بحبك يا مصر

موضوع: بحبك يا مصر الأربعاء نوفمبر 10, 2010 10:57 pm

بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .

بحبِّكْ ملايه .. ومنديلْ بِقُويا .

مقالبْ من أختى .. وشقاوه مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .

وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .

فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .

ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .

فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

بحبِّكْ .. بحبِّكْ .. بحبِّكْ .. يا مصرْ

شاعرنا الجميل فؤاد أبراهيم

اسمح لى بتثبيت العمل اولا ثم أعود لرائعتك

دمت بحب

وأحبِّك زياره لبيتْ عمْ سيدْ ..
ده أصله فقير مِشْ حيقْدرْ يعَيِّدْ ..
نعَيِّدْ عليه .. نفرَّحْ عنِيهْ ..
ويدعيلْنا دعوه بمليونْ جنيه .

انت رائعه يااستاذ فؤاد وقصيده تستحق ان اصفق لك عليها
وعلي كل ما بها من ابداع شعري
دمت بود

الشاعر الرائئع فؤاد66 ما اروع ما كتبت ايه يا عم الجمال ده Very Happy

تقبل مرور

بحبِّكْ .. بحبِّكْ .. بحبِّكْ .. يا مصرْ
مفيش كلام نقدر نقولو
الله عليك ويسلم لسانك
فارس با صاحبي وسابق زمانك

الله الله عليك
شاعرنا الرائع البديع/فؤاد

سلمت الايادى والتعبيرات الجميله فى حب بلدنا

كتبت فابدع وعبرت فوفيت بكلماتك الراقية

دمت بتميز كلماتك البديعه ودمت وطنى رائع

احترامى لما قدمت وتقدم
تقبل اعجابى واحترامى اخى

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

الله عليك
صور جميله و موضوع جميل
تحياتى استا محمد

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

الله عليك
صور جميله و موضوع جميل
تحياتى استا دمحمد

اخى الكريم
ابداع جميل وتألق هايل
ابارك اللة فيك يا مصرى يا بن مصر

الأخ الفاضل والشاعر الرائع فؤاد 66

بجد مش عارفة اقول إيه ولا إيه

الله أكبر

على هذا الإبداع الفياض بالكثير من المعانى التى حمل الرمزية الموجعة فى باطنها

على سبيل المثال

من أول ف أرضك يحس الغريب أنه مصرى

إلى نهاية القصيدة
مش ممكن بجد روعة للغاية

تقبل مرورى المتواضع على رائعتكم

اخى الشاعر الجميل

فؤاد إبراهيم

قصيده عظيمه فى حب مصر . كُتبت بإحساس

وقمت بعمل تضفيره رائعه من الجمل الشاعريه

وبمهارتك أضفت الجمال والروعه للنص .

واضم صوتى لصوتك واقول :

بحبك وربى .. بحبك وقلبى

يردد ف جانبى .. بحبك يا مصر

بحبك ودينى .. وابعد تجينى

تمللى تلاقينى .. بحبك يا مصر

تقبل تحيتى وخالص تقديرى ...

بحبك .. يا مصر
وحبك .. صلاه
بتبعث .. فى روحى
وقلبى .. الحياه
بتكبير .. ادانك
بتخشع .. جباه
وتدعى .. لربك
يعيد .. اللى تاه
ده الامنا .. منهم
وصل .. منتهاه
----------------
الشاعر والمبدع ... فؤاد
قصيده جميله ..لشاعر عاشق
يتغنى بحسن المحروسه ..
التى وان جارت عليها ذئاب
هذا الزمن فمازلت تحمل
عبق الأصاله والطيبه
تحياتى لجمال حروفك
ودمت مبدعا Very Happy

ويمشى ف ربوعِكْ .. ويشبعْ بجوعِكْ ..

تشبيه في محله

الله عليك يا شاعر
قصيدة رائعة

واحبك مراكب

تعدي اللي راكب

لبر الأمان ...

معقول في جمال بالشكل دا ..ا بتديت أغير منك والله

الشاعر الرائع الستاذ /فؤاد

هو مافيش حد بيسمع كلامنا ليه ؟؟

يظهر ان مصر دي امهم هما ومرات ابونا احنا

تحياتي لرائعتك ...ز

جميل يا أخى احلبيب / فؤاد ابراهيم

ردي ولا تجزعي من قسوة الحرس
يا من غدوت بهم مقطوعة النفس

أهى النهاية كى أبكى عليك دما ..
أم أن ما أنت فيه كبوة الفرس؟؟

يا جماعة واحد يدلنى على حاجة تخلينى لا أحبها ولا أكرها
على الأقل أفضل على الحياد
لأنى لا أعتقد أننى سأكرهها يوما من الأيام
ولكن أكره وأمقت كل من يسئ إليها

نحزن عليها ونحزن ونغضب لها
ولا نملك إلا أن نردد مع القائل
بحبك يا مصر

مودتى

موضوع: رد: بحبك يا مصر السبت نوفمبر 13, 2010 6:35 am

أعتقد بعد كل اللى اتقال وكل التعليقات دى صعب أضيف شىء

ولأنى أحب دايما أكون مختلفة فسألتزم الصمت .

