رباعيات فى السياسه

يامصر ياام النيل رايحه عـلى فين
طــريق العَــدم مقسوم عـلى طرقين
إن كان طريق الفتن فارد ضلوعه
طــريق الخِـلاف مليان عـلى الصفين
*******************************
قول لى يعنى إيه كلمة وطـن
أقولك قلب دافى وحضـن وسكن
لو غريب يقوم قلبى ينتفض
يرسم حدوده جواه بحرقه وشجن
*******************************
لو راح الوطـن إيـه تـانى يفيد
وأسوء مافى الوطن كل يوم بيزيد
ياعينى ع الوطن واللى بيحصل فيه
ياخوفى أصحى ف يوم يقولوا فقيد
****************************

مااعجبك ياطير عايش ف الدنيا بسيط
رغم قلة الحيله لكن لا تـدخل ف حيط
أما إحنا معشر البشر
ف صـراع طمعنين نـربط الدنيا بخيط
*****************************
شيلوك تبقى سـَقا وانت فـ آسى عـطشان
الضهر لان وإنحنى قفلو الطريق بحيطان
الأمر قلك تِخطى وتسمع كلام الجُناه
وآه يامصرى مولود صـابر على الحرمان
*********************************
هـوا حـرام الضحكه تبقى ع الشفاه
ومفروض علينا من زمن ظُلم الجُناه
الحلم قبل المخاض ميت شهيد
العـدل غـايب أمتى يـرجع لمبتداه؟

شاعرنا الكبير
عادل عوض سند
مروركم على صفحتى المتواضعه زانها بهاءاً وإشراقا دمت لنا سالما وشمسا مشرقة على صفحات هذا المنتدى العامر