كلمة قضا

كلمة قضا

القضا قال كلمته
مفيش ف القضا رجوع
المرسى بجلالته وقدرته
ماشى فى طريق ممنوع
وقف وقال كلمته
فارد قوته بضلوع
بكره تقوم ثورته
ونقول عليه مخلوع
تدخل معاه فرقته
نشوف فى عينه دموع
القضا قال كلمته
مفيش ف القضا رجوع
احفظ مكانك واقف
اوعى تتهور
دالقاضى فى المحكمه
ع الحق بيدور
النطق بالحق دا شرع مسموع
القضا قال كلمته
مفيش فى القضا رجوع
يامرسى قدامك المهله شهرين
ف العايله مات أخ ولسه أخيين
حق ال مات قولى راح فيين
دا أبنه الرضيع كان عمره اسبوع
القضا قال كلمته
مفيش فى القضا رجوع
اسمع الكلمه واوعى تتسرع
الحكمه مطلوبه ودينا متشرع
العبره قدامك ف السجن بتودع
احذر وخد بالك غيرك كان اجدع
اوعى يموت حد فى الشعب م الجوع
القضا قال كلمته
مفيش ف القضا رجوع
اعرف مهامك واوعى تنام قلقان
دا الشعب قام صانك انت والاخوان
والله لو خونته ح تروح فى خبر كان
اخرتها ياشاطر تنام ورى القضبان
وبعد تعليمى متجبش مجموع
القضا قال كلمته
مفيش فى القضا رجوع
اوعى لاتنسى اللى جابك هنا صوتى
تقعد على الكرسى عشان تجيب قوتى
عطيتك القوه تحكم على موتى
ان كنت حقانى
الشعب لك اتباع
لوأنت أخوانى
تبقى رئيس متبوع
القضا قا ل كلمته
مفيش ف القضا رجوع

أخى مجدي
تحيتى و تقديري لحرفك و وجهة نظرك
التى تحترم
كنت هنا و
أسجل حضورى

استاذى الفاضل الشاعر المبدع عادل عوض
تحيه طيبه لحضرتك
ادعوا الله سبحانه وتعالى ان يكون مرسى ملتزم بالقانون وبالقسم
انا اثق فى كلامك ايها المبدع واأمل ان القضاء لايتركون مرسى يفعل ما يشاء
نحن فى انتظار النتيجه بعد شهرين
ربنا يسترها على مصر
لحضرتك وافر الاحترام والتحيه
دمت مبدع

الشاعر الجميل والاخ الوفى الاستاذ عاطف الجندى
تحيه طيبه لحضرتك والاسرة الكريمه
والله وحشتنا وكنا فى سيرتكم مع الدكتور حسين محمود رئيس قسم اللغه الايطاليه بجامعة حلوان هو الان فى روما لتكريمه على جائزة كتابه بعنوان ( نجيب محفوظ فى روما ) وهو الان يقوم بااعداد مؤتمر لشعراء المهجر وبعض شعراء من مصر ويقوم بترجمة القصائد وستشارك فيه مجموعه كبيره من الدول الاوربيه وبعض العربيه وترجم بعض قصائدى وقمت بالقاء محاضره فى جامعة سابينسا بروما وكان المنسق لهذه المحاضره الدكتوره الايطاليه ا زبلا والدكتور حسين
هذه هى اخر الاخبار فى روما بعد موضوع صوفيا
عموما بالنسبه لموضوع الدكتور حسين ح نسمع بعض بالتليفون
اشكرك على مرورك
لحضرتك وافر الاحترام والتحيه
دمت بخير