خروف الاضحيه

خروف الأضحيه


يا خروف الأضحيه

قرونك سودا قويه

وفروه بيضا زاهيه

صوتك ولا اسد البريه

لما تقول …ماء

ماء.. ماء ..ماء

نحس ببطونا خاويه

لحمتك حلوة طريه

حلال وفداء للانبياء

كبده ويا الليا

وياعينى ..لو

متبله ومشويه

ياللى على النار

وقصاد لهاليب الفحم

خلى حته ليا

وطبق فته هنيه

يحميك لبطون الشعب

يالمه ع الطبليه

واناجر ممليه

مع سلطه وشوربه وميا

وبطون فاضيه خاويه

ومعالق مستنيه

بتقول.. فين الاكل

على مدد الشووووف

فته و فته

دى لجيراينا ودى لفطرنا

لفطرنا

مسالة كيدا قلوب عزالنا

مسلم ومسيحى

بيفطرو… فته

فى طبق واحد

ويا ..عيالنا

ب… ملابس العيد

فرحه ويومنا سعيد

اعيادنا كلها .. روحيه

ومحبه ووحده وطنيه

وسواعد تبنى الحريه

دى بلــــــــــــدنا

محتاجه الفرحــــــــــــــــه

واللمه والايد الواحده




عصام سالمان