ولسّـه عايزه تفهمي .؟ ضياء الدين البري

السلام عليكم .. كلام من قلبي

ولسـّه عايزه تفهمي ..؟

****

(1)

الحلم ضاع ..؟
واللا انتي لسـّــه بتحلمي ..؟
غيط السنابل ، لو يرتوي
يطرح أمل
يمحي ضلام بدر اكتمل
وبأعلي صوت ، ينده صبي
سجـّان طموحه كان غبي
رغم الحنين ، ضل وجاع
تاهت كتير فيه السنين
جوّا الجفون ، طرحت أنين
قومي انهضي وْنادي عليه
فكّي القيود منْ بين عنيه
ترجع ملامحه وْتترسم
نلمح جبينه بْيبتسم
وعشان تعيشي وتـسلمي
إتجملي ...
واتحملي ..
قومي انهضيه
الظلم بدّد نورعنيه
ضمّيه في حضنك صبّريه
وحاولي مرّه تحلمي ..!

***
(2)

ولسّـه عايزه تفهمي ..؟
طب حاولي يمكن تقدري
طوفي الحارات ، وفْ كل حيْ
علي نبض إبنك دوّري
جايز تلاقي شبْـه ضيْ
أو حلم في الزمن اللي جيْ
بصي فْ عنيه
إتأملي ..
تلقي الهمم ، ملهاشي زيْ
شايفه السنين ، دايره تعاديه
سيباها برضه وتهملي .؟
حسّي بْألامه وارحميه
وبنبض قلبك بشّريه
بفجر بكره اتبسّمي
واللا انتي خايفه تحلمي ..؟

**
(3)

ولسه عايزه تفهمي..؟
إبنك ملاه الخوف ظنون
روحي اندهيه
يمكن يكون ..
ع الشط مالْحقش الغرق
مسجون ف حلمه الْ اتخنق
وسط الغلابه المقهورين
بقلوب صحابه وْطيّبين
من بؤس حاله قدّروه
أمير عليهم نصّبوه
يمكن يعيد أمجاد أبوه ..
اللي اتشنق
ومخافشْ لمّا عذبوه
ولبّـسوه
توب الجنون
ومسابشْ طينك يتحرق
مهما الغراب طل وزعق
عشان تعيشي بقلب حيْ
ومّا الحبايب دول شافوه ..
من هلـّته فرحوا وْنادوه
فتّح عنيه ، لمح الأمل
حني علي جرحه وداويه
الباقي منّه لمْـلميه
واللا انتي ناسيه تحلمي .؟

***
(4)

ولسّه عايزه تفهمي .؟
مهما الزمان ضل وْغدر
من غير كلل
حنّي علي أهل العلل
دي النخوه موجه فْ بحرهم
وحبّك انتي يـْلمّهم
رغم الحياه ، مر بْـكآبه
الظـُّلم عشّـش وسطهم
دبّاح وهاضر دمُّهم
الليل ناسيه ، بدر وقمر
ونـْهار بيسقيهم ملل
دايما يفوت ..
ساكنه السكوت ..
حزين وصابه كتير خلل
والجوع بيضرب ع الدفوف
لحن الوفا
أوتاره ليل يزرعنا خوف
مجاش في يوم حن وعفا
حر العطش ، بيزيد دفا
والقهر لاوي الكلمه ليْ
مرسوم علي جبينهم تابوت
وشبه صوره ع الجدار
شكل الكلام ، باين خطوط
ودْموع تلالي وتبتسم
نجوم بتهرب جوّا ليل
والمر طاوي الدنيا طيْ
مسعور وناوي يلمّـهم
لكن صمود الصبر حيْ
يكوي فْ قلوب الشر كيْ
اللي بتاجروا في الضياع..
واللي نسيكي فْ يوم وباع ..
واللي مَلَك أرضك مشاع ..
حلف الحيتان ، ويّا الديابه
جوّا المحيط ، زارعين ديدان
تطرح عقارب سُمّهم
جوّا الميدان ..
بيْقطـّعوا فْ صلب الكيان
وكتير ضحايا لـْحلمهم
ويقولوا عنـهم دول رعاع
مالهمش حق الإنتفاع
ويزيدوا يامّه فْ ظلمهم
وكل دا إكمنهم
عاشقين سماكي وكل طير
ومظلومين والقيد حقير
كتر المحن ، بيْزيد صلابه
مستنيين تخفي السحابه
النبض يرجع حيـّهم
وتعيشي تاني بقلب حي
جوّا القلوب ، مالكيشي زي
قومي الحقيه
فكّي القيود من بين إديه
قوّي فْ عزيمته وشجّعيه
واللا انتي رافضه تحلمي ..؟

