كلمة

يا بوى يا اما
دى ماكانتش كلمة
والكلمة جرّت كلام
بس اللى قالته ازيك
ورمتنى فى هوجة الأيام
قاعد صداها ف مسمعى
من يومها حالف ما انام
كلبشت نظرتها فى قلبى
ورفرف .. بعد السلام

البت .. عنيها قمر
نور ليلى وملكه
وحكم علية القدر
بقلب الحب هلكه
ناس تنشبك الدهب
وناس تنشبك بالغرام

البت عنيها كان فيها شى
متهيألى كلت عقلى بضى
نور ربانى ادبنى خلانى رايح جى
العشق مش ساهل وبختى مايل واحنا له خدام

يا ترى يا بنية
ح اشوفك فى الأيام الجاية
مانت عارفة
العشق نار بتكبر شوية شوية
ولا انكتب تكونى الصياد
وافضل انا فى القصة ضحية
فى انتظار ... رحمة الرحمن

خاطره جميله

دمت بكل حب