اقفل قناة التت

موضوع: اقفل قناة التت الأحد فبراير 24, 2013 12:23 pm

خليك جريء واقفل قناة التت
زَبْطة دماغ الواد وحلم البت
لو إيه يكون عواقبها فاستحمل
دا كمان قناة وادي دقني لو كملت

تقفل قناة التت؟

فاكرين صاجاتها وشدة الدربُكَّة؟
ومعاني أورتيجا وروايع أوكـّا؟
شندي وزغابة وفيشة فين وعلوكــّة؟
مهما صبرنا بفيديوهين ع النت

عايزين قناة التت

بقناة دلع والتت شعب اتدلّع
المزة تقلع والعيون تتقلّع
المية ف ايديكي وولــّع ولــّع
كانت dry صبحت حياتهم wet

بإيدين قناة التت

دا مصيلحي جاري لو حضر أو غاب
بغل استرالي وش أمه هباب
أنساه برقصة ينوبكوا فيّ ثواب
عايزين هُبــَر، دي حياتنا بيض أومليت

هبابير قناة التت

دي مِلْك شعب بدمه كافلْها
يا قاسي.. جالك قلب تقفلها؟
يا بخته مين مَســِّكته دُف لــْها
يرجع ف يوم الماتش جاهز fit

بركة قناة التت

حتبيع بنفس السعر tiger king؟
دا ياما هد ف حيلي لعب البِنج
دلوقت في الإرسال صبحت برِنـْج
كانت يادووووب... بتعدي تحت النت

إلا قناة التت

تهدم تراثنا؟ دي البلد عنوانها
التت ووْراكها وبدل نسوانها
للديب حترمي فنها إخوانها
إزاي يا ظالم بالجريمة فلت؟

"قاتل قناة التت"

ليه يعني؟ هي لوحدها بتترقص؟
ما اهو ألف ماسح جوخ لكمْ، بيــ .....
شهرين كمان والنسمة راح تتخصخص
ويأجروا أحلامنا سوبر جت

أَمـِّـم قناة التت!

يا حِزن حِزني الليلة، يا دي الوقعة
مين بعدها يسند حاجاتنا الواقعة؟
ما هو من عمايلك كل ليلة جمعة
"باسم" يقولك ع الهوا oh shit!

أنقذ قناة التت

المس بكف العطف شعبك لمسة
رَوّح عن القلب الملهلب خمسة
حتى العيال بنات أخويا ف خامسة
ماشيين بهَدْي التت bit by bit

الشعب ناقصه التت

دلـّعنا، نوّر بالمباهج بيتنا
هشتكنا بشتكنا وبلاش تكبتنا
وإلا لو تعند تبان لِبــّتـْنا
وساعتها حنقول في الميدان "كلاكيت"

افتح قناة التت
افتح قناة التت
افتح قناة التت

أيه يا باشا المعلومات الجميلة دى ؟
أوكا و أورتيجا ؟
بحثت عنهم فى القاموس فلم أجدهم و بحثت عنهم عند ابنى محمد فعرفت عنهم الكثير
و أخبرني خيرا أنه بعد قفل قناة التت تم فتح مكانها و تغيير الاسم فقط بعنوان
( دوم تك ) تهانينا ههههههههه
تحياتي د عادل

أستاذنا عاطف الجندي

أما بعد، فإني أحمد إليك الله الذي أجرى المعلومات على لسان ابننا محمد وفقهه، اللهم زده علما يااااااااااارب
وإني لأقبـِّـل ذيول أفضالكم بعدما بصرتمونا بالاسم الجديد لقناتنا المحببة، جعلكم الله سندا لكل تت

والسلام

ههههههههههههههههههههههه

ههههههههههههههههههههههه

ههههههههههههههههههههههه

هههههههههههههههههههههههه

مرور سريع وبعدين هكمل التعليق

على فكرة غيرت فيها، بقت أول بيت: افتح قناة التت

ابننا العزيز وشاعرنا الجميل المتميز جدا والمتألق دائما
الاستاذ الدكتور عادل

تحياتى وتقديرى وشكرا على امتاعنا بتلك القصيدة الرائعة . ايه ياحبيبى الجمال دا كله شاعر فصحى وعامية منقطع النظير . بس ياريت يقفلواكل القنوات امثال النت و الرغى والتربتت كمان عشان نستريح شويه .

ودمت بكل خير ومحبة وسعادة ودام ابداعك الرائع .

تكملة لتعليقي الاول لاني كنت سعيد جدا بما قرات فضحكت بس

النص بجد تحفة فى العامية دكتور عادل انت رائع كما فى الفصحي

لديك فلسفتك الخاصة وحرفك المميز النص اعتراضي ساخر مميز

دام الابداع

أستاذنا وأبونا فوزي الشربيني

فعلا أنا مع إغلاق كل هذه القنوات من باب الدين قبل الأخلاق ومن باب الأخلاق قبل الدين، والقصيدة تهكمية، لا أكثر

شكرا للرد

اخي أحمد رجب معيط، دائما ما تحرجني بذوقك

شكرا لك

» قناة تليفزيونية على النت لخدمة الشعراء ( قناة ايمن عمر )
» مبروك يا بلدنا علينا التت
» آه يا قناة
» قناة الدراما
» قناة الضرار