***
(5)

ولسّـه عايزه تفهمي ..؟
طب دوَّري
لو تقدري
يمكن تشوفي الطير طشاش
ماشي وتاهت سكـّـته
ضاعت ملامح عشّـته
بيخاف ف لحظه يتجرف
وتاخده موجـَه وينحرف
جوّا الشتات يموت غريق
وتـُّوه معالم جثـّـته
كان نفسه يحلم يوم يطير
جوا الحدود ، حر وطليق
في الجو لحنه يتعزف
في الحلم طار ، مرّه ومجاش
تاه السنين ، جوّاه أسير
ريشه اتنتف
عملوه بخور
حتي اللسان من سكتته
عمّال يفور
جوّا القفص ، بطـّل زعيق
حلمه اتخطف
وفْ حضن ليل فجْـره الشحيح
ساعاته ريح
بتزيد أنين قلبه الجريح
يصبر ويمسح دمعته
يمكن في بكره بْلهفته
يلمح شعاع ، جوّاه حنين
أو شبه نور ، يعلن نهار
وكفايه إنـّو من سنين
مسجون في غار
مصاحبه فيه نبضه الحزين
من بعد مانسيتي الطريق
وقـْبلتي نفضل مطحونين
ذنب الضحيه كان فقير
أحلامه خوف
قايم ونايم ع الجبين
من كل دا هرب الضمير
ومصمّمه تقسي عليه .؟
هاوديني مرّه واسمعيه
واللا انتي لسه هاتحلمي ..؟

***
(6)

ولسّه عايزه تفهمي .؟
طب دوَّري
لو تقدري
يمكن أكون
شَـدّه بكسره أو سكون
أو وهـْم شارد أو ظنون
عنوان وتاه من غير دليل
يمكن خيال..
أو حتي شيء صعب المنال
أو فرع صابه كتيرعفن
في الرّاكيه نبضه بيندفن
يمكن بواقي م القليل..
أنِّـةْ وساكنه جوّا ليل
أو آه بتزعق في السكون
دمعة وتايهه في العيون
جوّا الجفون متيتمه
نبع الدموع متلتمه
لاقلب يرحم أو وصال
الفقر سايق في الدلال
حتّي الجنين
حاسس بمر المظلومين
جي الحياه من غير مصير
نبض الولد وتره الحزين
ينده عليك
تفكي قيد قلبه الأسير
الظلم بدّد نورعنيه
ضمّيه في حضنك صبّريه
وبرضه لسّه هاتحلمي .؟

**
(7)

ولسّـه عايزه تفهمي ..؟
طب فكري
واستغفري
قولي يارب
يسمع نداكي كل قلب
حَـبِّـك وحُـبّك كان له ذنب
يدعي لربه في الصلاه
يهدينا ويفرّج هموم
ملناشي في الدنيا سواه
عشان تحاولي تغيري
إنسي الحكاوي
قومي انهضي وكفايه نوم
إنسي كمان تقولي آه
إنوي في لحظه وقرري
مدّي إديكي وابدري
حبّـة تقاوي
يمكن تجيها الروح في يوم
تنده علي نبضك يقوم
تخـْضر أغصان الحياه
تطرح غناوي
من بين حروفها يتولد قارب نجاه
يقدر يجدف بالأمل وكتير وراه
ينده نهار الكون رماه
جوّاه ضلام وليله صعب
كفايه نار وكتير ملام
العقل تاه وشْبعنا غلب
الله فْ علاه
حبة طموح ، تنده أمل ، ضل وتاه
وانتي اللي ربي كرّمك من فوق سماه
زارك صحابي وأنبيا وْنلتي رضاه
إمتي تفوقي وْتندهي إبنك بحب
ومّا نشوفك تحلمي
إبنك هايلمح خطوته تحلم معاه
نبته الضعيف يحيي الهمم
يمحي الهموم واللي ظلم
وهاتفضلي رغم العلل
أرضك منار
وعزّتك للكون شعار
ونعيش حياتنا يخصّنا صنع القرار
ومْحبّتك ف كل قلب
أصل الأمل ، روح الحياه
بالحب قومي وازرعيه
وصالحي إبنك واوعديه
ساعتها والله هاتسلمي
وهاتفهمي
وحاولي يامّـه تحلمي

