قال عايزه جاتوه وشمع

قال عايزه جاتوه وشمع
وف كل مصر دمع
دامافيش حارةو شارع
الا مليانه دمع
قال جيالى تقولى
عام حلو اه وسعيد
قلتها أوام نسيتى
أحداث بورسعيد
وشباب ضحوا وماتوا
لجل العهد الجديد
لجل تعود بلادنا
للقران المجيد
ونطبق الشريعه
شريعة الحميد
.................
عايز حد يجاوبنى
ايه ال خده الشهيد ؟
غير بس ان شارعه بقاله اسم جديد
قلتلها هجيب جاتوه
وهجيب تورته كبيره
وهقول ياناس ياهوه
قمنا بثوره جميله
وادى نتاج الكفاح
ومش هندم عل راح
لما الشهيد احسه
انه مرتاح فى نومته
لما اشوف ضحكة امه
واروح اعزى عيلته
ساعتها هجيب جاتوه
وهقيد انا الف شمعه
لان الوقت ده هتجف كل دمعه
.....................
عرفتى ياحبيتى انى مش بخيل
ومش رافض اجيبلك عشان حملى التقيل
بس عشان مشاعر الناس ا لمظلومين
ال لا عارفين ينامو ولا عايشين مرتاحين
لو ابننا ال مات؟
كنا هنجيب جاتوه ؟!
ونجيب تورته كبيره ونلبس برانيت؟
اتقى الله فى ام
مابطلت صويت
اتقى الله فى اب
ماشى جنب الحيط
كل مناه يشوف مشنقه فى الميدان
ونجيب ال خانونا
ال بايدهم باعونا
ال شردونا
ال جابوا الجمال
وال قتلوا الشباب
داماكانشى ماتش كوره
كان حرب وكان دمار
ال قتل مخطط
ومجهز القرار
يبقى نستنى ايه
نستنى نجيب دليل
ياخى طظ ف الاانتظار
طظ ف الانتظار
.....................................................
الشاعر الثائر
عبدالتواب صبحى الرفاعى

شهادتك حبيبى رضا محمود
تاج على راسى
ووسام على صدرى

المبدع احمد ابراهيم
والحبيي عادل عوض سند
لكما جزيل الشكر والعرفان

تحياتى لحضرتك ياشاعر ياصريح * ايه ال خده الشهيد ؟
غير بس ان شارعه بقاله اسم جديد * نعم دمت بخير ودام الابداع

اشكرك
مجدى سرحان