اوقات الانتظار

كان نفسى اخدك فى حضنى
واعلنها للسامعين
ان ال بينا باقى
باقى ليوم الدين
ان ال بينا عشق
هيعيش يملا الحياه
لو كنا ميتين
ان ال بينا ليل
ليل من غير نهار
وجمال الصبر يحلى
اوقات الانتظار
سنين عدت علينا
والبعد ماقدرشى
يهدم عشق فينا
وقلبى مااتغيرشى
ايام مر وعذاب ...لماحبيبى غاب
استنيت السراب ولا عمره يوم جانى
ولما بتيجى صورته وبتملى خيالى
بعيش فى دنيا تانيه وحالى غير حالى
أوقات الانتظار
مر ونار ومرار
اوقات الانتظار لهيب بيحرقنى
ونار بتكوينى
اوقات الانتظار عيون بصعب عليها
وحبيبى ناسينى
ال بينا حب باقى
حب باقى للخلود
مهما بعتى وغبتى عنى
حبك مالى كل الوجود
كل شارع كل حاره
كل كلمه قولتيهالى
كل شئ جوايا ساكن
وانتى دايما شاغله بالى

فاكره حلمك ويا حلمى
لما سمينا الولاد
انتى قلتى واد وبت
وانا قلت اربع ولاد
واتخانقنا واتخاصمنا
بس كان حلو العناد
قلتى ظابط ومهندس
قلتلك الكبير هيكون مدرس
وال بعد يقضى عمره ف السما
وايات تكشف ع الغلابه بدون فلوس
وابتسام تنشر البسمه على كل الوشوش
اتخانقنا واتخاصمنا بس كان حلو العناد
كل لحظه كات مابينا
لسه سكنانى ومالكه
المشاعر كات تدفى الف شارع والف حاره
حبى ليكى كان مناره

عشق عامل زي غاره
كان يدمر أى قلب
ال بينا ماكانش ذنب
ال بينا عشق روح ساكنه فى قلب
ماهو قلبك هو قلبى
يالى انتى سر تعبى
رغم انك مش معايا
الاانكساكنه قلبى
بس اصعب شئ عليا
أوقات الانتظار
......................................
شاعر الاحساس
عبدالتواب الرفاعى

الشاعر الراقى عبدالتواب الرفاعى
تحيه طيبه لحضرتك
الله الله على الابداع فى روعة الكلمات
******************
كان نفسى اخدك فى حضنى
واعلنها للسامعين
ان ال بينا باقى
باقى ليوم الدين
ان ال بينا عشق
هيعيش يملا الحياه
لو كنا ميتين
***********
دمت مبدع يااستاذى
تحياتى لحضرتك

أخى عبد التواب
لا فض فوك
كنت هنا و سعيد بما قرأت
تقبل ود أخيك

الله عليك يامجدى ياسرحان ياشاعر ياكبير
انت حبيبى عاطف الجندى

هى معى حبيبى عادل عوض سند
وبرغم كده كتبت النص

حبيبى
محمد عبدالواحد اشكر مرورك الكبير على نصى