اتمحت كل الحدود

اتمحت كل الحدود
...........................................................
داحنا بيتنا جنب بيتهم
وال يفرق نمرتين
كات بتفرح لما حد يقولها
روحى لامى
وامى كات بتحبها
بتعاملها بكل رقه
معامله تشبه بنتها
..................
حته واحده ........الولاد والبنات متجمعين
عند خالتى ام اسماعيل
كات بتدينا الدروس ........من غير فلوس
-كات سنين
لما كنت أشوف عنيها ولا صدفه اقابلها
من غير كلام كنت جبان
بس عنيا بتغازلها
كنت دايما بعترف من غير ما أنطق
وكات رموشها تعترف دايما تصدق
-نبض قلبى كان يزيد .............يوم لقاها احلى عيد
لماتلبس البلوزه والحجاب
وتيجى هنا عندنا....والحجه عايزه الكتاب
كنت بغرق فى شبر ميه
لان قلبى فيها داب
-حلوه أوى ماتتوصفش
وعنيها ماتتقاومش
خضره عسلى بنى سمره
كل لون يحلى ف عنيها
-كات تبص ليا بصه
بصه معناها انى حاسه
بس هفضل لحد امتى كده ساكت
لحد يو م ما لاقيت غراب
عمال يزغرد.............بعد بيتنا بنمرتين
قمت مفزوع جري خارج
ايه بيحصل؟
نور وزينه وطبل بلدى
وخلق قاعده وخلق واقفه
وماحدش عارف يعدى
يانهار اخبر
دى حبيبتى هيجوزوها
وبسهوله هيبعدوها
أعمل ايه؟
خدت نفسى جريت أوام
ودخلت من غير سلام
وبجراءه ماكاتش فيا
قلت لا زم تبقى ليا
مستحيل أستغنى عنك
انتى عمرى وذكرياتى
وانا حب العمر كله
-فجأه اترمت فى حضنى
حضن جامد
وبصراحه ماكنتش أحلم
انى يوم ألمس اديها
كل حلمىو كان مناى
انى ابص لحظه ف عنيها
-مرة واحدة ماسكه ايدى .........واتمحت كل الحدود ؟!
حاجه حلوة حلوة خالص
والمفاجأه قوم ياعبده
الامتحان قرب يفوتك كنت بحلم كنت بحلم
............................
شاعر الحب الثائرعبدالتواب صبحى الرفاعى

هههههههههههههههههه


لا والله؟ كان حلم؟


أستاذ عبد التواب الرفاعي

أحلى ما في النص ده أنه بعيد عن السياسه والنكد

نص دمه خفيف جدا

مصاغ صياغه مناسبه لروحه

تحياتى أستاذى لبهاء حرفك

اشكرك دعاء العطار

حقيقة كما قالت الشاعرة دعاء العطار

قصيدة أبعدتنا عن قصايد السياسه

وبما تحمله من رومانسية رائعة واسجل ‘إعجابى وتقديرى وذلك لإنك ذكرت تفاصيل قصص الحب العفوى مع بنت الجيران بطريقة مدهشة وصادقة وأعتقد بأننا جميعا قد عايشناها يوما ما وأن ماتحمله من صدق قد لامسته بنفسى لدرجة كانت نبضات قلبى ترتفع معك وأرتبك معك إذا ماشاهدنا الحبيبة فجأة

دمت مبدعا

س

اشكرك حبيبى
عادل عوض سند

الشاعر الرائع عبدالتواب
تحيه طيبه لحضرتك
اولا القصيدة فاقة الروعه والجمال واذا كانت هذه القصيدة بالنسبه لحضرتك حلم
فهى بالنسبة لى كانت حقيقه
وكانت حقيقه لكثير من اجيالنا ولكن كان يلتزم اجيالنا بالادب والاحترام وكانت قصص من الحب قويه وشريفه ونتعامل مع الحبيبه فى فتره الحب بالاحترام والصدق
وحيمنا كانت تلاحظ امهتنا نظرات اوبسمات تقول لنا انها مثل اختك لانها تربت معكم
هذه هى تعاليم الامهات الذين لايقرئون ولايكتبون
استاذى الكريم
دمت مبدع ورائع

أخى عبد التواب
جميل ما قرأت
أحييك أيها الراقي

اسمح لي ابدي اعجابي بقلمك وتميزك واسلوبك الراقي وتالقك
لك ودي
تقبل مروري
د. السيد عبد الله سالم
المنوفية - مصر

اشكر كل من مر على قصيدتى المتواضعه
الدكتور السيد سالم
حبيبى مجدى سرحان
استاذى عاطف الجندى
لكم حبى وشعرى
الشاعر الثائر عبدالتواب اللرفاعى

اشكرك شاعرنا طاهر الصوفانى