قصة خروف

يا سطر مايل
يا قلم مقصوف
يا كلام بيتكتب من غير حروف
يا ايد عمالة ترتعش ومن الهم مكسورة
يا شعر ركيك و ابياته مبتورة
يا قصيدة شلتها الظروف
يا عين معصوبة ما بتشوف
كفاية خوووف
هاتكلم و انشالله اموت
هنسى السكوت
وهعترف بأنى زمان
كنت جبان
عيشت انسان بلا انسان
ببدلة بيضة وفروة صوف
ايوة
خروف
ماشى وخلاص ورا القطيع
خايف اضيع
لازم اطيع
وانا مكتوف
بس خلاص
الوقت دة وقت الخلاص
هعيش غريب فى وسطهم
هبطل ابقا زيهم
وهبقا ديب
وكل م اسمع قصتى
هكون مكسوف