ابتدي حكاية غرام

لسه عندك حاجه تاني
قول وريحني أوام

انت بتفكر ف حالي
ولا بتنقي الكلام

قول لي أصلي بحبها
واللي كان بينا انتهى

مش هفكر بعدها
وابتدي حكاية غرام
...
كنت حاسه بكل حاجه
كل لمسه من ايديك

لما بتشوفها ف مناسبه
لما بتسلم عليك

لما بتقرب وتسرق
كل نظره من عينيك

لما كنت تروح وتسبق
وانت بتعلقها بيك
...
روح وميهمكشي قلبي
مش هيندم .. مش هيبكي

زي ما اتعلمت منك
مش هتفرق ياما عندي

مش هيتألم ف بعدك
قد ما اتألم فى قربك

بس عايزه بجد اقولك
إنك ارخص حاجه بعدي
.

والله شاعر ورائع يا رضا

كلمات فى منتهى الرقه والسلاسه

وخاليه من الجلبه الشعريه والمغالاة فى التعبير .

احييك على نصك يا رضا وتسلم ايدك .

مودتى وتحيتى ...