عاوزة اسئلك

عاوزة اسئلك
سعات كتير بشوفك قدام عنيا
سعات كتير بتوه وانا عنيك فى عنيا
نفسى اتكلم ومش قادره
نفسى اعاتبك والكلام تايه على لسانى
نفسى اسئلك
قد ايه حبيتنى
ويا ترى انت فعلا حبيتنى
وليه خلتنى احبك واعشقك بجنون
وهل حبك ليا كان وهم
حب عمرى رسمته معاك
حلم حياتى وانا بتمناك
فات كتير وانا روحى معاك
مستحيل يكون دا كدب مستحيل يكون وهم
ومحبتنيش ومتمنتنيش
زى ما اتمنيتك كل حياتى
سيبتك وسيبتنى غصب عنى مش بايدى
صعب اهرب من نصيبى
وصعب تهرب من نصيبك
لكن الاصعب انى افضل احبك وانت بعيد ومش معايا
انى اشوفك قدام عنيا
واتمنى احضنك والمسك بايديا
ومش قادره وكل شىء بيمنعنى
لما شوفتك قدام عنيا حسيت نظرتك ليا بتقولى كلام كتير
بتقولى بحبك ومحتاج حضنك وقلبك
بس فراقنا كان غصب عنى مش بايدى
كل شىء مر بيننا كان قدر مكتوب علينا
عشقى ليك وبكايا وانا بين ايديك وصراخى وانا بنادى عليك
وانينى وحنينى اليك
وبرغم الفراق لسه جوايا حبى ليك
مش بايدى غصب عنى بفكر فيك
ازاى اموت قلبى علشان ميفكرش فيك
مش بايدى مش بايدى مش بايدى

كلماتك جميلة و رقيقة

هل جربتي تكتبي أغنية ؟ حتكوني جيدة جدا ....جربي


تقبلي تحياتي

تحياتى اليك استاذ عاطف على مرورك الكريم
انا فعلا معظم كلماتى تنفع اغانى وخصاصه لما تغنيها مطربه رومانسيه وصوتها دافى زى الفنانه شرين
ادعيلى اوصل واكون كاتبه اغانى
تحياتى اليك على تشجعيك لى استاذ عاطف وتمنياتى للجميع بالتوفيق

جميله يا حنين

جميله احاسيسك

الفراق شئ قاسي حقا وان استمر بحب شخص وهو ليس بجواري يكون بمثابة جرح في القلب احيا معه ولا استطيع ان اطيبه كلماتك رائعة