رباعيات

ياللى فاكر نفسك …....قراقوش

هيا غابة و فيها....…وحوش

احنا بشر خلقة ربنا ….بوشوش

بكر ة تندم وجريك على فاشوش

*********

ليه الكرسى عندنا قعدته …بتلذ

وقوته سيف على الرقاب ..بيحز

لو دامت لغيرك ماجاتلك ….تهز

اللى قابلك فين راحوا قوم …فذ

***********

ياما كان فى الدنيا……..فتوات

عيدان جامدة بإشنبة ..وعضلات

تشخط وتضرب....…اللكمات

داس عليهم الزمن .....وفات

**********

انت خدت ايه من ……..دنيتك

مشيت فيها وعرفت ……سكتك

ولا ضيعت نفسك وبعت ..أخرتك

الفرصة قدامك …تظبط خطوتك

************

لسة الدنيا فيها عم ……….وخال

لو فيها ليه راح …………الوصال



الكل بيقول عمى وخالك……المال

وفى الاخرة حسابك........بالاعمال

***********

أبوك عمل الصح ليه زيه …..ماتعمل

مستنى يعملك اللى ………ما يعمل

حرام عليك تفضل عليه………عالة

اتحرك بقى دا خطوة على خطوة بتجمل

**********

مراتك من زمان ولا من …….عامنول

اوعى تجرحها فى يوم……….وتطول

وتقول ناقصة رباية من……….الاول

عيب بنت الاصول عمرها ..ماتذلل

***********

ناقص عقل …أحمق وعايز.. يتحكم

ان ناقشته يصدك وبرأيه…….يحكم

سيبه يتكلم ويقول واعمل……أبكم

كده أى عاقل يقدر يفرق ……بينكم

***********

لسانك زفر وطويل……….عالجيرة

خلاص عرفوك ولا لك…….تعبيرة

كل مرة تهبهب والناس فى ….حيرة

واللسان الطويل تملى ايده …قصيرة

***********

العقل الكبير لابد وله …….أعداء

محسود على كلام يسمع ف الارجاء

القلب الكبير هوة الطيبة …..والنقاء

له كل يوم أخ وكل بلد …أصدقاء

**********

تلاتة عمرهم ما فهموا…….المرأة

عيال ما تعرف معنى ……..الجرأة

وشباب تملى سبقاهم………الحمأة

وعواجيز رجع شبابها ……..فجأة

***********

يوم العدل بيستناه ……..المظلوم

أشد من يوم الظلم ……..المعلوم

بيتمناه كل دقيقة وساعة ….ويوم

وان ماجاشى يدعى القيامة…تقوم

وعجبى

***********

حمدى البابلى 1/9/2009

استاذى الشاعر الكبير/د. صلاح طاهر
كل عام وانتم بالف خير ،ويارب يديم عليك الصحة وراحة البال ، ولاحرمنا من زيارتكم الوضاءة
لنا ،لنتعلم منكم المزيد والمزيد ،وقد اسعدنى الله بهذا المنتدى الرائع وصحبتكم التى تثرى العقل
وتبهج الروح ،فنحن نفرغ شحنات التفاعل التى ولدتها أحداث بعينها ،فرحا" أو شجنا"على الاوراق اليبضاء ،بعدها نرتاح قليلا"بعد أن صار للكلمة لسان ينطق واقع الحال ،ومن عيوبى تعجلى فى الكتابة نظما" ونثرا" ،لكن وقفة المراجعة الآن لزمت على شخصى التأنى ليأتى الحرف قبل الكلمة فى موضعه ،لهذا أنا سعيد جدا" بتقيمكم لكل الاعمال التى تنشر هنا ،وأيضا" لكونى منتسبا" الى مدرستكم الشعرية ،فخيركم من تعلم العلم وعلمه ،واعتقد جازما" أنكم كذلك .
استاذى الشاعر الكبير د. صلاح طاهر نحتاج اليكم بشدة لتضعوا القاطرة على بداية الطريق .
تحياتى وتقديرى واحترامى

استاذى الشاعر الكبير /عادل عوض سند
أشكرك سيدى الكريم على تبصيرنا بما غاب عنا ،لهذا تنعم بلقب الاستاذية عن جدارة واستحقاق،وما نحن الا هواة نلتمس منكم صواب الطريق ،وقد استوعبت وهضمت الدرس الاول،واطمع فى المزيد فلا تبخل علينا بنصائحكم الغالية ،وأنا أعرف أنكم لن تبخلوا علينا بها،لانه تكمن خلف هذه الابتسامة العذبة ،الطيبة والنقاء داخل قلب ابيض شفاف ،واشكركم على توسمكم فينا بوادر مشجعة للخوض فى بحر الشعر المتلاطم الامواج .
تحياتى وتقديرى واحترامى