويطبقون الدين على حق
هل فى الدين ان المسلم يقتل اخاه المسلم اويسحله اويقتل اى نفس
استاذى الفاضل عادل عوض
اسأل الله ان ينتقم من الظالمين ويقتص منهم حقوق المظلومين والمسحولين
يارب العالمين
استاذى الفاضل
تحياتى وتقديرى لحضرتك
دمت بخير وسعاده