باى يابلادى

باى باى .. باي يا بلادى)
***
قالوا زمنا دا ميه الميه
زمن الثوره والحريه
لو جِه!!
الحاكم.. اخوانى
كده ح نفتت في الملوخيه
***
ايوه الفته فاكرها زمان
احسن أكله من الإخوان
طَش البصله و فَص التوم
واللي ياكلها يجيلُه جنان
***
ماتنسى ياخينا دا وقت وعدى
اغسل وشك قوم واتوضى
يقطع سيرته ويقطع عهده
اللي خربها ونام في الرده
***
أمن الدوله وشوفنا الغلب
عالم كفره وملهاش قلب
ليل ونهار واخدين بالجزمه
ويعملونا معاملة كلب
***
***
الاخوانى فى حكمه شديد
ينشف راسه .. برأيه عنيد
حاسس انه بطبعه فريد
الناس مبتعرفش تصلى
وانت العبد وهو السيد
***
الاسلام حريه وحق
مَفِهوش عافيه ولا فيه رِق
كله سماحه ومليان طيبه
شوفنا العاصى له بيرِق
***
قولى ياشاعر من غير شِعر
كلمه حقيقه وبدون سِعر
الاخوان ح تحل الازمه
ولا ساعتها تزوغ وتفِر
***
ياابنى انا شاعر.. انى ح اموت
شايف مصر فى بطن الحوت
راجعة لتانى لحكم القوه
للكرباج ويا النبوت
***
قبل الموت ادينى نصيحه
احسن يابنى مانبقى دبيحه
شايف الكل فى ايده المطوه
وثورة مصر ح تبقى فضيحه
***
اسمع ياابنى وامشى فى حالك
واعرف ان المال مش مالك
رب الكون شايف أعمالك
خلى كلامى بينى وبينك
واللِ فـ بالى هو فـ بالك
***
معدش حاكمنا اى قانون
لان الخلق صايبها جنون
فاكر تغيير الدستور
ح يرجع حكم الفرعون
***
والله يامصر انا قلبى حزين
على اجيال تانين جايين
مش شايفين للنصر بوادر
شايفين غلب وفيه تايهين
***
اه يابلادى اه يابلادى
ببكِ عليكي فى حضن الوادى
شايف مية نيلك تدمع
طعم المُر فى حَلق ولادى
***
باى يازمنا باى ياولادى
فاتتنى الدنيا.. الاخرة تنادى
حاجزه القبر.. جوار اجدادى
باى يابلادى باى ياولادى

احييك بشدة علي هذا النص فإنه يحكي كل ما يحدث
دام ابداعك وحسك الوطني

أخى مجدى
أسجل مرورى و تقديري لحرفك الجميل
تقبل خالص ودي
أخوك

السلام عليكم أخي مجدي
لكل منا رأيه اللي بيبنيه علي معلومات يستقيها إما بالقراءة أو من خلال وسائل مختلفة كالإعلام أو الندوات أو غيره وقد تكون المعلومات دي غير صحيحة
انت مختلف مع الإخوان وأنا كذلك ولكن يجب أن يكون الكلام واقعي والنقد موضوعي وهو مالا آراه في النص بتاعك
بس كان لازم أقول لك رأيي بصراحة . ماأنت صديقي بقا وأنا باحب شخصك بعيد عن السياسة
مودتي ياصديقي

رائع ما جدت به هنا
بوح راقي جدا
دمت بكل الق
تحياتي
د. السيد عبد الله سالم
المنوفية – مصر

السلام عليكم ورحمة الله وبركاته
أخي العزيز الشاعر /مجدي سرحان
عمل جميل
قد لا أتفق معك في فكرته
لكنك اجدت أخي في عرضها
وأجدت في ختام القصيدة
في انتظار جديدك أخي

استاذى الفاضل وشاعرنا المبدع عادل عوض
تحيه طيبه لحضرتك
الجميل هو مرورك الراقى وكلماتك المفيده
اشكرك يااستاذى وادعوا الله ان يعيد الامن والامان لبلدنا الحبيبه مصر
تحياتى وتقديرى لحضرتك

صديقى الكريم الشاعر بهاء الدين
تحيه طيبه لحضرتك
اشكرك على مرورك الرائع اخى الكريم
دمت بخير وسعاده

استاذى الفاضل واخى الكريم عاطف الجندى
تحيه طيبه لحضرتك
اسعدنى مرورك الراقى وكلماته الجميله
وادعوالله ان يحفظ بلدنا الحبيبه مصر
اشكرك يااستاذى على مرورك الجميل وهووسام لى
تحياتى لحضرتك
دمت بخير

اخى الكريم الشاعر حسن الجمال
تحيه طيبه لحضرتك
اشكرك على مرورك الجميل
ربنا يدوم الاخوه والاختلاف فى الرأى لايفسد للود قضيه
هذه هى وجة نظرك وانا احترمها
دمت اخ عزيز
تحياتى لحضرتك

استاذى الفاضل السيد سالم
تحيه طيبه لحضرتك
اشكرك على مرورك الراقى
وكلماتك المختصره بروعة المعانى
استاذى الفاضل
دمت بخير وسعاده

استاذى الفاضل عماد عبدالحكيم
تحيه طيبه لحضرتك
اشكرك على مرورك الجميل
وان شاء الله بوجودكم الدائم بجوارنا سنقدم الاجمل
اشكرك يااستاذى الكريم
تحياتى وتقديرى لحضرتك
دمت بخير وسعاده

الشاعر الراقى والطبيب الحكيم محمد رزق
تحيه طيبه لحضرتك
اشكرك على مرورك الراقى ومحبتك لبلدنا الحبيبه مصربكلماتك الطيبه
التى اسعدتنى الكثير وهى وسام اعتز به وشهاده غاليه من شاعر مبدع
مثل حضرتك
استاذى الفاضل ادعوا الله سبحانه وتعالى ان يعم مصر الامن والامان
ويهدى النفوس وتعود المحبه بين كل طوائف الشعب
دكتورى العزيز
تحياتى لحضرتك
دمت مبدع فى كل اعمالك

قولى ياشاعر من غير شِعر
كلمه حقيقه وبدون سِعر
الاخوان ح تحل الازمه
ولا ساعتها تزوغ وتفِر....................
الاخوان ماعندهمش غير زيت وسكر عايز
تحياتى لنصك ال خلانى اقراه اكتر من مرة
حس وطنى من فلاح بسيط
حامل هموماا لبلد

شاعرنا الراقى عبدالتواب الرفاعى
تحيه طيبه لحضرتك
اشكرك على مرورك الجميل بحلاوة الروح هههههههههههههههههههههههههه معندهمش حاجه غير الزيت والسكر مفيش طبق فته
على فكرة انت ضحكتنى انا من زمان مضحكتش وحزين على كل الاحداث التى تمر بها مصرنا الحبيبه
استاذى الكريم تحياتى لحضرتك
دمت بخير وسعاده