صباح الخير يامصر ..... "شوية تفاؤل"

صباح الخير
صباح حليب صافى
لناس قلبها دافئ
صباحك نادى يابلادى
على سينا وع الوادى
صباح الملك والقدرة
على كلمة على فكرة
وطبق فول من القدرة
وكل اللى بيه راضى
صباح الخير
ع الكنايس والمساجد
واللى راكع واللى ساجد
ع المصانع والغيطان
والمدارس والمعاهد
ع الصنايعية الشقيانين
واللى بعيد متغربين
عمال وفلاحين ومدرسين
وأطباء ومهندسين
صباح الخير
على كل شارع وميدان
ع الصحاب والجيران
اللى نازل واللى طالع
على فلان إبن فلان
على كل نبيل فيكى
وكل شريف بيحميكى
على كل شبر فى أراضيكى
صباح الخير يامصر
وعام سعيد عليكى

وما احوجنا الى التفائل الان يا استاذي

بوركت وحياك الله

مودتي

صباحك نادي يا صاحبي
وبوسة صابحةعليك تحبي
صباح صافي بلون قلبك
صباح شادي بصوت حبك

صباحك-مساؤك تفاؤل وشكرا لبسمة رسمتها على وجوهنا في أيام ملئت بالأحزان

الشاعر القدير
والأديب الكبير
أحمدرجب

تحية طيبة
شكرا لمرورك الكريم

انا قلت نجرب التفاؤل
يمكن ......

أطيب التمنيات القلبية

الشاعر القدير
السيد عبد الجابر
تحية طيبة

شكرا لمرورك الكريم
وكلماتك وأبياتك الجميلة
ربنا يجعل كل أيامنا
سعادة وتفاؤل ....
ويبعد عن مصر ولاد الحرام

مع أطيب التمنيات

صباح الفل ياشاعر ياجميل

صباح الخير والنعيم عليك دكتور مراد ..

وعلى مصرنا الحبيبه . وربى يجعله صباح جميل .

مودتى وتحيتى ...

أستاذنا الجليل
وشاعرنا الكبير
عبد الحليم محمود

تحية طيبة

أضاءت صفحتى المتواضعة
بتشريفك لها
صباح النور والسرور
لك منى كل التحية والإحترام
ومع أطيب تمنياتى

أستاذنا الكبير
عادل عوض

تحية طيبة

عايزين نفرح شوية
الحزن تقل علينا
وطالت عشرته....
إمتى الكابوس ينزاح
ويخلص مدته

أطيب التمنيات

`

صباح الورد والخضره

صباح انعم من الزبده

بيجي الليل يسيح بينا

فنرجع نصحي ع الفكره

جميل ماكتبت ياشاعر لك تحياتي وصباح الفل

الشاعر القدير
طاهر الصوفانى

تحية طيبة

شكرا لمرورك الكريم
على صفحتى
ولكلماتك الراقية
وإن شاء الله نصحى
على فكرة حلوة تجمعنا

أطيب التمنيات بدوام الإبداع

» صباح الخير
» صــبـاح الـخـيـــر
» صباح الخير ياوطن
» صباح الخير ياعرب
» صباح الخير يا ضمير