رباعيات فى السياسه

الخـطوه تــاهـت على درب مـافيهشى أمــان

والليل بسواده حِــلفْ مـايكون للَـ ضَىْ مكان

راح الشهيد من غير تمن ومالُهشى دليل

طب بس مين المؤتمن يـادنيا بحور بهتان؟
********************
يـاصبح مكتوب نعيد الضلمه مــن تــانى

والخطوه فيـهــا تـعــود لألفين سنه تانى

وإن تاهت ياليل ف بحر غريق

إيه ياعنى الطبع فينا نهد اللى كان بانى

*******************
ياشعب إيــه يسعــدك دايـخ مــن سنــيــن

غُنــاك تمللى مصاحب النــاى الحــزيــن

الشمس طالعه والقمر ونْاس

طب ليه تمللى الجرح غرقان ف الآنين

********************
مـلعون يـاتعلب مـلعون بــالمكر اللى فيـك

تــلعب دور البـراءه نـاسى السُم اللى فيك

فــارد بــوشك ف دنـيـا البـــراح

بس الأكاده لو النهارده معاك بكره عليك
***********************
ليــه يـاوجع تـجــرى مابين الضلوع

تقطع وصال الوطن ومافيش رجوع

ومين ياوطن يرضى بكاس الهوان؟

لو تاهت حدودك تنطفى كل الشموع

الاخ الشاعر

طاهر طاهر

دائما ما تحمل الرباعيات الحكمه او العظه .

ورساله فى جعبة الشاعر يرسلها بما تحمله .

احييك على مضمون رباعياتك التى راقتنى .

مودتى وتقديرى ...

شاعرنا الكبير
عادل عوض سند

الرقى هو مرورك على صفحتى بالمنتدى

دمت لنا سالما

كلمات كالورود ورحيقها

رباعيات مليئة بالحكمة والابداع

تحياتي ومودتي

أخى الشاعر الجميل

أحمد رجب معيط

مرورك اثلج صدرى
لاحرمنا الله من لك
وألف مبروك لفوزك بمسابقة شهر إبريل بالمنتدى
وهو ما أسعدنا لأنك جدير بذلك وتستحقه
مع امنياتى لكم بمذيد من التفوق دائما

» رباعيات فى السياسه
» السياسه ..
» رباعيات فى حب مصر
» رباعيات
» رباعيات