صباح الخير ياعرب

صباح الخير ياعرب
بشروق شمس تونس
اشرقت شمس العرب
اشرقت شمس الحريه
والخوف منا هرب
والخوف هش العظام
محدش ينطق كلام
مليون قضيه
مليار اتهام
إحنا مين ، إحنا النظام
محدش يثور
محدش يشارك
قرار الرئيس مبارك
لسنة الفين وحداشر
يوم٢٥يناير
ملكوش دعوه بالسياسه
ملكوش دعوه بالنظام
احنا علينا الحراسه
حتي اسألو الإعلام
اعلام منافق بستين وش
انا مش بجمع لاكن في غش
لاكن فيه ضمير مسحوب
وحقنا كمان مسلوب
ومال البلد كله منهوب
والولد ف الأخر يئش
والولد والشايب
وكانو فاكرين احنا البنات
مال بلد كان سايب
ومجلس شعب
عمال وفئات
ومجلس شعب
كله كدب
اللي هيقول لاء رافض
اعتبرو مات
ومجلس شوره
جميل الصور
ومناديل فلوره
ومبايل هايل
وبدله عدله
وف ودنه سماعه
وف ايده ساعه
جابها من سويسرا
لما ودا الفلوس هناك
لما باع ارضك يابلدي
مقابل سهره ف اسرائيل
والثاني باع تراثك يابلدي
شوارع باريس اكبر دليل
والثالث باع اسمك يابلدي
مقدرش اقول انه عميل
والرابع باع كرامتك يابلدي
هو دا رد الجميل
وعدلي زاد وزير الإنفلات
وخلي شعبك مابين محبوس وذليل
علمنا الأدب الجديد
كان زمان الأدب احترام
وسلام بالإيد
اصبح الأدب اجرام
ويبقي اخوك عبدك
وتكونلو انت سيد
مش هنقول ثاني ونعيد
ربنا كتب علي العبيد
بعد الصوم لازم يبقي عيد
واحنا صومنا كثير
يابلدي
انا ومرتي وولدي

سبو ابنك بإمه
وسأوه كاس المرار
وف الميدان سال دمه
ومين صاحب القرار
عمر المحاكم مهتجيب
حق اللي ماتو
شمس الحقيقة تغيب
لما الرجال ماتو
والموت يهون علي عيون
احبابها ادامها ماتو
انا اتربيت ف بيت محمد
وماعرفش صاحب غيرو
كانت الناس بتغير مننا
ناخد بعض ف حضننا ونقلهم غيرو
واستاذنا كان بيقولنا
ع الدين واهلكم ومصر غيرو
كان هو شاطر قوي غار
وكنت انا غيرو
همني المال اللي مال عني وراح ليهم
وهو عاش ف حب الوطن
مفيش غيرو
حتي ف تحية العلم
كنا بنتغنا بيها
وهو صوتو يهز جبال
قوة ومثال ف النضال
ودار بينا الزمان
ونظام الظلم ف نار الغربة رمانة
ولادك يامصر شافو ذل وإهانة
ورجعنا نطلب حقنا
ف ارضنا
قالو لنا
حاجة من اتنين ياشعب جعان
وهان
واتهان
يتعيشو ساكتين وخرفان
تمشو جمب الحيط
ومتفتحوش بقكم
يانهتك اعراض اخواتكم وامكم
ونمسح اسمكم
مرحب بكم
ف أمن الدولة شرفتونا
لو كان فيكم خير كنتم
ف مسح الجذم في الغربة
شرفتونا
معرميش شفت اللواط ولا
عمري سمعت بيه
وللي حصل هناك
من الخجل متضر اداريه
الضرب كان بيفرحنا ويرضينا
احسن من اللي
شفناه بعنينا
امنا باست الأيادي
وباست الأقدام
عشان يخرجونا
ومننطقشي كلام
منمسكشي اقلام
منؤلشي للإعلام
النسوان يشتغلو علينا
وحظر امن الدولة امرنا ننام
ثلاثين سنة غفلنا عن الرحمن
وعبدنا اله باطل كان اسمه
النظام
حاولنا ننام
لقيت ف المنام
اخويا بيقطع دراعي
من غير داعي
وخان الأمانة
ولما اذان الثورة اذن
من النوم صحانا
محمد فرحان اتبسم
وقالي امي امانة
وحملنا علي ايدينا .................... روحنا
ولميدان التحرير ....................روحنا
مكناش خايفين علي ....................روحنا
واللشاف
وسمع الهتاف
محال ينساه لو بعد موته
ومحمد صاحبي دا شفت ف عيونه موته
هتافه بيشجعني اهتف بصوت عالي
ورصاصهم بيرجعني
وهو شالوه علي الإكتاف عالي
وفجأة شاف دعاء
فوق كتاف النساء تهتف بأجمل نداء
الشعب يريد اسقاط النظام
بص ليها من غير كلام
ضحكتله وقالت سلام
أتعرفو واتشرفو ببعضيهم
رسمو احلام الحب لبعضيهم
يهتفو بصوت عالي
وعنيهم علي عنين بعضيهم
طلب ايديها منها لو نجحت الثورة
وافقو لبعضيهم
وكانو هما ادامنا وكنا احنا بعديهم
وضرب الرصاص بدأ حاولنا نحميهم
سبقونا بإصرارهم وحبهم لمصر
مقدرناش نعديهم
قربو من بعض مسكو ايدين بعض
مسكو ايدين بعضيهم
لاكن الرصاص كان اقوي سبقهم
يدوب لمسم بعضيهم
سقطو علي الأرض
والدم سال علي الأرض
رواها زرعت بساتين ورد
حلاها
نادت محمد نادها
بصيت
ع السما لقيت ف عز الظهر هلال
بصيت ع ابو الهول
بيبكي والدمع منه سال
والأهرمات ترتعش
والدمع كما الشلال
والنيل يبكي بلون دمهم
والشمس غضبانا ف كبد السما
وشيخ جاري من كثر الدموع اتعمي
ويروي ملابسه بدمهم
يقول
الله يساعد امهم
قلت القنهم يكونو بيحتضرو
لقيت صاحبي مات
وهي ماتت علي صدره
مبروك الشهادة
اتئهلو للجنة
افرحي ام الشهيدة
يأبو الشهيد اتهني
وحسبي الله ف الخانو
عهدنا وبوردنا غدرو
بكرة نكمل صرخات الثورة
افتكرو
ضياء الادريسي