ما تحلميش تاني

موضوع: ما تحلميش تاني الأحد فبراير 10, 2013 3:01 am

ما تحلميش تاني عشان تتبسمي
لمي السنابل م الوشوش المتعبه
وإلهي تبكي وتحزني وتتيتمي
كلمة وطن بقي ليها فيكي 100 شبه
أنا اللي قلبي يعض ف الطين اتخنق
يا رزعة المرزبة فوق رؤوسنا الضعيفة
الخوف لفايف شوك وف القلب اترشق
والعشق مش قادر على دموعنا الكفيفة
سجر اللمون بتدوسه أقدام الغرق
مومس ورا ضهرنا وقدامنا شريفة
فوقي بقي العشاق خلاص بيودعوا
آخر نفس جوانا والأحلام حزينة
كل اللي ناخده بإيد بإيد بنرجعه
وتسد روحنا الخرم ف جدار السفينة
ما بقاش علينا شيء عشانك نقلعه
واقفين قصادك ملط مقلوعه عينينا
ما تحلميش تاني ما عدش يصدقك
غير اللي كسبوا من التجارة بدمنا
مافينا عاشق غير ف حضنه بيشنقك
ويهز راسك لما يتهد الغنا
عشقتي مين فينا عشان ما هنعشقك
واحنا ربطنا الموت وقاصف حلمنا
ما تحلميش تاني
ما تحلميش تاني
ما تحلميش تاني

الأستاذ الشاعر سليمان الزهيري

نص رائع بديع رغم الوجع

سلمت

الاستاذ الشاعر

سليمان الزهيرى

شكوى ام عتاب ..؟؟ ام وجع لم نستطع تحمله ..؟؟

نصك وضح هذا بدون افتعال . وللاسف هذه هى الحقيقه المؤلمه .

مودتى وتحيتى ...

» ~~ من تاني ~~
» عالم تاني
» شوفتك تاني
» أنا مش هموت تاني
» يارب رجعتلك تاني..