خالص تحياتى.

الشاعرة عزة الزرقانى كتب:: شاعرنا الجميل فؤاد أبراهيم

اسمح لى بتثبيت العمل اولا ثم أعود لرائعتك

دمت بحب

دوما تعودت السبق فى تواجدك شاعرتنا الرقيقه

دوما متابعه ومشجعه

مرورك أصبح جزءا من الصفحات

لا تكتمل إلا به

فشكرا لتواجدك

وشكراعلى التثبيت

كل سنه وإنتى طيبه

مراد ناجح عزيز كتب:: وأحبِّك زياره لبيتْ عمْ سيدْ ..
ده أصله فقير مِشْ حيقْدرْ يعَيِّدْ ..
نعَيِّدْ عليه .. نفرَّحْ عنِيهْ ..
ويدعيلْنا دعوه بمليونْ جنيه .

انت رائعه يااستاذ فؤاد وقصيده تستحق ان اصفق لك عليها
وعلي كل ما بها من ابداع شعري
دمت بود

شكرا مراد الغالى

وأدام الله علينا نعمة أننا مصريون

برغم كل ما يقال ستبقى مصر فى القلوب

وسيزول الشر منها حتما

لتعود أما ونعود لأحضانها

كل الحب أخى الحبيب

وإلى لقاء جديد

حمدى شيبة كتب:: الشاعر الرائئع فؤاد66 ما اروع ما كتبت ايه يا عم الجمال ده تقبل مرور

أخى العزيز

سعيد جدا بوجودك

وسعيد أن تجمعنا كلمات فى حب الوطن

كل عام وأنت والمسلمين جميعا بخير

فتحى عوض كتب:: بحبِّكْ .. بحبِّكْ .. بحبِّكْ .. يا مصرْ
مفيش كلام نقدر نقولو
الله عليك ويسلم لسانك
فارس با صاحبي وسابق زمانك

شكرا جزيلا شاعر الجنوب الطيب

وأتمنى ان نجتمع دوما على حب الحبيبه الغاليه مصر أم الدنيا

بلا منازع

كل الحب أخى فتحى

وإلى لقاء

بسمة الورد كتب:: الله الله عليك
شاعرنا الرائع البديع/فؤاد

سلمت الايادى والتعبيرات الجميله فى حب بلدنا

كتبت فابدع وعبرت فوفيت بكلماتك الراقية

دمت بتميز كلماتك البديعه ودمت وطنى رائع

احترامى لما قدمت وتقدم
تقبل اعجابى واحترامى اخى

أختى الحبيبه بسمه

كلمتك أصبحت دافعا لى

وبت انتظرها مع كل نص جديد

فكونى هنا دوما بكل الحب

وليتنى أستحق دوما تلك الثقه

وأكون عند حسن الظن

كل عام وأنت بخير وسعاده

بحبِّكْ ملايه .. ومنديلْ بِقُويا .

مقالبْ من أختى .. وشقاوه مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

الشاعر الرائع استاذ فؤاد
احيك على هذا الابداع الراقى
والكلمات الواعيه
من شاعر يملك ادواته
كل عيد وانت بخير

الله الله الله
الاستاذ الشاعر / فؤاد 66
ماشاء الله على جراتك
بحبك يامصر
فعلا جراة
كلنا بنحب مصر
لكن لا نجرا على قولها
تهزنا كلمات حبها
ونخجل ان نعترف بذلك
فحال مصر اصابنا فى مقتل فكلمات هواها تدمع اعيننا على حالها
نعم بحبك بحبك بحبك ياااااااااااامصر
ممكن تحسى بينا بقى
ولا احنا اللى مش حاسين بيك
تقبل مرورى اخى الفاضل

الروعة هنا

والجمال هنا

والابداع هنا

ولا يوجد شيئ هناك

الرائع فؤاد ابراهيم

دمت بحب

موضوع: رد: بحبك يا مصر السبت نوفمبر 20, 2010 9:37 pm

رافت المصرى كتب:: فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

الله عليك
صور جميله و موضوع جميل
تحياتى استا محمد

أهلا بيك أستاذ رافت

نورت الصفحه

بس أنا فؤاد مش محمد

عموما كلنا واحد

والمهم إن النص عجبك

كل سنه وإنت طيب

وأشوفك دايما على خير

» بحبك يا مصر
» بحبك
» بحبك يا ســــــــــــــيسي
» بحبك
» مخبول ... ولكن !!!