واحلم معاك

واحلم معاك
شعر : إبراهيم خليل إبراهيم
__________
قلمى ياللى نزفك

بيعرّف الأمم

بصب حزنى فــيك

يروح منى الألم

واحلم معاك بـ بكرة

تاخُدنى للقمم

بيك الكون بيصحى

وتبقى الضلمة نور

وبنرسم بيك حياتنا

والنبض فيك شعور

واحكى لك كل حاجة

فى أصعب الأمور

باتمنى تبقى جنبى

مصباح فى سكتى

أنت اللى بيك بتكبر

وتنوَّر كلمتى

كلمة بتهدى ظالم

وكلمة بتهدى عالم

وكلمة بتبقى نور

وتبدد فـ المظالم

قلمى ياللى نزفك

بيعرّف الأمم

بصب حزنى فــيك

يروح منى الألم

واحلم معاك بـ بكرة

تاخُدنى للقمم
______
من ديوان إحكي وقول ياروق للشاعر الصحفي المؤرخ إبراهيم خليل إبراهيم

مودتى وتحيتى

أخي الحبيب المهندس عطية
كل الشكر والتقدير
وكل عام وأنت بخير

الشاعر الكريم ابراهيم خليل
تحيه طيبه لحضرتك وكل عام وانتم بخير
قصيده جميله ورائعه
القلم فصيح منذ الخليقه
فلقد علم البشريه نعم بالقلم تزيح الهموم وتحل العقد
تفسير القلم فى قصيدتك صحيح صاب الهدف وشرح كل مايدور بنا
دمت مبدع
وافر تحياتى

تسلم ايدك يا استاذ ابراهيم

النص فى المجمل عجبنى ومررت لاسجل اعجابى به

من نبض القلب كل الحب

النص جميل

ابدعت يا استاذنا

مودتي