الحدود ( شعر سيد حجاب )

وإحنا فايتين ع الحدود
مستمرين في الصعود
اختفى النيل الجميل من تحتنا
و المدن و الريف و أول عمرنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا

باصة مالشباك على البحر البعيد
واحنا داخلين بالأمل عالم جديد
كنت فاكره يا مصر إني زهقت منك
و اكتشفت إني محال استغنى عنك
حتى دوشة صوت جيراني
و الزحام وحشوني تاني
بسمة حلوة لطفلة لسه صغيرة
لما كنت أديها حتة سكرة
قبل مانفوتك وحشتينا
يا مصر يا أمنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا

كنت بتذكر و أنا في غاية الأسى
لعبنا الكورة في حوش المدرسة
و الشقاوة واحنا لسه صغيرين
و البراءة و الصحاب الطيبين
لما سألتني اللي جنبي
إنت مصري ؟؟...دق قلبي
إسم زي السحر رفرف عالمكان
زي نسمة مهفهفة بصوت الآذان
أيوة مصريين لآخر
كل نقطة في دمنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا

الوجوه من ثلج و عيون من قزاز
شوقي زاد للعشرة و الناس العزاز
و ابتديت أكتب و أنا فوق السحاب
إبتديت يا حبيبي في أول جواب
مصر إنتي حتة مني
مش مجرد إسم وطني
قالوا فاضل نص ساعة عالوصول
قلت ايه معنى الساعات ولا الفصول
إلا في الأرض اللي فيها
ذكرياتنا و حبنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا

الشاعر الجميل منير منيب
من اروع ما نقلت لسيد حجاب
قصيده وطنيه تحمل من التشبيهات
والتعبيرات رائعه
وفسضان من الاحساس الصادق
وحب الوطن
سلمت اخى منير
وابا بقراها
لحنها فى ودنى
لانه معموله اغنيه جميله ولحنها اجمل
تقبل ودى وتقديرى

جميل اوى استاذ / منير منيب
جميل انتقائك لهذه القصيدة
اشكرك
محمد رمضان

أختي الأستاذة الجميلة أميرة الرومانسية أشكرك كل الشكر على مرورك الجميل وطبعاً الشكر كله للشاعر الكبير الأستاذ سيد حجاب أنا مجرد ناقل ليها من شدة إعجابي بيها .

انت اللي جميل وشعرك جميل يا أستاذنا محمد رمضان تحياتي لك وأشكرك على مرورك العطر

انت اللي لك الشكر ياأستاذي وأخي الكبير الأستاذ عادل عوض على مرورك الجميل .

الاستاذ الرائع / منير منيب

ذوقك عالى جدا فى اختيار النصوص اجدت الاختيارامتعتنا

فكرا ووجدانا

دمت بكل خير وسلام

انتي اللي أم الذوق والشعر الراقي يا أستاذتنا هناء . لكي كل الشكر على مرورك الراقي

فعلاً يا أستاذتنا وداد أنا مش بحس بطعم الحياة إلا وانا في مصر بين أهلي وأحبابي . لكن حانعمل ايه ظروفنا أقوى مننا . لكي كل الشكر على مرورك الراقي . تحياتي لكي .

أخوكي ( منير منيب )