("الأخ "عامل فيها شاعر )مساجلة

طاهر الصوفاني كتب:: تحياتي ايتها الشاعره الانسانه

وشكرا لك علي المساجله الرائعه

ونرجو تثبيتها لحسن مافيها من مشاركات وردود

وشكرا للساده المشرفين

تحياتى استاذ طاهر

وشكرا على المشاركه فقد افتقدنا مشاركاتك منذ وقت طويل

م/عطية شواش كتب:: ههههههههههههههههههههه ياولاد يلعن يحرق وديني لما افضي لكم

تثبت بواسطتي

أى خدمة يا أبي العزيز

الشعرا هنا معانا ماصدقوا
أصل الموضوع حارق دم الكل بصراحه

تحياتى ابي العزيز

طاهر طاهر السنباطى كتب:: على مًهلى جيت أقول والنيه أشاركم
لقيت منتداكـم عسل وربنا. حارسكم
وياريت يكون وجودى ف وسطكم لمه
فيه أحلى الأدب ينقال والحق فارسكم

وجود صديق وسطنا طبعا هنسعد بيه

وانت أعز الناس شاعر يا عينى عليه

قلبه اتملا زينا حسرة على بلاده

وجه يشارك همومه همومنا ويقول ليه

إيه اللى فاضلك ياوطـن بالـديار
حتى الإبتسامه فيك بتطلع بالمرار
والخطوه فيك تاهت فى السِكَكْ
أما إحـنا مابنعرفش ناخـد القرار

طاهر طاهر السنباطى كتب:: إيه اللى فاضلك ياوطـن بالـديار
حتى الإبتسامه فيك بتطلع بالمرار
والخطوه فيك تاهت فى السِكَكْ
أما إحـنا مابنعرفش ناخـد القرار

والغريبه انك مصدق انه فاهم مصلحتنا

واخد الأشعار سلاحك لجل ما تزود خيبتنا

لو ههاجم هبقى كافر أصله مولانا المعظم

وان كتبت الآه بدمعى اتسجن ويقول " هيبتنا"

زعــلان عليكى ومــش هـنزف دمــوع
زعــلان عليكى ولا فيك مَذلةأو خنوع
إنتى الكبيرة من حيث المبتدا يابلد
إن كانت قلوبهم ضلمه إنتى الشموع

طاهر طاهر السنباطى كتب:: زعــلان عليكى ومــش هـنزف دمــوع
زعــلان عليكى ولا فيك مَذلةأو خنوع
إنتى الكبيرة من حيث المبتدا يابلد
إن كانت قلوبهم ضلمه إنتى الشموع

الشمع سال من زمن والكل ليه بيهدموا

صمٌ وبكمٌ وعميٌ مستكترين يحلموا

عايشين هنا متقسمين نصين

النص فاهم وعاجبو والنص لم يفهموا

السياسه يادعاء ذى صحرا فيها سراب
عشمانه تلاقى ميه شؤمها شؤم غـراب
مهما قالوا وعادوا فيها
العداوه عهد فيها العمارأصبح خراب

طاهر طاهر السنباطى كتب:: السياسه يادعاء ذى صحرا فيها سراب
عشمانه تلاقى ميه شؤمها شؤم غـراب
مهما قالوا وعادوا فيها
العداوه عهد فيها العمارأصبح خراب

السياسه سلاح ولازم يمسكه عاقل حكيم

مش عبيط العيله ييجى يبقا "شيطانٌ رجيم"

يدبح الناس في الشوارع والميادين والمصانع

ينسى ان الرب سامع وهو قهار عليم

الشّعر ياابن النّاسْ..أفـكار تِهـزّ الكُـونْ

بالصّورة والإحسَاسْ..والمعنى والمَضمُونْ

الشّعر لُهْ قوانينْ....وعِلم بالموازينْ

وعقل هادي رزينْ..يكتب كلام مَوزنْ!!!

