باى باى ... يابلادى

(باى باى .. باي يا بلادى)
***
قالوا زمنا دا ميه الميه
زمن الثوره والحريه
لو جِه!!
الحاكم.. اخوانى
كده ح نفتت في الملوخيه
***
ايوه الفته فاكرها زمان
احسن أكله من الإخوان
طَش البصله و فَص التوم
واللي ياكلها يجيلُه جنان
***
ماتنسى ياخينا دا وقت وعدى
اغسل وشك قوم واتوضى
يقطع سيرته ويقطع عهده
اللي خربها ونام في الرده
***
أمن الدوله وشوفنا الغلب
عالم كفره وملهاش قلب
ليل ونهار واخدين بالجزمه
ويعملونا معاملة كلب
***
***
الاخوانى فى حكمه شديد
ينشف راسه .. برأيه عنيد
حاسس انه بطبعه فريد
الناس مبتعرفش تصلى
وانت العبد وهو السيد
***
الاسلام حريه وحق
مَفِهوش عافيه ولا فيه رِق
كله سماحه ومليان طيبه
شوفنا العاصى له بيرِق
***
قولى ياشاعر من غير شِعر
كلمه حقيقه وبدون سِعر
الاخوان ح تحل الازمه
ولا ساعتها تزوغ وتفِر
***
ياابنى انا شاعر.. انى ح اموت
شايف مصر فى بطن الحوت
راجعة لتانى لحكم القوه
للكرباج ويا النبوت
***
قبل الموت ادينى نصيحه
احسن يابنى مانبقى دبيحه
شايف الكل فى ايده المطوه
وثورة مصر ح تبقى فضيحه
***
اسمع ياابنى وامشى فى حالك
واعرف ان المال مش مالك
رب الكون شايف أعمالك
خلى كلامى بينى وبينك
واللِ فـ بالى هو فـ بالك
***
معدش حاكمنا اى قانون
لان الخلق صايبها جنون
فاكر تغيير الدستور
ح يرجع حكم الفرعون
***
والله يامصر انا قلبى حزين
على اجيال تانين جايين
مش شايفين للنصر بوادر
شايفين غلب وفيه تايهين
***
اه يابلادى اه يابلادى
ببكِ عليكي فى حضن الوادى
شايف مية نيلك تدمع
طعم المُر فى حَلق ولادى
***
باى يازمنا باى ياولادى
فاتتنى الدنيا.. الاخرة تنادى
حاجزه القبر.. جوار اجدادى
باى يابلادى باى ياولادى
.

الله عليك استاذ مجدي
سعدت بان اكون اول من مرر علي هذه الصيدة الجميلة
باسلوب ساخر وجميل
بس خد بالك بقة دول بيقبضوا علي اللي بيكتبوا قصايد ضد النظام

الشاعر الفاضل بهاء الدين
تحيه طيبه لحضرتك
اشكرك على مرورك الاول الراقى الذى اسعدنى الكثير
اما من ناحيه انهم يقبضوا على اللى بيكتب دى شئ كلنا نتوقعه
لاانه ليس غريب عليهم هم الان يصدرون الاوامر لخدمهم يقتلون الناس ويسحلوهم وسط النهار وبعدها يخرجون علينا يتكلمون عن الدين والعدل وحقوق الشهداء
الاخ الفاضل بهاء انا لااخاف منهم ولامن رئيسهم ولاكننى اخاف من الذى خلقنى فقط
اشكرك على نصيحتك اخى الفاضل بهاء وقول لك لاتخف الا من خالقك
وان تفعل ذلك تشعر بالقوه لاانها من الله وكان قدمائنا يقولون اعلم ان للاسد هيبه عند مماته * لن ينالها الكلب فى حياته * اشكرك على مرورك الكريم
استاذ بهاء
تحياتى وتقديرى لحضرتك
دمت بخير وسعاده

السلام عليكم ورحمة الله وبركاته
أخي الكريم الشعر / مجدي سرحان
نص جميل
به الروح المصرية
عرضت فكرتك وأجدت في عرضها
في انتظار جديدك أخي

شاعرنا الفاضل عماد عبدالحكيم
تحيه طيبه لحضرتك
اشكرك على مرورك الكريم الذى اسعدنى الكثير
لك خالص التحيه والتقدير
دمت بخير

اخى الشاعر الحبيب

مجدى سرحان

عندما اخترنا مرسى للرئاسه لم نكن نعرف ان الحكم ليس فى يده .

وانما هو اداة فقط او رجل الجماعه فى القصر الرئاسى .

ومافعلوه وما قالوه وما اعلنوه اخرج عقدهم النفسيه ومرضهم المزمن

مما جعل الشعب يثور . وكأنهم الدب الذى قتل صاحبه بجهله .

ارى النهايه قربت .. ومصر اكبر بكثير من جماعه غايتها السلطه

ولا تدرك ما تفعله . لكنى الوم عليك فى جملة { باى باى يا بلادى }

واقول لك . لن تذهب مصر . الكل يذهب ومصر باقيه .

احييك على حرفك واتمنى لك التوفيق .

مودتى وتحيتى ...

استاذى الفاضل وشاعرنا المبدع عادل عوض
تحيه طيبه لحضرتك
اشكرك على مرورك الراقى الذى يحمل النصائح لنا
نعم يااستاذى
انا مع حضرتك فيما قلت مصر باقيه والاشخاص زائلون
ولكن انا قلتها فى حاله ضيق حينما ارى الاحداث تزداد سوء
وعبرت بكلمة باى باى يابلادى لبعد المسافه بين مصر وايطاليا
ولااقصد ان اوعدها لاانها هى الام فى العين والقلب وعلى الرأس
استاذى الكريم اشكرك على وطنيتك التى نستمد منها الامل والتصدى لكل يهين بلدنا الحبيبه مصر
عمنا الفاضل
تحياتى وتقديرى
دمت مبدع ووطنى