قصيدة ( بحبك يامصر )

بحبك يامصر
والله لوفى اخر الدنيا
يامصر ح تجمعينا
شوفت جرحك سال نزيفه
قمت صارخ من جوة قلبى
قلت جايلك ياأميره
قلت مالك أيه جرا لك لا سلامتك
ياام خوفوا ياام خفرع ياام مينا
داانت دايما حضنة كله تحت ضلك
يستضلوا
ومده ليهم ايد أمينه
العصابه من سنين بينهبوكى
الشريف والرشيد والحبيب دمروكى
اللى غطى والادهى موت شبابك ده جريمه
زى موت أبرياء شهداء صبرا وشتيلا
ثورة قامت بعيون مانمت
بشراره ولاعه فى سماها طالعه
بقلوب سليمه
ثورة شباب على اللى شاب
ف حكمة قسم الوليمة
معدش عز ولا عاد جمال
ولافيه سؤال عن السنين الاليمه
ولاعاد نواب ولاعاد خيول
ولاعاد كلاب ولاأى غول
م الاحزاب القديمه
خلاص يامصر جنيتى نصر لكل عصر
بشباب صغير
فى التحرير بعقول حكيمه
والله لوفى اخر الدنيا
يامصر ح تجمعينا

بسم الله الرحمن الرحيم
شاعرى العطيم الاستاذ عادل
تحيه طيبه لشخصك الكريم
انا بصراحه محتار مش عارف العيب فى شفيق والا فى الشعب ال انتخبه
نحن فى ايطاليا لما اطحنا بالنظام القديم الفاسد بهرنا الاروبيين
ولما عرفوا ان شفيق بتاع مبارك رجع بعضهم قالى انتوا عملتوا ثورة ليه
معرفتش ارد عليه وغرغرت عينى بالدموع وانصرفت
ربنا المستعان
مع وافر تحياتى وتقديرى
مجدى سرحان