الشّعر مش للبيعْ..ولا فُرصة هاتفُوتَكْ

إفهم بقى ياوديـعْ..وارحمنا بسكُوتَـكْ

صوتك ياصاحبي نشَازْ..يشبه وابُور الجَازْ

والنقد فيك لو جَازْ..هيكون سبب موتَكْ

ولو انى شامم خبر انه خلاص بيموت

وجاله دور { إمساك } عن الكلام والصوت

كان نفسى اعرف مين وانا اغرقه { إسهال }

من الكلام والأدب . من غير كلام { بسكوت }

مش كُل صاحب قَلَمْ..نقول عليه اللهْ

ولا كُل قلب اتظَلَمْ..يقدر يقول الآااهْ

الكلمة سيف بتّارْ..والحكمة فـ الأشعَارْ

والعقل لو يحتَارْ..في الشّعر نور وحياهْ

الكلمه لو تجرحك يبقى بلاش منها

ولو يكون مقصدك { الخير } فكمّلها

لكن بقى فزلكه وانت صحيح فاضى

يبقى خلاص كلمتك موّتها وإدفنها

عادل عوض سند كتب:: الكلمه لو تجرحك يبقى بلاش منها

ولو يكون مقصدك { الخير } فكمّلها

لكن بقى فزلكه وانت صحيح فاضى

يبقى خلاص كلمتك موّتها وإدفنها

خّلي الكلام مستورْ..وبلاش من التصريحْ

هيجيلُه يوم ويغورْ..لو عَندُه عقل صحيحْ

إعتبره فرع ومالْ..مش طالبة لعب عيالْ

صاحبك ضعيف الحال..واقف في وشّ الريحْ

عادل عوض سند كتب:: الكلمه لو تجرحك يبقى بلاش منها

ولو يكون مقصدك { الخير } فكمّلها

لكن بقى فزلكه وانت صحيح فاضى

يبقى خلاص كلمتك موّتها وإدفنها

الكلمة لوتجرحكْ..خَلّي الكلام بحسَابْ

لو كُنت انا مَطرَحكْ..هاقفل عليها البابْ

وابعد عن الأشعَارْ..واشرب سكوتي مَرارْ

وبلاش نقيد النّارْ..ونخسر الأصحَابْ

الشعـرإن كــان كــلام.. ده إحسـاس م القلبْ
لا كل اللى قال كلمتين ولاكل اللى هب ودبْ
خليك كفيل الكلام وكون عليه مسؤل
وأوعاك تكون شاعر والقلب لا هـام ولا حَـبْ

طاهر طاهر السنباطى كتب:: الشعـرإن كــان كــلام.. ده إحسـاس م القلبْ
لا كل اللى قال كلمتين ولاكل اللى هب ودبْ
خليك كفيل الكلام وكون عليه مسؤل
وأوعاك تكون شاعر والقلب لا هـام ولا حَـبْ

بالكلمة تبني بيوتْ..وبكلمة تخربهَا

وكلمة ترضي النّاسْ..وبكلمة تغضبهَا

خلّي الضمير يحكُمك في كُل أفعالكْ

راجع عيوب كلمتكْ..بالحق واكتبهَا

رضا محمود كتب:: الشّعر ياابن النّاسْ..أفـكار تِهـزّ الكُـونْ

بالصّورة والإحسَاسْ..والمعنى والمَضمُونْ

الشّعر لُهْ قوانينْ....وعِلم بالموازينْ

وعقل هادي رزينْ..يكتب كلام مَوزنْ!!!