....

جميلة اوي يا استاذنا

تقبل مروري واعجابي

أحمد رجب معيط كتب:: جميلة اوي يا استاذنا

تقبل مروري واعجابي

السلام عليكم .. كلام من قلبي
كل الشكر استاذ احمد علي مرورك الراقي
وتحياتي وتقديري لحضرتك

موضوع: ولسه عايزه تفهمى السبت مايو 11, 2013 12:21 pm

اخى العزيز وحبيب قلبى الشاعر الرائع المتألق دائما
الاستاذ ضياء الدين البرى

تحياتى وتقديرى وشكرا على امتاعنا بتلك القصيدة والمشاعر الرائعة .
ودمت بكل خير ومحبة وسعادة ودام ابداعك الرائع .

فوزي الشربيني كتب:: اخى العزيز وحبيب قلبى الشاعر الرائع المتألق دائما
الاستاذ ضياء الدين البرى

تحياتى وتقديرى وشكرا على امتاعنا بتلك القصيدة والمشاعر الرائعة .
ودمت بكل خير ومحبة وسعادة ودام ابداعك الرائع .

السلام عليكم .. كلام من قلبي ..
كل الشكر والتقدير اخي الحبيب.. أستاذنا الفاضل / فوزي الشربيني
علي مرورك الرائع
وتعليقك الراقي
وسعيد بتواجدك دائما علي صفحتي
تقبلي ودي واحترامي
مع التمنيات الطيبه بالمزيد من الصحه والسعاده من رب العالمين

اخى الشاعر الجميل

ضياء الدين البرى

استمتعت بقراءتى ومرورى على قصائدك .

وان كنت ارى لو نشرت كل قصيده على حده

لكان بها عنصر التشويق ومتعة التواصل .

تقبل مرورى ومودتى ..

النص للتثبيت بواسطتى

تقديراّ للشعر والشاعر والمضمون ...

الاستاذ ضياء الدين البرى
سلمت يدك وصح إبداعك
دمت وادمت المحبه

قصيدة جميلة كالعادة ياأستاذ/ ضياء

واحشنا كتير ووحشانا أعمالك الجميلة

الشاعر الفاضل ضياء الدين البرى
تحيه طيبه لحضرتك
وتحيه لحرف الجميل وغزارة معانيه
دمت مبدع
تحياتى يااستاذى

زائر

الشاعر الجميل والرائع / ضياء الدين البرى

أمتعتنى بنص له مذاقك وبريق حضورك وروعة حروفك

تحية تقدير واعجاب لشاعر مميز استطاع أن ياخذنا لعالم كلماته

وجمال الفكرة وبهاء الصور وروعة الحوار الشعرى

أحييك شاعرنا الرائع ياصاحب الخلق الرفيع

ولك منى خالص الحب والتقدير

الشاعر الكبير استاذ /ضياء الدين البري

قصيدة جميلة فيها النفس الطويل

والحضور الطاغي للشخصية المصرية

يسلم ابداعك ودائماً للاجمل

تحيتي والورد

وفاء امين

[b]

عادل عوض سند كتب:: اخى الشاعر الجميل

ضياء الدين البرى

استمتعت بقراءتى ومرورى على قصائدك .

وان كنت ارى لو نشرت كل قصيده على حده

لكان بها عنصر التشويق ومتعة التواصل .

تقبل مرورى ومودتى ..

