شباب عدا الحدود

فين الحكومه فين الامن يحمو الشعب ؟

مين مسؤل مين متحدث باسم الشعب ؟

..........................


وصلتى يامصر للنزاعات الداخليه

من الشعب للحكومه بالعلانيه

وبرضو بقول انا انسانه انا وطنيه

عاوزه حقوقى وعاوزه اعيش متهنيه

حقوقى مسروقه واسمى عايشه ف ديمقراطيه

بس ف الحقيقه وبكل صراحه الحكومه انانيه

فرضا رحها بشكل مباشر تحت شعار الحريه

استعبدو الشعب وساعت الثوره استخبو تحت بطنيه

....................

لما قلنا اللى احنا عوزينه ف الميدان

وقلنا شباب مصر لمصر عمدان

وهنحقق اللى احنا عاوزينه من امن وامان

مسلم وميسيحى ساعت الثوره شربو من فنجان

هنبنى كنيسه وهنبنى جامع ووحده وحده ياانسان

خلاص المصرى بقا له كرامه ف كل مكان

بنغير رحنا برحنا ومش عاوزين شفقه ولا احسان

................

تمنين مليون مش عاجبهم خالص العيشه

ولو سالت اى حد مفيش وظيفه

الاب ساب ولاده وهج علشان العيشه

والاسعار نار بقت خراب بقت نيله

وسكتنا وقلنا هنرضا خلاص بالعيشه

واضحكى يامصر واضحك ياعالم على الفضيحه

عايشين ف تشتت ف فراق علشان العيشه

......................


سكتنا سكتنا وجه وقت تنفيذ الكلام

اللى حكم فيه الشعب وقصاد العالم باسقاط النظام

شباب مصر ياعالم رجاله مش اى كلام

مش عاوزين وسطه ولا محسوبيه ولا كلام اوهام

بس عاوزين نحس ان من حقنا نحلم ونعيش الاحلام

ونحققها على ارض مصر ارض وطنى بكل سلام

من غير احباط ولا تريقه باى كلام

..................

عاوزين اهم عنصر فيكى يامصر يكون موجود

الامن والامان وكل واحد رقيب على نفسه وفيه حدود

واحترام الغير وتقدير لكل مواطن مسؤؤؤؤل

امشو ياشباب فى طريق صح مش طريق مسدود

بلاش بلطجه بلاش نهب هنعيش نعيش بحدود

ونعيش صح ونبنى مصر ونفرج الجدود

ونقول احنا شباب الثوره شباب عدا الحدود


تاليف
هبه سلامه

الشاعرة : هبة سلامة

عديتي بينا الحدود

والله انتى قولتى الحقيقه

هيكون احسن بقا يااستاذ عطيه لو حضرتك ترشح نفسك لرئاسه الجمهوريه وساعتها ممكن ناخد منك التوقيع ولا ايييييييييييييييه ؟

اما بقا بالنسبه لعلشان تبق مصر هى موجوده على المنتدى بس انا كنت كتباها ايام الثوره بس مفيش مشكله هكتبها تانى .

متشكره اوى يااستاذ عطيه.

استاذ عادل عوض سند

مرسى جدا على الكلام الجميل ده
وان شاء الله الوزن وحده وحده يتظبط

استاذ محمد عبدالواحد

كلام حضرتك جميل متشكر جدا جدا

الى ملكه النتدى الاستاذه الشاعره : عزه

طبعا انا ببق فخور بكلام حضرتك ليا
ومتشكره جدا جدا

الاستاذ يسرى عثمان

( والله انتى قلتى الحقيقه)

هعمل ايه يااستاذ يسرى نفسى مصر تتغير
للاحسن قول يارب .

متشكرا جدا جدا