أعيش حياتي إزاي؟؟؟؟

أعيش حياتي إزاي و أنفاسي محبوسه

وحياتي من غير نار محروقه

وحلمي وليدي مات و ما اندفن

صلبوه على جدار الزمن يا ولداه من غير كفن

ولا حد إتهز رمشه ولا عليه حزن

... والله لو كان كلب كان عليه إتحزن

أقف أدام مرايتي و مشفش يا ناس صورتي

أدامي شبح الأيام كابس على نفسي

إمتى يا دنيا تشيليني من راسك
وتنسي حروف إسمي و تمحيني من كراسك

ناديت عليكي كتير يا شمس الأمل فينك

قوليلي أنا هنا شاوري بطرف منديلك

ده القلب متشعلق فيكي كما إبنك وليدك

والحلم عنده أمل يتكون يوم فرحمك

الله على يوم ولادته و الفرحه مش سايعاه

لما الدنيا تفتح دراعتها و تاخده بالأحضان

بالله عليكي يا دنيا تشيلي الوش الخشب

ده القلب والله إستوى من عمايلك و تعب

اهلا وسهلا بالنور وبالحياة معا

فى بيتك ومنتداك واول اعمالك

والى مزيد من الاتقان والابداع

أخي الفاضل احمد رجب

لك مني جزيل الشكر

على زياره قصيدتي المتواضعه

جميل هذا الحس يا نور الحياه
ومرحبا بيكى وسط اخواتك
تحياتى

نور الحياة نورت حياتنا
شاعر الحب
عبدالتواب الرفاعى