السلام عليكم .. كلام من قلبي ..
اخي الفاضل .. الشاعر القدير.. الأستاذ / عادل عوض سند
احترامي وتقديري
وكل الشكر علي التواجد الدائم علي كلماتي
ودائما نستفيد من نصائحك القيّمه
كل عام وحضرتك بخير وسعاده
بمناسبة عيد الفطر المبارك
وتقبل المزيد من الود
واعتذر علي التاخير في الرد

عادل عوض سند كتب:: النص للتثبيت بواسطتى

تقديراّ للشعر والشاعر والمضمون ...

السلام عليكم .. كلام من قلبي ..
اخي الفاضل .. الشاعر القدير.. الأستاذ / عادل عوض سند
احترامي وتقديري
وكل الشكر علي التثبيت

تحياتي
واعتذر علي التاخير في الرد

فارس القرشي كتب:: الاستاذ ضياء الدين البرى
سلمت يدك وصح إبداعك
دمت وادمت المحبه

السلام عليكم .. كلام من قلبي ..
اخي الفاضل .. الشاعر القدير.. الأستاذ / فارس القرشي
احترامي وتقديري
وكل الشكر علي مروركم الرائع ..
وسلمت من كل سوء
وكل عام وانتم بخير

وتقبل تحياتي
واعتذر علي التاخير في الرد

طارق منيب كتب:: قصيدة جميلة كالعادة ياأستاذ/ ضياء

واحشنا كتير ووحشانا أعمالك الجميلة

السلام عليكم .. كلام من قلبي ..
اخي الفاضل .. الشاعر القدير.. الأستاذ / طارق منيب
احترامي وتقديري
وكل الشكر علي مروركم الرائع وتعليقك الراقي..

وكل عام وانتم بخير

وتقبل تحياتي
واعتذر علي التاخير في الرد

مجدى سرحان كتب:: الشاعر الفاضل ضياء الدين البرى
تحيه طيبه لحضرتك
وتحيه لحرف الجميل وغزارة معانيه
دمت مبدع
تحياتى يااستاذى

السلام عليكم .. كلام من قلبي ..
الشاعر القدير.. الأستاذ / مجدي سرحان
احترامي وتقديري
وكل الشكر علي مروركم الراقي
وكل عام وانتم بخير

وتقبل تحياتي
واعتذر علي التاخير في الرد

أحمد ناجح كتب:: الشاعر الجميل والرائع / ضياء الدين البرى

أمتعتنى بنص له مذاقك وبريق حضورك وروعة حروفك

تحية تقدير واعجاب لشاعر مميز استطاع أن ياخذنا لعالم كلماته

وجمال الفكرة وبهاء الصور وروعة الحوار الشعرى

أحييك شاعرنا الرائع ياصاحب الخلق الرفيع

ولك منى خالص الحب والتقدير

السلام عليكم .. كلام من قلبي ..
الأستاذ الشاعر / احمد ناجح
احترامي وتقديري
وكل الشكر علي مروركم الرائع الذي اضاء صفحتي
وتعليقك الراقي الذي اضاف لكلماتي ..

وكل عام وانتم بخير

وتقبل تحياتي
واعتذر علي التاخير في الرد

وفاء أمين كتب:: الشاعر الكبير استاذ /ضياء الدين البري

قصيدة جميلة فيها النفس الطويل

والحضور الطاغي للشخصية المصرية

يسلم ابداعك ودائماً للاجمل

تحيتي والورد

وفاء امين

[b]
السلام عليكم .. كلام من قلبي ..
الستاذه الفاضله .. الشاعره القديره .. الأستاذه / وفاء
احترامي وتقديري
وكل الشكر لحضرت علي مروركم الرائع وتعليقك الراقي..

وكل عام وحضرتك بكل بخير

وم وافر التحيه
واعتذر علي التاخير في الرد

» ولسـّه عايزه تفهمي ..؟ .. ضياء الدين البري
» من غير دليل .. ضياء الدين البري
» ولسّه عايزه تفهمي ..؟ مرة أخري .. ضياء الدين البري
» ولسـّه عايزه تفهمي ..؟ .. وتهنئه قلبيه من ضياء الدين البري
» يااااااااااااااااأمتي....ضياء الدين البري