رثاء الشهيد إسلام مسعود

شعر/ سلمان حسن علام
شهيد العزة يا ولدي
شهيد مكتوب على جبينك:
"فداكي النفس يا بلدي"
كرهت الشر واعوانه
ولا همَّكْشِ سَجانه
ويوم ما الدنيا ضحكت لك
أتاك الموت بقضبانه

أبو حامد وصباحي
وموسى لسه بيناحي
يا مصر امتى هترتاحي
من الواقفين على راسك
بيسقوا السم حراسك
يشوفوا الحق وبيعموا
ويخفوا الحق عن ناسك

يا "إسلام" يا اللي ابوك "مسعود"
شهيد عايش وبكرة تعود
إلى أهلك
وأصحابك
تغني فْـ حضن أحبابك
نشيد الحق يااا مرحوم
ملايكة ربنا بتحوم
حوالينا
تعزينا
تصبَّر قلبنا المهموم
تصبَّر قلب ابوك يا ابني
وقلب امك وإخواتك
فديت الحق بحياتك
وضحيت له بأيامك
وجنة ربي قدامك
وفيها الحور
ملايكةْ نور
تقول لك يا شهيد قدِّم
ولا تزعل وتتندِّم
ولا تقلق على العايشين
ولا تقلق على بلدك
سقيته العزة من عِزَّك
ومن صبرك ومن جلدك
كأنه يا ولد ولدك
وإنت أبوه
وعمره عن عنيك ما يتوه

شهيد العزة يا ولدي
شهيد مكتوب على جبينك:
"فداكي النفس يا بلدي"
كرهت الشر واعوانه
ولا همَّكْشِ سَجانه
ويوم ما الدنيا ضحكت لك
أتاك الموت بقضبانه

شهيد العزة يا ولدي
شهيد العزة يا ولدي

نص جميل استمتعت بيه

وربنا يرحم اسلام وكل شبابنا اللي بيروحوا كل يوم

ربنا يرحمهم ويرحمنا

ابدعت

هنا وجدت سلمان مرة اخرى ..

نص جيد وانت عدت بمهارتك فى طرحه .

جميل . واتمنى ان اقرأ لك المزيد .

بس ياريت تقوللى مين اللى قتل إسلام .؟؟؟

وعلى فكره هو ليس من الاخوان فلا تنسبه لهم .. بإعتراف والده ..

مودتى وتحيتى ...

أشكرك أستاذنا.. وعندما أعرف القاتل سأخبرك بالتأكيد.. أما إخوان أو غيرهم فهو في النهاية دماء زكية سالت على أرض الوطن. بالغ شكري وتقديري لمتابعتكم إياي. سلمان

» رسالة والد المجاهد الشهيد مسعود حاجي لوئي من شهداء ملحمة «ضي
» يا مـاريا .. من ديوان أولنا بير مسعود
» ماهوش إسلام يابو إسلام " إلى حارق الإنجيل" - طارق منيب
» إسلام اسرائيلية
» بير مسعود و ماء الشعر