الشعر أصبح بضاعه فـ إيد جميع الناس

الثوري والحبيب والمضروبين برصاص

والترزى والنجار يفتل كلام أشعار

ينباع لكل بتاع والكدب يبقى أساس

تحياتى أستاذي وعفوا لعدم انتباهى لمشاركاتك السابقه
أرجو أن تقبل عذري

رضا محمود كتب:: الشّعر مش للبيعْ..ولا فُرصة هاتفُوتَكْ

إفهم بقى ياوديـعْ..وارحمنا بسكُوتَـكْ

صوتك ياصاحبي نشَازْ..يشبه وابُور الجَازْ

والنقد فيك لو جَازْ..هيكون سبب موتَكْ

الشعر يبقى مزاد وانتوا اللي مش عارفين

هكتبله واخـُد كام ولا خافش م اللايمين

حددت انا موقفي ووقفت لسيادي

والناس جميع الناس ما بين يسار ويمين

عادل عوض سند كتب:: ولو انى شامم خبر انه خلاص بيموت

وجاله دور { إمساك } عن الكلام والصوت

كان نفسى اعرف مين وانا اغرقه { إسهال }

من الكلام والأدب . من غير كلام { بسكوت }

لو انه مات وانخرس اوعاك تكون فرحان

أصل اللي زيه كتير مليين بنى الانسان

عايشين يقولو أمين ميهمهمش الناس

لو كانوا بين تايه أو بين ضعيف غلبان

رضا محمود كتب:: مش كُل صاحب قَلَمْ..نقول عليه اللهْ

ولا كُل قلب اتظَلَمْ..يقدر يقول الآااهْ

الكلمة سيف بتّارْ..والحكمة فـ الأشعَارْ

والعقل لو يحتَارْ..في الشّعر نور وحياهْ

لو كلنا نبقى واحد قصاد الزيف

لو فـ اجتماعتنا يتقال بلاش تخاريف

هيحس ان القلم كائن عظيم بيقول

ويحس ان الكلام بتار كحد السيف

عادل عوض سند كتب:: الكلمه لو تجرحك يبقى بلاش منها

ولو يكون مقصدك { الخير } فكمّلها

لكن بقى فزلكه وانت صحيح فاضى

يبقى خلاص كلمتك موّتها وإدفنها

لو تقصد اللى انكتب فـ الباشا والألاضيش

هملا الزكايب أدب وهعبي منها واعيش

أصل الكلام لو يكون للوالى والسلطان

يعمل بحبره تمن ويجيب رغيف العيش

رضا محمود كتب:

عادل عوض سند كتب:: الكلمه لو تجرحك يبقى بلاش منها

ولو يكون مقصدك { الخير } فكمّلها

لكن بقى فزلكه وانت صحيح فاضى

يبقى خلاص كلمتك موّتها وإدفنها

الكلمة لوتجرحكْ..خَلّي الكلام بحسَابْ

لو كُنت انا مَطرَحكْ..هاقفل عليها البابْ

وابعد عن الأشعَارْ..واشرب سكوتي مَرارْ

وبلاش نقيد النّارْ..ونخسر الأصحَابْ

ماهو كل مين قال كده ندمان لفين ما راح

اكتب في وش الغول يمكن في يوم ترتاح

واعمل كما كلنا حارب بأوراقك

قالى زمان إنسان " كونى بكلامِك سلاح"

رضا محمود كتب:

طاهر طاهر السنباطى كتب:: الشعـرإن كــان كــلام.. ده إحسـاس م القلبْ
لا كل اللى قال كلمتين ولاكل اللى هب ودبْ
خليك كفيل الكلام وكون عليه مسؤل
وأوعاك تكون شاعر والقلب لا هـام ولا حَـبْ

بالكلمة تبني بيوتْ..وبكلمة تخربهَا

وكلمة ترضي النّاسْ..وبكلمة تغضبهَا

خلّي الضمير يحكُمك في كُل أفعالكْ

راجع عيوب كلمتكْ..بالحق واكتبهَا

انا مش هكون زيكم خايب بيتعايق

اكتب كلامكم خطب والكل مش فايق

واخسر بإسم الوطن اسيادى واسيادكم

هبقى البعيد مجنون لو اسيبه يتضايق

» خواطر عامل على المعاش (عفوا عامل على الهامش)
» إيدي فيها إيه ؟
» عامل النظافة..
» طب فيها ايه؟ّ!
» والروح فيها