شوفتك تاني

شوفتك تاني
بعد ما شاب الشعر
وأنحني العود
ولبست النضارات
شوفتك تاني
بعد ما عدي العمر
مستني الموت
ناسي كل اللي فات
شوفتك تاني
كل ما فيكي بيصرخ فيا
كل ما فيكي رجعلي الدنيا
كل ما فيكي زي ما هوه
حبي فى قلبي بره وجوه
عمره ما مات
شوفتك تاني
وشوفتيني
حضنت عينك عيني
باست أحلامك أحلامي
والحد اللي ما بينها وبيني
عمر بحاله
كله سكات
شوفتك تاني
شعرك شاب
تخنتي شوية
لكن لسه شباب
شايفك فى عينيا
أحلي الستات
شوفتك تاني
وشفنا الأيام فى وشوشنا
وسلامنا يعاتب إيادينا
يرعشنا ينكشنا يوشوشنا
كل ما فينا
يصرخ فينا
ينعشنا يفرفشنا يشوشنا
ومن غير كلام
زي ما عملت فينا الايام
مشيت تاني
راحت تاني
سيباني سعيد
عايش بحلم
أشوفك تاني

اخى الشاعر احمد رجب
كنت اتمنى ان استمع الى القصيدة بدلا من قراءتها
لانك ربما لو قرأتها بنفسك تقدر توضح انها موزونة لانى مش عارفة ليه قرأتها عدة مرات
ولا اجدها تندرج تحت اى بحر او حتى تحت شعر التفعيلة
لكن احيانا الشاعر يقرأ قصيدته بطريقة يبدو معها الوزن سليما

محمد عبد الواحد كتب:

الأستاذ الشاعر / أحمد رجب معيط
يارب تشوفهاتاني وتالت عشان تطلع لنا الكلمات
الجميلة المعبرة .
دمت في إبداع شاعرنا الجميل

كلماتك انت المعبرة والجميلة

دام مرورك وتعليقك البديع

عادل عوض سند كتب:

الاستاذ الشاعر

احمد رجب معيط

نص سلس ويسيط ومعانى جميله دون غموض والفاظ لاهيه .

احييك على نصك الجميل .. وما اجمل اللقاء بعد زمن وخاصة

لقاء الحبيبين بعد فراق طويل . وامل اللقاء بعد الفراق .

مودتى وتحيتى ...

كلمات رقيقة اعتز به من استاذ وشاعر كبير

كلمات من اب لابن دافعة له كي يكمل كتابة

مرور كريم من شاعر رائع

حنان ابراهيم حافظ كتب:

اخى الشاعر احمد رجب
كنت اتمنى ان استمع الى القصيدة بدلا من قراءتها
لانك ربما لو قرأتها بنفسك تقدر توضح انها موزونة لانى مش عارفة ليه قرأتها عدة مرات
ولا اجدها تندرج تحت اى بحر او حتى تحت شعر التفعيلة
لكن احيانا الشاعر يقرأ قصيدته بطريقة يبدو معها الوزن سليما

شكرا على مرورك وتعليقكك وبخصوص فكرتك

عن تسجيها مقروئة سأحاول ان ألبي لك ذلك

محمد السيد ابو حجاج كتب:

يا بختك يا عم شوفتها تاني

يا رب أوعدنا أحنا كمان

تقبل مودتي

انا بصراحة ما شوفتهاش تاني بس اتمني اشوفها

تاني بس قبل ما يشيب شعري وينحني عودي

طبعا. وعلى كل حال شكرا مرورك الكريم وتعليقك المرح