أسأل تعرف مصر .....ردا على عايز تعرف مصر ؟؟

عايز تعرف مصر؟؟
اسأل مين م الشعب الطيب
مرة شاف البحر
بين العجمي وبين مطروح
غير حرامية مصر

عايز تعرف مصر ؟؟
أسأل مين ف طابور العيش
مين ف ولادنا دخل الجيش
ابني وابنك
والا ولاد القصر

عايز تعرف مصر ؟؟
أسال مين ف مدينتي
سرق ف مدينتي
ومين راح تحت الصخر

عايز تعرف مصر ؟؟
أسال مين طيرانه الخاص
هد جيوبنا خلاص
ومين محروق ف القطر

عايز تعرف مصر ؟؟
اسأل مين ف القسم اتبهدل
مين ف ولاد الناس بيقتل
ابن الباشا
والا عديم الضهر

عايز تعرف مصر ؟؟
أسال فين راح ذوقنا الفني
مين جاب لنا شعبان بيغني
ليه ابوالليف عصفور متحني
وليه هلوسة العصر

عايز تعرف مصر
اسأل لية ف بلدنا يخوت ؟؟
مين لو شافها يطق يموت
ومين غرقان
في البحر

عايز تعرف مصر ؟؟
أسال لية ف بلدنا دروس
والتعليم بقي شيء مخصوص
فين مناهجنا
ومين غيرها
غير شيطان العصر

عايز تعرف مصر ؟؟
اسال فين ارادتنا الحرة
لية مسحوها كده بالمرة
لية نشحت وبلدنا السمرة
بنت النيل
اه يا مصر

مصر ح تفضل

مهما ح يحصل

مهما خانوها كلاب وباعوها

ونهبوا ف قوتها

كمان و راموها

مهما هانوها

وخربوا بيوتها

برضو حتفضل

اكبر واكبر

مصر ح تفضل

آه يا مصر بصوتنا وصوتك من أحداث هذا العصر

الشاعر القدير الأستاذ محمود جمعه

ما أصدق كلماتك وما أروع معانيك

التى شملت الكثير من أوجاعنا

تقبل أرق تحياتى وبساتين التقدير

إدّن إدّن محنا ف مالطه
حتى تاريخنا الغالي أونطه
زيّ اللّبّ نشيله ف شنطه
وزيّ قصيدة نثر
...
.
ههههههههه أصلي مش بحب قصايد النثر والله
واحشني والله يا غالي
أخبارك ايه ؟؟

بصراحه مش عارف هيّه عاملالكم إيه ؟؟؟

مالها ماهى زى الفل .؟؟ وعلى رأى عمرو أديب شمعه منوره

انتو اللى بتحبوا الضلمه ..

تعالى حاسبنى واحاسبك ..

مصر فيها إيه رخيص غير الإنسان ؟؟ مافيش هع هع

مصر بلد الإمان .. هوه فين ؟؟ مافيش هع هع

مصر الديمقراطيه.. هيّه فين ؟؟ مافيش هع هع

مصر ما فيهاش غلابه .. امال احنا مين ؟؟ مافيش هع هع

يبقى بتكرهوها ليه ؟؟؟ نفسى الاقى إجابه ؟؟ مافيش

يا دهوتتتتتتتتتتتتتتتتى ...

مرور أول ع السريع أتعطر ويافكيك
ياروح ما بعدك روح
روح ياشيخ الله يبارك لنا فى قلمك الطاهر المخلص الوطنى الديمقراطى
هههههه
لك محبتى فى الله

الشاعرة عزة الزرقانى كتب:: مصر ح تفضل

مهما ح يحصل

مهما خانوها كلاب وباعوها

ونهبوا ف قوتها

كمان و راموها

مهما هانوها

وخربوا بيوتها

برضو حتفضل

اكبر واكبر

مصر ح تفضل

[b

]الرقيقة الشاعرة عزة الزرقاني

شرفتي متصفحتي ..اشكر لك تفاعلك مع قصيدتي ..ارجو أن تبقي مصر كما قلت ..وان كانت كل المؤشرات تقول غير ذلك ..

شكر الله لك أختي الكريمة ....ودمت بكل خير

[/b]

محمود جمعة ياابن مرارى

ياابن الحزن عليها وجارى

ياابن الخوف من ماضى معشش

ولا الحاضر ذلى وعارى

محمود جمعة

مش ها يكفى الحزن وقهره

مش هيساوى الصمت ف قصره

مش ها يطول ليلة ف عمره

ياله كفاية عويل على كلبه

قوموا نهد السقف وناخد

حقنا قبل صعود طيرانه

عادل سند بتحب ف إيه

غاوى مظاهر كدب عليه

هو مريح نفسه وباين

إنه بينصب على أوطانه

عمنا عادل مهما نقوله

هو اتبلد نحس جلده

عاوز تعرف وانت العارف

شوفو لما يمر لبيته

أوجعتنا كالعادة ياابن جمعة

أوحشتنى جدا جدا جدا

تلغراف :

ألأستاذ / محمود جمعهالمصري

الكائن بشكل مؤقت في إحدي الخليجيات

مصر مين ؟؟؟؟؟

ربنا يجعلها آخر الأحزان

( لا عزاء للفقراء )

تحياتي

محمد على احمد كتب:: آه يا مصر بصوتنا وصوتك من أحداث هذا العصر

الشاعر القدير الأستاذ محمود جمعه

ما أصدق كلماتك وما أروع معانيك

التى شملت الكثير من أوجاعنا

تقبل أرق تحياتى وبساتين التقدير

[center]الشاعر والاخ الكريم الاستاذ محمد على أحمد

شرفني حضورك وتعليقك الرائع .. تقبل عميق شكري وخالص تقديري

دمت بكل خير [/center]

الشاعر الرائع الكبير

الاستاذ محمود جمعه

الله عليك وعلى روعه كلماتك

وعلى جمال المضمون المطروح

المعجون بأوجعنا

سلمت وسلم قلمك ونبضك الصادق

تقبل مرورى وتقديرى

» عايز تعرف
» مش عايز حد يكلمني
» عايز مصر
» ذي ما أنا عايز
» عايز نصيبي