باى باى يابلادى

[center]باى باى يابلادى
قالوا زمنا دا ميه ميه
زمن الثوره والحريه
لوالحاكم جه اخوانى
ح نأكل فته ف الملوخيه
***
ايوه الفته فاكرها زمان
كات احسن أكله للاخوان
تطش فيها فص الثوم
ال يأكلها يجاله جنان
***
ماتنسى ياابنى دا وقت وعدى
اغسل وشك قوم واتوضى
يقطع حسنى ويقطع عهده
ويخرب بيت أمن الدوله
***
فى أمن الدوله شوفنا الغلب
من عالم كفره ملهاش قلب
بالنهار يعطونا بالجزمه
ويسيبوا علينا الكلب
***
يخرب بيتهم وال جايبهم
يقطع أمن الدوله وايدهم
دا جهاز ظلمه مايعرفوا الله
اصل انا شاكك والله فى دينهم
***
الاخوانى فى حكمه شديد
ينشف راسه برئيه عنيد
حاسس انه بطبعه فريد
الناس مبتعرفش تصلى
الكل عبيد وهو السيد
***
الاسلام دين الحق
مفهوش عافيه ولا فيه لا
كله سماحه ومليان طيبه
شوفنا العاصى له بيرق
***
قولى ياشاعر من غير شعر
كلمه حقيقه وبدون سعر
الاخوان ح تحل الازمه
ولا جماعة هيصه وجعر
***
ياابنى انا شاعر انى ح اموت
شايف مصر فى بطن الحوت
راجعة تانى لحكم الجهل
للكرباج والنبوت
***
طب قبل الموت اعطينى نصيحه
قبل ما قع وابقى ذبيحه
لان الكل فى ايده سكاكين
والحكم فى مصر ح يبقى فضيحه
***
اسمع ياابنى وامشى فى حالك
اتأكد ان المال مش مالك
لاأن حياتانه له قاعدين
الكلام ده بينى وبينك
وال فى بالى هو فى بالك
***
معدش حاكمنا اى قانون
لاان الخلق صايبها جنون
قالوا نغير الدساتير
ويرجع يحكم الفرعون
***
سلام يامصر انا قلبى حزين
على اجيال تانين جايين
مش شايفين للنصر بوادر
شايفين الغلب فيه تايهين
***
اه يابلادى اه يابلادى
ببكى عليك فى حضن الوادى
شايف مية نيلك تدمع
بتصب المر فى حلق ولادى
***
باى باى يازمنا باى باى ياولادى
طردتنى الدنيا والاخرة تنادى
فرشالى مكان
بجوار اجدادى
باى باى يابلادى باى باى ياولادى

أعطاك الله الصحة و العافية أستاذ مجدى
شعر مليان بالشجن
و الحزن لما يحدث لمصرنا الغاليه علينا كلنا
ربنا يصلح المستقبل لنا فى هذا البلد
ان شاء الله

استاذى الفاضل عماد عبدالسلام
تحيه طيبه لشخصك الكريم
ادعوا الله سبحانه وتعالى ان يعم الامن والامان والرخاء على بلدنا الحبيبه مصر وان يحكم فيها من يصلح وان ييسر الامر للاجيال القادمه يارب العالمين
اشكرك على كلماتك الطيبه وحبك لبلدنا الحبيبه مصر
لحضرتك وافر الاحترام والتحيه

الشاعر الجميل والمبدع الطيب الاستاذ عادل عوض
اشكرك كثير على سعة صدرك
المليئه بالخير والحب لمصر الحبيبه واهلها
ادعوا الله ان يعيد الامن والامان والمحبه لبلدنا الحبيبه
وينعم ابنائنا واحفادنا بالمستقبل السعيد والتقدم والرقى فى مصرنا الغالية
لسيادتك وافر التقدير والتحيه
دمت مبدع

طب قبل الموت اعطينى نصيحه
قبل ما قع وابقى ذبيحه
لان الكل فى ايده سكاكين
والحكم فى مصر ح يبقى فضيحه
تخوّف مشروع
استاذ سرحان
ليس لدينا سوى الامل ان تخرج مصرنا من محنتها سالمه
بارك الله فيكم
لكم التحية

الشاعر الاصيل ابن البلد
الاستاد سعد
تحيه طيبه لحضرتك
نأمل فى الحريه والديمقراطيه التى يتمتع بها البلدان المتقدمه ونأمل ان ننهض بمصرنا الى الامام ولكن بالنسبة لى المرشحين لايبشروا باالافضل ربنا يسترها على شعبنا وبلدنا العظيمه مصر
اشكرك على مرورك
لك وافر التحيه والتقدير
دمت مبدع

ثورة 25 يناير لا لا لا لا لا

ثورة 52 ( لعنة الفراعنة )

احنا بنحلم وده معناه ان احنا نايمين او مساطيل

ولما نصحي او نفوق يبقي نحقق اللي احنا عايزينه

دامت الثورة

الشاعر الكريم احمد رجب
تحيه طيبه لحضرتك
دامت الثورة
بالطبع احنا شبه بنحلم
ياريت نصحى الان وتنرك الطرق منير لااولادنا واحفادنا
ربنا يرفع الغمه عن الشعب المصرى
لحضرتك وافر الاحترام والتحيه

أخى مجدي
شعر معبر عن فترة للأسف تمر بها مصر
قصيدة نابعة من قلب مفعم بالصدق
دمت جميلا

صباح الفل ياشاعرى الجميل تحيه طيبه الى شخصك الكريم
اولا
الكل هنا فى روما فاكرينك انت والنخبه الجميله بكل خير
والكل يتمنى ان تعودوا مره اخرى لنا فى روما لاننا سعدنا بوجودكم وبثقافتكم
اشكرك على مرورك وربنا يخليك لنا ياشاعر يااصيل
دمت طيب