عاوزة تعرف احساسى ايه

عاوز تعرف احساسى ليك
عاوز الصراحه فى رد السؤال
من غير مقدمات من غير ما اكدب عليك
مبقاش فى قلبى حاجه ليك
صحيح كنت بحبك
كنت بحبك حب جنون مش معقول
كنت بموت لو لحظه تغيب
وبفرح بقلبى لما تكون من قلبى قريب
لما كنت بشوفك جنبى بنسى الدنيا وكل ما فيها
بنسى حتى الناس حواليا
وجوه فى حضنك كان كل امانى
كنت بحبك حب بلهفه وشوق وحنين اليك
كنت النور لعنيا
كنت امالى وكل ما فيا
كنت قدر مكتوب عليا
لكن ظلمت قلبى يوم ما حبك وكمان ظلمتك

ظلمت مشاعرى يوم ما اترميت جوه فى حضنك وقلت ليك بحبك وانا ببكى بالم خدنى ليك ومتسبنيش
اديتك كل الامان وكمان كل الحنان
كنت صديقه وحبيبه وكل حنانى اديتهولك
لكن قلت حاجات وعملت حاجات
قتلت حاجه بينى وبينك
قتلت فيا ثقتى فيك
قتلت كل مشاعر حلوه عشتها ليك
كسرت تمثال رستمهولك وصوره حلوه ليك كانت جوايا
ومات جوايا خلاص حبى ليك
بغدرك بيا وقسوتك عليا
ضيعت فيا حاجات كتير
ضيعت فيا حتى الحنين
ضيعت شوقى ولهفتى عليك
والى انكسر جوايا ليك شىء مش هيرجع حتى لوفاتت سنين
راجع تانى تقولى بحبك
راجع تانى تشبع قلبك
راجع تانى تجرح فيا
مش هسمحلك تلعب بيا
مش انا هيا الى لعبت بيها زمان
انا دلوقتى بقيت بقيت بقايا انسان
مبقاش جوايا امان لانسان
سيب الدنيا تحكم بيننا
لكن لسه بردو بقولك
لسه باقى ليك فى قلبى غصب عنى مش بايدى
لكن مش نفسى احساسى ليك
لسه الصدمه ماثره فيا
لسه بعانى غدرك بيا
لسه فى قلبى انين بدرايه
لكن عنك انت ازاى اخبيه
وبقولك بكل صراحه
مبقاش فى قلبى حاجه ليك

الا شويه زكريات بترجعنى ليك

جميل احساسك بالكلمات

تسلمولى وتسلملى الاقلام الى مرت على خاطرتى تحياتى اليكم جميعا استاذى طاهر الصوفانى والجميله بسمه الورد والجميله ايمان
حنين الحب

وانا بقرأ كلامك حسيت كأنى انسان وغدرت بيكى
وحسيست بمرارك وبعذابك
اجمل حاجه ان الشاعر يخلى ال يقراكلامه يحس انه هو
جميله ورا~عه حنين دمت بكل خير
ودام الله حبر الكلام والاحساس فى قلمك
عبدالتواب الرفاعى